ഇന്ത്യക്ക് ചരിത്രനേട്ടങ്ങള്‍ ഒരു പുതുമയല്ലാതായിരിക്കുന്നു.  സെന്‍സെക്സ് ബുധനാഴ്ച ആദ്യമായി 63,000 പോയിന്റിന്  മുകളില്‍ സ്ഥാനം ഉറപ്പിച്ചിരിക്കുന്നു, 

ആഗോളതലത്തില്‍ സാമ്പത്തിക മാന്ദ്യവും പണപ്പെരുപ്പവും പേടിസ്വപ്നമായി നുഴഞ്ഞു കയറുന്ന കാലയളവില്‍, ആഗോള വിപണികളിലെ വലിയ പോസിറ്റീവ് പ്രവണതയ്ക്കും തുടര്‍ച്ചയായ വിദേശ ഫണ്ട് ഒഴുക്കിനും ഇടയില്‍ സെന്‍സെക്‌സ് അതിന്റെ വിജയത്തിന്റെ വേഗത ഏഴാം ദിവസത്തേക്ക് തുടരുന്നത് ഒരു അത്ഭുത പ്രതിഭാസമായി സാമ്പത്തികവിദഗ്ധന്മാര്‍ ചൂണ്ടിക്കാട്ടാന്‍ തുടങ്ങിക്കഴിഞ്ഞു. 

കൂട്ടത്തില്‍ എന്‍എസ്ഇ നിഫ്റ്റി 140.30 പോയിന്റ് അഥവാ 0.75 ശതമാനം ഉയര്‍ന്ന് 18,758.35 ല്‍ അവസാനിച്ചു, അതിന്റെയും  പുതിയ റെക്കോര്‍ഡ് ക്ലോസ് ആയി മാറി .

ഇന്ത്യയുടെ ഉയര്‍ച്ച ഇന്ത്യന്‍ സാങ്കേതികവിദ്യയുടെ ഉയര്‍ച്ചയുമായി അഗാധമായി ബന്ധപ്പെട്ടിരിക്കുന്നുവെന്നും, ശക്തമായ രാഷ്ട്രീയ പുരോഗതികള്‍  നേടിയ ഈ മേഖലയിലെ സംഭവവികാസങ്ങളോട് സംതൃപ്തിയും രേഖപ്പെടുത്തിക്കൊണ്ടു വിദേശകാര്യ മന്ത്രി എസ് ജയശങ്കര്‍ ചൊവ്വാഴ്ച പറഞ്ഞു

ഇങ്ങനെയുള്ള അനുകൂല സാമ്പത്തിക തരംഗം അലതല്ലുമ്പോള്‍ ഇന്ത്യയുടെ സ്വന്തം ഡിജിറ്റല്‍ കറന്‍സി പുറത്തിറക്കുന്നതും ഒരു ചരിത്രസംഭവമാണ്., ഡിജിറ്റല്‍ കറന്‍സി ബ്ലോക്ക്‌ചെയിന്‍ സാങ്കേതികവിദ്യയെ അടിസ്ഥാനമാക്കിയുള്ളതാണ്, അതേസമയം ഏറെ പ്രതീക്ഷയോടെ കാത്തിരിക്കുന്ന ക്രിപ്റ്റോകറന്‍സി ബില്‍ ഇതുവരെ വെളിച്ചം കണ്ടിട്ടില്ല. നേരത്തെ, നവംബര്‍ 29 ന് ആരംഭിച്ച പാര്‍ലമെന്റിന്റെ ശീതകാല സമ്മേളനത്തില്‍ ക്രിപ്റ്റോകറന്‍സിക്കായി ഇന്ത്യന്‍ സര്‍ക്കാര്‍ പുതിയ നിയന്ത്രണങ്ങള്‍ അവതരിപ്പിക്കാന്‍ തീരുമാനിച്ചിരുന്നു. ചില്ലറയിടപാടുകള്‍ പരീക്ഷണാടിസ്ഥാനത്തില്‍ ആദ്യം നാല് സിറ്റികളില്‍ നാളെമുതല്‍ പ്രാബല്യത്തില്‍ വരുന്നുവെന്നത് സ്വാഗതാര്ഹം തന്നെ.

