അഗേറ്റ് പാത്രങ്ങൾ-പുടിന് നരേന്ദ്ര മോദിയുടെ സ്നേഹോപഹാരം

Published on 07 December, 2021
അഗേറ്റ് പാത്രങ്ങൾ-പുടിന് നരേന്ദ്ര മോദിയുടെ സ്നേഹോപഹാരം
ന്യൂഡൽഹി: റഷ്യൻ പ്രസിഡണ്ട് വ്ളാഡിമർ പുടിന് അഗേറ്റ് കല്ലുകളാൽ നിർമിച്ച പാത്രങ്ങൾ സമ്മാനിച്ച് പ്രധാനമന്ത്രി നരേന്ദ്ര മോദി. ഇന്ത്യൻ സന്ദർശനം നടത്തുന്നതിനിടയിലാണ് അമൂല്യമായി കാണപ്പെടുന്ന ഈ പാത്രങ്ങൾ പ്രധാനമന്ത്രി പുടിന് ഉപഹാരമായി നൽകിയത്.

ഗുജറാത്തിലെ ഖംഭാട് പ്രവിശ്യയിൽ കാണപ്പെടുന്ന അപൂർവ്വ ഇനമാണ് അഗേറ്റ് കല്ലുകൾ. ഇവ, മിനുക്കിയെടുത്ത ശേഷം ആഭരണങ്ങൾ നിർമ്മിക്കാൻ ഉപയോഗിക്കാറുണ്ട്.

ഇരുപത്തി ഒന്നാമത്തെ വാർഷിക ഉച്ചകോടിയിൽ പങ്കെടുത്ത മോദിയും പുടിനും നിരവധി കരാറുകളിൽ ഒപ്പുവെച്ചു. ഇന്ത്യ-റഷ്യ ബന്ധം ഊട്ടിയുറപ്പിക്കുന്ന സാമ്പത്തിക,- വാണിജ്യ-സൈനിക കരാറുകളാണ് ഇവയെല്ലാം. 10 വർഷത്തേക്കുള്ള സൈനിക സാങ്കേതിക സഹകരണത്തിനുള്ള കരാറും ഇതിലുൾപ്പെടുന്നു.
ഇന്ത്യ– റഷ്യ സൈനിക സഹകരണം സമാനതകളില്ലാത്തതാണെന്നും ഭീകരതയ്ക്കെതിരെ ഒരുമിച്ചു പോരാടണമെന്നും ചർച്ചയ്ക്കിടെ പുടിൻ വ്യക്തമാക്കി.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക