കൊറോണ വൈറസ് പാന്‍ഡെമിക് കാരണം ചിത്രത്തിന്റെ റിലീസ് മാറ്റിവച്ചിരുന്നു  . ഇപ്പോള്‍, ഒരു ഒടിടി ഭീമന്‍ നേരിട്ട് സ്ട്രീമിംഗിനായി ചിത്രത്തിന് 400 കോടി രൂപ വാഗ്ദാനം ചെയ്തതായി റിപ്പോര്‍ട്ടുണ്ട്. എന്നാല്‍, രാധേ ശ്യാമിന്റെ നിര്‍മ്മാതാക്കള്‍ ഈ ഓഫര്‍ നിരസിക്കുകയും തിയേറ്ററുകളില്‍ റിലീസ് ചെയ്യാന്‍ താല്‍പ്പര്യപ്പെടുകയും ചെയ്തു എന്നാണ് റിപ്പോര്‍ട്ട്.

രാധാകൃഷ്ണ കുമാര്‍ സംവിധാനം ചെയ്ത  പീരിയഡ് റൊമാന്റിക് ചിത്രമാണ് രാധേ ശ്യാം. ജനുവരി 14 ന് റിലീസ് ചെയ്യാനിരുന്ന ചിത്രം കോവിഡ് -19 പാന്‍ഡെമിക്കിന്റെ മൂന്നാം തരംഗം കാരണം മാറ്റിവച്ചതായി നിര്‍മ്മാതാക്കള്‍ അറിയിച്ചു.

തെലുങ്കിലും ഹിന്ദിയിലും ചിത്രീകരിച്ച രാധേ ശ്യാമിന്റെ പാന്‍ ഇന്ത്യ റിലീസാകും ഉണ്ടാകുക. റൊമാന്റിക് ഡ്രാമ തമിഴ്, മലയാളം, കന്നഡ ഭാഷകളിലേക്ക് മൊഴിമാറ്റം ചെയ്യും. കൈനോട്ടക്കാരനായ വിക്രമാദിത്യനായി പ്രഭാസ് എത്തുമ്ബോള്‍ പ്രേരണയായി പൂജ ഹെഗ്‌ഡെ എത്തുന്നു.

യുവി ക്രിയേഷന്‍സ് നിര്‍മ്മിക്കുന്ന, രാധേ ശ്യാമില്‍ ഭാഗ്യശ്രീ, സത്യരാജ്, ജഗപതി ബാബു, പ്രിയദര്‍ശി, മുരളി ശര്‍മ്മ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.