സുഹാസിനി : മുംബൈയിൽ ആർട്ടിഫിഷ്യൽ ഇൻ്റലിജൻസ് ഉപയോഗിച്ച് ശബ്ദം അനുകരിച്ച് മലയാളിയുടെ പണം തട്ടിയത്രേ.

ശശി : ഈ ആർട്ടിഫിഷ്യൽ ഇൻ്റലിജൻസ് വലിയ പ്രശ്നമായി. നിൻ്റെ മുന്നിലിരിക്കുന്ന ഞാൻ പോലും റിയലാണോ Al ആണോ എന്നറിയാൻ പറ്റില്ല

സുഹാസിനി : അതൊക്കെ എനിക്ക് പറ്റും

ശശി.  അതെങ്ങനെ?

സുഹാസിനി : ഞാൻ അടുത്തു വന്നാൽ ആർട്ടിഫിഷ്യൽ ഇൻ്റലിജൻസ് ആണെങ്കിൽ തല പൊക്കി നോക്കും.  യഥാർത്ഥ നിങ്ങളാണെങ്കിൽ മൊബൈലിൽ തന്നെ തല പൂഴ്ത്തി ഇരിക്കും.

ശശി :  ടെക്നോളജി പുരോഗമിക്കുമ്പോൾ ദുരുപയോഗമാണ് കൂടുന്നത്.

സുഹാസിനി : ഇതൊന്നും പുതിയ ടെക്നോളജിയല്ല.   ഇതിഹാസകാലം തൊട്ടേ ഉണ്ട്.

ശശി :  അതാര് പറഞ്ഞു?

സുഹാസിനി : രാവണൻ വേഷപ്രച്ഛന്നനായി വന്ന് സീതയെ അപഹരിച്ചത് Al ഉപയോഗിച്ചല്ലേ.

ശശി :  ശബ്ദം അനുകരിച്ച് ആരെങ്കിലും എന്നെ തട്ടിക്കൊണ്ടുപോയി എന്ന് പറഞ്ഞ് നിനക്ക് ഫോൺ ചെയ്താൽ നീയെന്ത് ചെയ്യും?

സുഹാസിനി :  ഞാനയാളുടെ G - Pay നമ്പർ ചോദിക്കും .

ശശി :  അതെന്തിന്?

സുഹാസിനി : ചെയ്ത ഉപകാരത്തിൻ്റെ സന്തോഷത്തിന് എന്തെങ്കിലും ഒരു ടിപ്സ് കൊടുക്കാൻ . അല്ല പിന്നെ!!