പ്രതിഭയെ തോൽപ്പിക്കാൻ പ്രതിഭ തന്നെ വേണം. അത് തൊട്ട് തീണ്ടാത്തവർക്കുള്ള ആയുധമാണ് അവഗണന. കണ്ടാലും കണ്ടില്ലെന്ന് നടിച്ച് കണ്ണടച്ചുള്ള ഇരുട്ടാക്കൽ. മമ്മൂട്ടി അവതരിപ്പിച്ച ഏതാനും കഥാപാത്രങ്ങൾ മാത്രം മതി അദ്ദേഹത്തെ ലോക നിലവാരത്തിലുള്ള അഭിനേതാക്കളുടെ മുൻ നിരയിൽ അവരോധിക്കുവാൻ. സമ്മതിക്കില്ല - സമ്മതിച്ചാൽ തങ്ങൾ തലയിലേറ്റി വച്ചിട്ടുള്ള പൊങ്ങച്ചത്തിന്റെ പ്ലാവിലത്തൊപ്പി സ്വയമൂരി തറയിൽ വീഴും എന്ന ഭയമാണ് മിക്കവർക്കും. ?

ഞാൻ ഇ മലയാളിയുടെ പേജിലൂടെ ഒന്ന് പോകയായിരുന്നു. എന്തെല്ലാം മാറിമായങ്ങളാണ് ഇവിടെ നടക്കുന്നത്. യോഹന്നാനെ ആദ്യം എടുക്കാം. എടുക്കാം എന്ന് പറയുമ്പോൾ തെറ്റ് ധരിക്കരുത്. അദ്ദേഹത്തിന്റ ബോഡി എടുക്കാം എന്നല്ല. ആ വിഷയം എടുക്കാം എന്നാണ് ഉദ്ദേശിച്ചത്. ഏതിനെയും എന്തിനേയും വിമർശിയ്ക്കാൻ കൊക്കിനെപ്പോലെ ചിലർ പ്രതികരണകോളത്തിൽ ഇരിപ്പുണ്ട് അതുകൊണ്ട് പറഞ്ഞതാണ്. ബിഷപ്പായി സ്വയം പ്രഖ്യാപിച്ച്, താറാവ് കൃഷിയിൽ നിന്ന് ദൈവത്തിന്റെ വയലിൽ ജോലി ചെയ്യാൻ വന്നു പല കേസുകളിലും കുടുങ്ങി അവസാനം ഊരാക്കുടുക്കിൽ പെട്ട് ഡാളസിൽ വന്നുപെട്ട ഒരു സാധു മനുഷ്യൻ, മരിച്ചിട്ടും ഇത്രയുദിവസമായിട്ടും അടക്കിയിട്ടില്ല. ഭക്തജനങ്ങൾ അദ്ദേഹത്തെ പോകാൻ അനുവദിക്കുന്നില്ല. അതിനിടയ്ക്ക് പല പ്രാവശ്യം പാവത്തിനെ കൊല്ലാകൊല ചെയ്യുത്. നിരീശ്വരൻ എന്ന് പറയുന്ന ഒരു ഈശ്വരനും യോഹന്നാനെ പ്രാർത്ഥിച്ചു ഉയർപ്പിക്കാം എന്ന് പറയുന്ന ഒരു മാത്തുള്ളയും തമ്മിൽ കശപിശ ഉണ്ടായെങ്കിലും മാത്തുള്ള തല്ക്കാലം പ്രാർത്ഥിച്ചു ശക്തി പ്രാപിക്കാനായി പോയമട്ടാണ് കാണുന്നത്. അതിനിടയ്ക്കാണ് ക്‌നാനായ യാക്കോബായ സഭ ആര്‍ച്ച് ബിഷപ് കുര്യാക്കോസ് മാര്‍ സേവേറിയോസ് രണ്ടു പാമ്പുകളുടെ രൂപം ഉള്ള ഒരു വടിയുമായി രംഗപ്രവേശം ചെയിതിരിക്കുന്നത്. യോഹന്നാന്റെ വടിയിൽ താറാവിന്റെ രൂപം ആയിരുന്നു. അങ്ങേർക്ക് താറാവ് കൃഷിയായിരുന്നു എന്ന് എല്ലാര്ക്കും അറിയാം . ഇദ്ദേഹം പാമ്പാട്ടി മെത്രാൻ ആയതായിരിക്കും . അതിനിടയ്ക്കാണ് മാമൂട്ടി എന്ന മഹാ നടൻ ഇത്തിരി