'2022-23 മുതല്‍ ആര്‍ബിഐ ബ്ലോക്ക്‌ചെയിനും മറ്റ് സാങ്കേതികവിദ്യകളും ഉപയോഗിച്ച് ഡിജിറ്റല്‍ രൂപ വ്യാപകമായി ഇഷ്യു ചെയ്യും. ഇത് സമ്പദ്വ്യവസ്ഥയ്ക്ക് വലിയ ഉത്തേജനം നല്‍കും, ' കേന്ദ്ര ധനകാര്യമന്ത്രി  പാര്‍ലമെന്റിലെ 2022-23 ലെ കേന്ദ്ര ബജറ്റ് പ്രസംഗത്തില്‍ പ്രസ്താവിച്ചിരുന്നു.

ഇതോടെ, ഫിയറ്റ് കറന്‍സിയുടെ വെര്‍ച്വല്‍ രൂപത്തെ സൂചിപ്പിക്കുന്ന സ്വന്തം സെന്‍ട്രല്‍ ബാങ്ക് ഡിജിറ്റല്‍ കറന്‍സി (CBDC) ഉള്ള ചില രാജ്യങ്ങളില്‍ ഇന്ത്യയും ചേരുന്നുവെന്നത്  അഭിമാനകരം തന്നെ.

ഏകദേശം, 80 ശതമാനത്തിലധികം സെന്‍ട്രല്‍ ബാങ്കുകളും ഡിജിറ്റല്‍ കറന്‍സികളാണ് ലക്ഷ്യമിടുന്നത്.

ചൈനയുടെ ഡിജിറ്റല്‍ ആര്‍എംബി ആണ് ആദ്യമായി ഒരു പ്രധാന സമ്പദ്വ്യവസ്ഥ പുറത്തിറക്കിയ ഡിജിറ്റല്‍ കറന്‍സി. 2021 സെപ്റ്റംബര്‍ 27-ന്, ഫാന്റം ഫൗണ്ടേഷനുമായി ചേര്‍ന്ന് താജിക്കിസ്ഥാന്‍ ഒരു CBDC സൃഷ്ടിക്കുന്നതായി പ്രഖ്യാപിച്ചു, ഒക്ടോബര്‍ 25-ന് CBDC ആരംഭിച്ച ആദ്യത്തെ ആഫ്രിക്കന്‍ രാജ്യമാണ് നൈജീരിയ.

ബാങ്ക് ഓഫ് അമേരിക്ക അതിന്റെ സമീപകാല റിപ്പോര്‍ട്ടില്‍ പറയുന്നത് തികച്ചും വ്യത്യസ്തമാണ്, ഒരു യുഎസ് സിബിഡിസി നിലവില്‍ വന്നാല്‍, പൊതുജനങ്ങള്‍ക്ക് ലഭ്യമായ ഡിജിറ്റല്‍ പണത്തില്‍ നിന്ന് വ്യത്യസ്തമായിരിക്കും, കാരണം അത് യുഎസ് ഫെഡറല്‍ റിസര്‍വിന്റെ ബാധ്യതയായിരിക്കും, ഒരു വാണിജ്യ ബാങ്കല്ല, അതിനാല്‍ ക്രെഡിറ്റ് അല്ലെങ്കില്‍ ലിക്വിഡിറ്റി റിസ്‌ക് ഉണ്ടാകില്ല. യുഎസ് ഫെഡ് ഒരു സിബിഡിസിയുടെ നേട്ടങ്ങളെയും അപകടങ്ങളെയും കുറിച്ച് ഒരു ചര്‍ച്ചാ പേപ്പറും പ്രസിദ്ധീകരിച്ചിരുന്നു.

ബിറ്റ്കോയിന്‍ പോലെയുള്ള ക്രിപ്‌റ്റോകറന്‍സികള്‍ സാര്‍വത്രികമായി കുതിപ്പ് കാണിച്ച മുന്‍കാലങ്ങളില്‍, ഇന്‍ഡ്യാ അതിനെ നഖശിഖാന്തം എതിര്‍ത്തിരുന്നു. ക്രിപ്റ്റോകറന്‍സികള്‍ ഇന്ത്യയില്‍ അനിയന്ത്രിതമാണ്, എന്നാല്‍ 2022 ലെ ബജറ്റില്‍, ക്രിപ്റ്റോകറന്‍സി ഇടപാടുകളില്‍ നിന്നുള്ള നേട്ടത്തിന് 30 ശതമാനം നികുതിയും ഒരു ശതമാനം നികുതി കിഴിവ് സ്രോതസ്സും (ടിഡിഎസ്) സര്‍ക്കാര്‍ പ്രഖ്യാപിച്ചു. ''ഇത് നിരോധിക്കണമെന്നാണ് ആര്‍ബിഐയുടെ നിലപാട്. (സെപ്തംബര്‍ 20, 2022).

