ചിക്കാഗോ. നോർത്ത് അമേരിക്കയിലെ മുൻ നിര ക്ളബ്ബായ ചിക്കാഗോ സോഷ്യൽ ക്ലബ് സെപ്റ്റംബർ 2 ന് ചിക്കാഗോയിൽ വച്ച് ഇന്റർനാഷ്നൽ വടം വലി ടൂർണമെന്റ് നടത്തുന്നു . ആയിരക്കണക്കിന് കാണികൾ വരുന്ന ടൂർണമെന്റിന്റെ നടത്തിപ്പിന് ഐ എം എ മുൻ പ്രസിഡന്റും കെ സി സി എൻ എ മുൻ പ്രസിഡന്റുമായ സിറിയക്ക് കൂവക്കാടനെ ചെയർമാൻ ആയി തെരഞ്ഞെടുത്തു. ജനറൽ കൺവീനറായി ചിക്കാഗോയിലെ കലാസാംസ്കാരിക മേഖലയിലെ നിറസാന്നിധ്യം മുൻ മിഡ്വെസ്റ്റ് പ്രസിഡന്റും നിലവിലെ കെ സി സി എൻ എ ചിക്കാഗോ റീജിയണൽ വൈസ് പ്രസിഡന്റുമായ സ്റ്റീഫൻ കിഴക്കേകുറ്റിനെയും ഫൈനാൻസ് കമ്മിറ്റി ചെയർമാനായി സോഷ്യൽ ക്ലബ് മുൻ ട്രഷറർ ബിജു കരികുളത്തെയും തിരഞ്ഞെടുത്തു . ചിക്കാഗോ കമ്മ്യൂണിറ്റിയിലെ അറിയപ്പെടുന്ന സോഷ്യൽ മീഡിയ വക്താവും കഴിഞ്ഞ പത്ത് വർഷക്കാലമായി സോഷ്യൽ ക്ലബിന്റെ പി ആർ ഓ യുമായ മാത്യു തട്ടാമറ്റത്തിനെ പബ്ലിസിറ്റി ചെയർമാനായും സോഷ്യൽ ക്ലബ് ജനറൽ ബോഡി ഐകകണ്ഠേനെ നിയമിച്ചു.