സുഹാസിനി :  റിട്ടയര്‍മെന്റിന് ശേഷം എന്താ നിങ്ങടെ പരിപാടി?

ശശി :  ഞാന്‍ ആളുകള്‍ക്ക് കൗണ്‍സലിംഗ് തുടങ്ങാനുള്ള ആലോചനയിലാ.

സുഹാസിനി : എന്ത് കൗണ്‍സലിംഗ്?

ശശി : രാവിലെ എണീറ്റ് സ്റ്റാറ്റസില്‍ ചിന്തിപ്പിക്കുന്നതും പ്രചോദനം നല്‍കുന്നതുമായ വലിയ വലിയ കാര്യങ്ങള്‍ എഴുതും.  അത് വായിച്ച് ആളുകള്‍ നന്നാവും.

സുഹാസിനി : എന്ന് വച്ചാല്‍ ?

ശശി : ഉദാഹരണത്തിന് എവിടെയാണ് വീണതെന്നല്ല, എവിടെയാണ് അടി തെറ്റിയത് എന്നാണ് നമ്മള്‍ ശ്രദ്ധിക്കേണ്ടത്.

സുഹാസിനി :  ഇത് കൊള്ളാലോ.

ശശി :  അത് പോട്ടെ, ഈ ടൈല്‍സിലൊക്കെ എന്താ ഒരു ചുകന്ന പാട് .

സുഹാസിനി : അത് ഇന്നലെ ഞാന്‍ വീഴാന്‍ പോയപ്പോള്‍ അച്ചാര്‍ തെറിച്ചതാ.

ശശി : എന്നിട്ടത് വൃത്തിയാക്കിയില്ലേ ഇതുവരെ .

സുഹാസിനി :   വാതിലിന്റെ കട്ടിളപ്പടി വൃത്തിയാക്കി.

ശശി :  ചുമര് വൃത്തികേടായതിന് കട്ടിളപ്പടിയാണോ വൃത്തിയാക്കിയത്.

സുഹാസിനി : അടി തെറ്റിയത് അവിടെയാണ് മനുഷ്യാ.. അല്ല പിന്നെ.