ഗളമറോട് കൂടി കയറി വന്നിരിക്കുന്നത് . എത്ര മഹാനടനായാലും മേൽപ്പറഞ്ഞ യോഹന്നാൻ ബിഷപ്പിന്റെയോ ക്‌നാനായ യാക്കോബായ സഭ ആര്‍ച്ച് ബിഷപ് കുര്യാക്കോസ് മാര്‍ സേവേറിയോസിന്റെയോ ഭാഗം അഭിനയിക്കാൻ അയാൾക്ക് സാധിക്കില്ല. വേറൊരു വാർത്ത കണ്ടു ഹ്യുസ്റ്റണിൽ ഒരമ്പലത്തിൽ ഗുരുവായൂർ കേശവന്റെ പ്രതിമ സ്ഥാപിച്ചപ്പോൾ "ഗജരാജ സമർപ്പണത്തിന് പനിനീര്‍മഴതൂകി പ്രകൃതി;" പനിനീർമഴ തൂകി എന്നത് വായിച്ചപ്പോൾ ചിരിയാ വന്നത് . ലോകത്തിലുള്ളവർക്കെല്ലാം അറിയാം അവിടെ പെരുമഴയും വെള്ളപ്പൊക്കവും ആയിരുന്നു ഏഴുപേർ മരിച്ചെന്ന്. ഇങ്ങനെ മഹാബിഷപ്പ്, മഹാനടൻ, പനിനീർമഴ, വർണ്ണാഭം, ഫോമയിലും ഫൊക്കാനയിലും ചുട്ട കോഴിയെ പറപ്പിച്ചിട്ടുള്ളവരും വേണ്ടി വന്നാൽ ട്രംപിനെയും ബൈഡനെയും മാറ്റി പുതിയ ഒരു അമേരിക്ക സൃഷിടിക്കാൻ കഴിവുള്ള നേതാക്കൾ - എല്ലാം ഒരു മാറിമായാം തന്നെ എന്തായാലും ശവങ്ങൾക്ക് വേണ്ടി കാത്തിരിക്കുന്ന കഴുകന്മാരെപ്പോലെ ഇ മലയാളിയുടെ പ്രതികരണകോളത്തിൽ പതിയിരിക്കുന്ന സുനിൽകുട്ടനും, വി.ജോർജിനും, അന്തപ്പനും, നിരീശ്വരനും, മാത്തുള്ളയ്ക്കും ഒക്കെ വിശപ്പടക്കാനുള്ള ഭക്ഷണമെന്നപോലെ ചൂടുള്ള പലപല വാർത്തകളും ഇമലയാളിയിൽ വന്നുകൊണ്ടിരിക്കുകയാണ്. പേരുപെരുമയും പ്രതാപമുള്ളവരെ കൂടെ നിറുത്തിയാൽ അത് ലാഭം എന്ന് വിശ്വസിക്കുന്നവർക്ക് ചിലപ്പോൾ ചില അടി കിട്ടിക്കഴിയുമ്പോഴേ പടിക്കുകയുള്ളു. ഇത് മറിമായം എപ്പോസോഡിൽ നിന്ന് കിട്ടിയ ആശയമാണ്. പണക്കാരനേ കണ്ടപ്പോൾ, മോളെ വിവാഹം കഴിക്കാൻ വന്ന ഒരുത്തനെ പരിഹസിച്ചു വിട്ടിട്ട് മോളെ പണക്കാരന്റെ കൂടെ കെട്ടിച്ചയക്കാം എന്ന് സ്വപ്നം കണ്ട തന്തയ്ക്ക് പണക്കാരൻ തെണ്ടികുത്തുപാളയെടുത്തു വെയിറ്ററായി സെർവ് ചെയ്യാൻ വരുന്നതും വിവാഹം നിരസിച്ചു പരിഹസിച്ചു വിട്ട ചെറുപ്പക്കാരൻ പണക്കാരനായി മാറുന്നതും നമ്മെൾക്കെല്ലാം ഒരു പാഠമാണ്. ആർക്കും ഒന്നും ഇവിടെ നിന്ന് കൊണ്ടുപാകാൻ പറ്റില്ല. അതുകൊണ്ടു സ്വയം പൊക്കി, അല്ലെങ്കിൽ മറ്റുള്ളവരെ പൊക്കി വലിയ ആളാകാൻ നടത്തുന്ന പരിപാടി നിറുത്തുക. മനുഷ്യരായി ജീവിക്കുക.