കണ്‍സെപ്റ്റ് നോട്ട് അനുസരിച്ച്, സെന്‍ട്രല്‍ ബാങ്ക് ഡിജിറ്റല്‍ കറന്‍സി (CBDC) എന്നത് റിസര്‍വ് ബാങ്ക് ഓഫ് ഇന്ത്യയുടെ ഔദ്യോഗിക കറന്‍സി രൂപമാണ്. ഡിജിറ്റല്‍ റുപ്പി അല്ലെങ്കില്‍ ഇ-രൂപ എന്നും അറിയപ്പെടുന്ന ആര്‍ബിഐയുടെ സിബിഡിസി ഫിയറ്റ് കറന്‍സിക്ക് തുല്യമാണെന്നും പരമാധികാര കറന്‍സിക്ക് തുല്യമാണെന്നും റെഗുലേറ്റര്‍ പ്രസ്താവിച്ചു.

റീട്ടെയില്‍ ഡിജിറ്റല്‍ രൂപ നിയമപരമായ ടെന്‍ഡറിനെ പ്രതിനിധീകരിക്കുന്ന ഡിജിറ്റല്‍ ടോക്കണിന്റെ രൂപത്തിലായിരിക്കും. പേപ്പര്‍ കറന്‍സിയും നാണയങ്ങളും വിതരണം ചെയ്യുന്ന അതേ മൂല്യത്തില്‍ തന്നെ ഡിജിറ്റല്‍ കറന്‍സിയും ആര്‍ബിഐ പുറത്തിറക്കും. മൊബൈല്‍ ഫോണുകളിലും മറ്റ് ഉപകരണങ്ങളിലുമുള്ള ഡിജിറ്റല്‍ വാലറ്റ് വഴി ചില്ലറ ഡിജിറ്റല്‍ രൂപ ഇടപാടുകള്‍ നടത്താം

ഇതോടൊപ്പം ഒരു ചോദ്യം ഉയരുന്നു. ഇന്ത്യയുദെ റിസേര്‍വ് ബാങ്ക് (RBI) ക്രിപ്റ്റോകറന്‍സി സ്വീകരിക്കുമോ?, ക്രിപ്റ്റോകറന്‍സികള്‍ കറന്‍സികളോ സാമ്പത്തിക ആസ്തികളോ യഥാര്‍ത്ഥ ആസ്തികളോ ഡിജിറ്റല്‍ അസറ്റുകളോ അല്ല. അതിനാല്‍, ഒരു സാമ്പത്തിക മേഖല റെഗുലേറ്ററിനും ഇത് നിയന്ത്രിക്കാനാകില്ല.ഫെബ്രുവരി 14, 2022.

ക്രിപ്റ്റോകറന്‍സിയെ പിന്തുണയ്ക്കുന്ന ഇന്ത്യന്‍ ബാങ്കുകള്‍ ഏതാണ്?

ക്രിപ്റ്റോ എക്സ്ചേഞ്ച് വസീര്‍എക്സ്, (Crypto exchange WazirX)മുഖേന പഞ്ചാബ് നാഷണല്‍ ബാങ്ക്, യൂണിയന്‍ ബാങ്ക് ഓഫ് ഇന്ത്യ, ഐഡിബിഐ, ഐഡിഎഫ്സി ഫസ്റ്റ് ബാങ്ക്, ഫെഡറല്‍ ബാങ്ക്, ഡച്ച് ബാങ്ക് എന്നിവയുടെ നെറ്റ് ബാങ്കിംഗ് സൗകര്യങ്ങള്‍ ലിസ്റ്റ് ചെയ്തിട്ടുണ്ട്. ഇനിയും മറ്റു പല ബാങ്കുകളും ഈ വ്യവസ്ഥിതിയില്‍ താമസിയാതെ. അംഗങ്ങള്‍ ആയേക്കും .

അപ്പോള്‍ ഇന്ത്യമഹാരാജ്യം ഡിജിറ്റലായി കുതിച്ചുയരുമ്പോള്‍, നമ്മള്‍ ഒട്ടും മോശക്കാരല്ല , എന്ന് ലോകം കണ്ടറിയട്ടെ.

E-Rupee by Mathew Jois