America

വേരുകൾ പച്ച ( കവിത : സിന്ധു സതീഷ്)

Published

on

വേരുകൾക്ക് പച്ചയാണ്
ഇലകൾ  കരിഞ്ഞുവെങ്കിലും
ശാഖകൾ അസ്ഥിയായ്
നീണ്ട കരങ്ങൾ വിടർത്തിയെങ്കിലും !

ഉൾക്കാമ്പു പച്ചയായ്
കാതൽ ജീവനിൽ
ഉയിർ പൊടിച്ച ഞരമ്പുകൾ
ഉർവിയെ തുളച്ചു പടർന്നു കുതിർന്നു !

ഉള്ളം തുടിപ്പുണ്ട്
ജീവശ്വാസം ധമനിയെ
നീരു വറ്റാത്തൊരുറവയെ
പെറ്റു പുൽകാൻ കൊതിച്ചു !

വേരു കുതിർന്ന നിശാശയ്യയിൽ
ഉപ്പുനീരിന്റെയാദ്യ തുള്ളിയിൽ
പച്ച വേരു പടർന്ന വേഗത്തിൽ
ഭൂമി പുഷ്പിണിയായ്  !

ജീവ ജലവും കനിവും ലവണവും
പച്ചയിൽ ജീവൻ പിടിച്ചു നിർത്തി
വേരുപടർന്ന മഹാവൃക്ഷശാഖിയെ
വെട്ടി വീഴ്ത്താനിനിയാർക്കു പറ്റും?

പടർന്ന ശാഖിയിൽ ഇടതൂർന്ന ചില്ലയിൽ
വസന്തം പണിത നെയ്ത്തുശാലകൾ
വർഷത്തേരിലിറങ്ങീ മനോഹരമാം
പൂക്കൾ പൂമ്പാറ്റച്ചിറകു പോലെ !

പീതവർണ്ണം കർണ്ണികാര കുസുമങ്ങൾ
പാതിയിൽ പൂത്തതും പാതി വിടർന്നതും
വേരുകൾ പച്ചയിൽ മണ്ണിൻ ചുവപ്പിലായ്
കൈകോർത്തു നിന്നു നീലാകാശവും !

ഇവിടെയിരുളിന്റെ തായ് വേരു
ശാഖകളായ്പ്പിരിഞ്ഞുൾക്കുടന്നയിൽ
നീരു വറ്റാത്ത പുതുനാമ്പുകൾ
ജീവന്റെ വേരുകൾ അസ്ഥികൾ !!

വേരുകളുറച്ചു പടർന്നു പോയ്
കഴിയില്ലവയെയടർത്തിമാറ്റാൻ
നോവുതീരില്ലിനിയീ ചെറു വേരുകൾ
വാക്കാലടർത്തിക്കളഞ്ഞിടല്ലേ ....

താങ്ങില്ല ഈ മഹാ വൃക്ഷമിനിയീ
വേരിന്റെ താങ്ങു നിലച്ചു പോയാൽ
വേരറ്റു വീണു കിടക്കുവാനല്ല ഞാൻ
ഭൂമിയിൽ പച്ചപ്പിലൂടെ ചരിക്കാൻ!

ചിരിക്കാൻ കരയാതിരിക്കാൻ
കരച്ചിലിന്നുപ്പുരസം പകർന്നാൽ
പച്ച വേരുകൾ വാടിപ്പിടയു -
മതിന്നുള്ള മാർഗ്ഗം നടന്നു കൂടാ ...

അകലെ നിന്നെത്തുന്ന പക്ഷികൾ
രാത്രിയിൽ കടലോളം സ്നേഹ
കനികൾ ഭക്ഷിച്ചെന്റെ ശിഖരത്തിലിത്തിരി
നേരമിരുന്നു പറന്നു പോട്ടേ

അതിലൂടെ ഈ ലോക സുകൃതങ്ങളൊക്കെയും
അരുമയായ് ഞാനൊന്നറിഞ്ഞിടട്ടെ
ഒരു മാത്രയെങ്കിലും ഒരു മാത്രയെങ്കിലും !

