ബെംഗളൂരു: കോണ്?ഗ്രസിന്റെയും ഭാരത് ജോഡോ യാത്രയുടെയും ട്വിറ്റര് അക്കൗണ്ടുകള് മരവിപ്പിച്ച സിവില് കോടതി ഉത്തരവ് കര്ണാടക ഹൈക്കോടതി റദ്ദാക്കി. പകര്പ്പവകാശ പരാതി ഉയര്ന്ന വീഡിയോകള് പിന്വലിച്ചത് കണക്കിലെടുത്താണ് ഹൈക്കോടതി ഉത്തരവ്.
രാഹുല് ഗാന്ധി നയിക്കുന്ന ഭാരത് ജോഡോ യാത്രയുടെ വീഡിയോ ദൃശ്യങ്ങള്ക്കൊപ്പം, കെജിഎഫ് 2 സിനിമയിലെ ഗാനം അനുമതിയില്ലാതെ ഉപയോഗിച്ചതിനെ തുടര്ന്നാണ് കോണ്ഗ്രസിന്റെയും ഭാരത് ജോഡോ യാത്രയുടെയും ട്വിറ്റര് അക്കൗണ്ടുകള് മരവിപ്പിക്കാന് സിവില് കോടതി ഉത്തരവിട്ടത്. പകര്പ്പ് അവകാശ ലംഘനമെന്ന് ചൂണ്ടിക്കാട്ടിയായിരുന്നു ബംഗളൂരു സിറ്റി സിവില് കോടതിയുടെ ഉത്തരവ്. കോണ്ഗ്രസിന്റെയും ഭാരത് ജോഡോ യാത്രയുടെയും ട്വിറ്റര് അക്കൗണ്ടുകള് തത്ക്കാലത്തേക്ക് മരവിപ്പിക്കാനായിരുന്നു കോടതി നിര്ദ്ദേശം.
ഭാരത് ജോഡോ യാത്രക്കിടെ രാഹുല് ഗാന്ധി പങ്കെടുത്ത പരിപാടിയുടെ വീഡിയോ രാഹുലിനെ പ്രമോട്ട് ചെയ്യുന്ന രീതിയില് കെജിഎഫ് 2 സിനിമയിലെ ഗാനത്തിന്റെ പശ്ചാത്തല സംഗീതം കൂടി ചേര്ത്ത് കോണ്ഗ്രസിന്റെയും ഭാരത് ജോഡോ യാത്രയുടെയും ട്വിറ്റര് ഹാന്ഡിലുകളിലൂടെയും എ ഐ സി സി ജനറല് സെക്രട്ടറി ജയറാം രമേശ് അടക്കമുള്ളവരുടെ ട്വിറ്ററിലൂടെയും പങ്കുവെക്കപ്പെട്ടിരുന്നു. ഇത് ചൂണ്ടിക്കാട്ടിയാണ് മ്യൂസിക് കമ്പനി കോടതിയില് ഹര്ജി നല്കിയത്. പിന്നാലെ, തല്ക്കാലത്തേക്ക് കോണ്ഗ്രസ്, ഭാരത് ജോഡോ ട്വിറ്റര് അക്കൗണ്ടുകള് മരവിപ്പിക്കാന് കോടതി ഉത്തരവിറക്കുകയായിരുന്നു.
സിവില് കോടതി ഉത്തരവ് ഏകപക്ഷീയമാണെന്ന് ആരോപിച്ചാണ് കോണ്?ഗ്രസ് ഹൈക്കോടതിയെ സമീപിച്ചത്. സിവില് കോടതി ഉത്തരവ് ജനാധിപത്യവിരുദ്ധമാണെന്നായിരുന്നു കോണ്ഗ്രസിന്റെ ആരോപണം. അനീതിയാണ് നടന്നതെന്നും തങ്ങളുടെ ഭാ?ഗം കേള്ക്കാതെയാണ് കോടതി ഉത്തരവെന്നും കോണ്?ഗ്രസ് ചൂണ്ടിക്കാട്ടിയിരുന്നു. അതേസമയം, കെജിഎഫ് 2 ലെ പാട്ടിന്റെ കൃത്യമായ പകര്പ്പ് അവകാശമോ അനുമതിയോ ഇല്ലാതെ ഇത്തരമൊരു നീക്കം നടത്തിയത് അംഗീകരിക്കാനാകില്ലെന്നാണ് മ്യൂസിക് കമ്പനിയുടെ നിലപാട്.