അബുദാബി: അബുദാബിയില് പാചകവാതക സിലിണ്ടര് പൊട്ടിത്തെറിച്ച് രണ്ടു പേര് മരിച്ചു. 120 പേര്ക്ക് പരിക്കേറ്റു. മരിച്ചവരെയും പരിക്കേറ്റവരെയും കുറിച്ചുള്ള വിവരങ്ങള് പോലീസ് പുറത്തുവിട്ടിട്ടില്ല. പരിക്കേറ്റവര്ക്ക് ചികിത്സ ലഭ്യമാക്കുന്നതായി അബുദാബി പോലീസ് അറിയിച്ചു. ഖ
ഖാലിദിയയിലെ ഒരു റെസ്റ്റോറന്റില് പാചകവാതക സിലിണ്ടര് പൊട്ടിത്തെറിച്ചാണ് അപകടമുണ്ടായത്. തിങ്കളാഴ്ച ഉച്ചക്ക് 1.35 ഓടെയാണ് സംഭവം. മലയാളികള് ഉള്പ്പെടെയുള്ളവര്ക്ക് പരിക്കേറ്റിട്ടുണ്ടെന്നായിരുന്നായിരുന്നു പ്രാഥമിക വിവരം. എന്നാല് ഇക്കാര്യത്തില് സ്ഥിരീകരണമില്ല.
സമീപത്തെ കടകള്ക്കും ആറ് കെട്ടിടങ്ങള്ക്കും കേടുപാടുണ്ടായി. മുന്കരുതല് നടപടികളുടെ ഭാഗമായി റെസ്റ്റോറന്റ് പ്രവര്ത്തിച്ചിരുന്ന കെട്ടിടം പൂര്ണമായും ഒഴിപ്പിച്ചതായി അബുദാബി പോലീസ് വ്യക്തമാക്കി.
മരിച്ചവരുടെ കുടുംബങ്ങളെ അധികൃതര് അനുശോചനം അറിയിച്ചു. പരിക്കേറ്റവര് വേഗത്തില് സുഖംപ്രാപിക്കട്ടെയെന്നും ആശംസിച്ചു. വിവരങ്ങള്ക്കായി ഔദ്യോഗിക സ്രോതസ്സുകളെ ആശ്രയിക്കാനും തെറ്റായ വിവരങ്ങള് പ്രചരിപ്പിക്കുന്നതില്നിന്ന് വിട്ടുനില്ക്കാനും അധികൃതര് അഭ്യര്ഥിച്ചു.