പോയി വരുന്ന വസന്തവും ഞാനും
നേർക്കുനേർ കണ്ണുകൾ കൂട്ടിമുട്ടേ
ഇനിയുമൊരായിരം വസന്ത ശാഖകൾ
പൂത്തു നിറയുമെൻ ചില്ലയിൽ ഞാൻ!

ആടിയുലഞ്ഞ ഹിമകണികകൾ
എന്റെ മേൽ ഇന്ദ്രചാപങ്ങൾ വിരിയിക്കവേ
ഈ പ്രപഞ്ച വിഹായസും ഞാനും
വേറെയല്ലൊന്നെന്നത്തോർത്തു പോകും!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സാഹിത്യചരിതം (ഓട്ടംതുള്ളല്‍: ജോണ്‍ ഇളമത)

ശ്വാസം: കവിത, കാവ്യ ഭാസ്ക്കർ

തിരിച്ചറിവുകൾ (കഥ: പൂന്തോട്ടത്ത്‌ വിനയകുമാർ)

മാറ്റുവിൻ ചട്ടങ്ങളെ   (കഥ: സന്തോഷ് ആറ്റിങ്ങൽ)

തരംഗിണി( കവിത : അശോക് കുമാര്‍.കെ.)

ശരിയാകാത്ത കാര്യങ്ങൾ (കഥ - രമണി അമ്മാൾ )

ബുധിനി: പുറത്താക്കപ്പെട്ടവരുടെ പ്രതീകം  (വിജയ് സി. എച്ച്)

ഓര്‍മ്മച്ചിന്തുകള്‍ (കവിത: അമ്പിളി ദിലീപ്)

നീ അകലുമ്പോൾ: കവിത, ഷാമിനി  

RANGANATHAN’S PRIDE AND COLLEAGUES’ ENVY (Sreedevi Krishnan)

മുല്ല (കവിത : മാത്യു മുട്ടത്ത് )

നീതി നിഷിദ്ധമാകുമ്പോള്‍..... (കവിത: ദീപ ബിബീഷ് നായര്‍)

തിരികെ വരൂ നീയെൻ വസന്തമേ.. ( കവിത : പുഷ്പമ്മ ചാണ്ടി )

ആത്മകഥ... ( കവിത : രമണി അമ്മാൾ )

 വെളിച്ചം (കവിത: അമ്മു സഖറിയ)

ഹെയർ ഡ്രസ്സർ (കഥ: അലക്സ് കോശി)

ശൈത്യ ഗീതം (കവിത: ബിന്ദു ടിജി)

ഒരു യാത്ര പോവാം (കവിത : ശാന്തിനി ടോം )

മരുപ്പച്ച... (കഥ: നൈനമണ്ണഞ്ചേരി)

പരസ്പരം പകുക്കുമ്പോൾ (കവിത: പോൾ കുഞ്ഞമ്മ ചാക്കോ )

ചിരിക്കാം (കവിത : ദീപ ബിബീഷ് നായര്‍)

ഹായ്...കഥ പ്രകാശന്‍ കരിവെള്ളൂര്‍-ഇ-ബുക്ക് വായിക്കാം)

മാന്യൻ (കവിത : ഡോ. ശോഭ സതീഷ്)

മഴപെയ്തു തോരുമ്പോൾ...(അമ്പിളി ദിലീപ്)

കാഞ്ചി എന്നൊരുവൾ (കവിത: സന്ധ്യ എം)

സൗഹൃദപൂക്കൾ  (കവിത: ജോയ് പാരിപ്പള്ളില്‍)

Families in COVID (Poem: Lebrin Paruthimoottil,Dallas)

ആത്മഗീതങ്ങൾ: കവിത, മിനി സുരേഷ്

പ്രതീക്ഷ,ഒരു തുറുപ്പുചീട്ടോ ? (കഥ : ഫർസാന .എസ്)

കരുണത്തണൽ, കനിവിൻ മഴ (കവിത : മൃദുല രാമചന്ദ്രൻ)

View More