വിഴിഞ്ഞത്ത് സമരക്കാര്‍ സ്വന്തം നിയമമാണ് നടപ്പിലാക്കുന്നതെന്ന് അദാനി ഗ്രൂപ്പ് കോടതിയില്‍ പറഞ്ഞു. അവിടെ യുദ്ധം നടക്കുന്നത് പോലീസിനും കോടതിക്കുമെതിരെയാണെന്നും പോലീസ് നിഷ്‌ക്രിയമാണെന്നും അദാനി ഗ്രൂപ്പ് കോടതിയെ അറിയിച്ചു. 

സമരക്കാരില്‍ നിന്നും സംരക്ഷണം വേണമെന്ന അദാനി ഗ്രൂപ്പിന്റെ ഹര്‍ജി കോടതി പരിഗണക്കവെയായിരുന്നു ഈ വാദങ്ങള്‍ നടന്നത്. 5000 പോലീസിനെ വിന്യസിച്ചിരുന്നുവെന്ന് സര്‍ക്കാര് കോടതിയെ അറിയിച്ചു.മൂവായിരം പ്രക്ഷോഭകര്‍ പോലീസ് സ്റ്റേഷന്‍ വളഞ്ഞു. 

പോലീസുകാര്‍ക്ക് പരിക്കേറ്റു,എഫ് ഐ ആര്‍ രജിസ്റ്റര്‍ ചെയ്തുവെന്നും സര്‍ക്കാര്‍ വ്യക്തമാക്കി.ഹര്‍ജി പരിഗണിക്കുന്നത് വെള്ളിയാഴ്ചത്തേക്ക് മാറ്റി. സ്വീകരിച്ച നടപടികള്‍ വെള്ളിയാഴ്ച അറിയിക്കാന്‍ സര്‍ക്കാരിനോട്  ഹൈകോടതി ആവശ്യപ്പെട്ടു

വിഴിഞ്ഞം സംഭവത്തില്‍ നടപടിയെടുക്കണമെന്ന് ജസ്റ്റിസ് അനു ശിവരാമന്‍ നിര്‍ദ്ദേശിച്ചു.  സാധ്യമായതെല്ലാം ചെയ്യുന്നുണ്ടെന്ന്  സര്‍ക്കാര്‍ അറിയിച്ചു.

adhani group -vizhinjam issue -kerala high court