തിരുവനന്തപുരം: പ്രമുഖ കഥാകൃത്തും നോവലിസ്റ്റും കേരള സാഹിത്യഅക്കാദമി അവാര്ഡ് ജേതാവുമായ സതീഷ് ബാബു പയ്യന്നൂരിനെ (59) വഞ്ചിയൂരിലെ ഫ്ലാറ്റില് മരിച്ച നിലയില് കണ്ടെത്തി .
അമേരിക്കൻ മലയാളികൾക്ക് സുപരിചിതനായ സതീഷ് ബാബുവും ഭാര്യയുമായിരുന്നു മാതൃഭൂമി റോഡിന് സമീപമുള്ള ഫ്ലാറ്റില് താമസിച്ചിരുന്നത്. കഴിഞ്ഞ ദിവസം ഭാര്യ നാട്ടില് പോയിരുന്നതിനാല് സതീഷ് ബാബു വീട്ടില് തനിച്ചായിരുന്നു. രാവിലെ മുതല് ഇദ്ദേഹത്തെ വിളിച്ചിട്ട് ഫോണ് എടുക്കാതിരുന്നതിനെ തുടര്ന്ന് ബന്ധുക്കള് പോലീസിനെ അറിയിച്ചു. പോലീസിന്റെ സഹായത്തോടെ ഫ്ലാറ്റിന്റെ വാതില് തുറന്ന് പരിശോധിച്ചപ്പോളാണ് സതീഷ് ബാബുവിനെ മരിച്ച നിലയില് കണ്ടെത്തിയത്.
മരണത്തില് അസ്വഭാവികതയില്ലെന്നാണ് പോലീസ് പറയുന്നത്. പുറത്തുനിന്ന് അതിക്രമിച്ച് കടന്നതിന്റെയോ ആക്രമിക്കപ്പെട്ടതിന്റെയോ ലക്ഷണങ്ങളില്ലെന്നും പോലീസ് പറയുന്നു.
ഫ്ലാറ്റിലെ മുറിക്കുള്ളില് തറയിലാണ് മൃതദേഹം കണ്ടെത്തിയത്. ഫോറന്സിക് സംഘം പരിശോധന നടത്തുന്നുണ്ട്.
ബുധനാഴ്ച വൈകിട്ട് ഏഴ് മണിക്ക് ശേഷം ഇദ്ദേഹത്തെ പുറത്ത് കണ്ടിട്ടില്ലെന്നാണ് അടുത്ത് താമസിക്കുന്നവര് പറയുന്നത്. ഫ്ലാറ്റിന് മുന്നിലിട്ട പത്രം എടുത്തിട്ടില്ല.
see also: Watch | Facebook