ഞാൻ എന്നിലേക്ക്‌ മടങ്ങി,
നിഴലുപോലും എന്നെ വിട്ടു തിരിച്ചിറങ്ങിയപ്പോൾ 
കണ്ണുനീർ ഞാനറിയാതെ എൻ്റെ കവിൾത്തടങ്ങളെ
തഴുകിയപ്പോൾ 
മിഴികൾ തുറന്നിരുന്നിട്ടും
കാഴ്ചകൾ മങ്ങി വഴിതെറ്റിയപ്പോൾ

ജീവിതത്തിന്റെ നിറങ്ങൾ മങ്ങിമങ്ങി 
വെളിച്ചത്തിന്റെ കിനാവുകൾ എന്നെ വിട്ടകന്നപ്പോൾ 
ഇളം കാറ്റിന്റെ മർമരങ്ങൾ മാത്രമെൻ
എൻ്റെ ചെവികൾക്കീണ - മായപ്പോൾ

കാഴ്ചകൾക്കും സ്വപ്നങ്ങൾക്കും 
അർത്ഥമില്ലെന്ന് തിരിച്ചറിഞ്ഞപ്പോൾ  
ഞാൻ വെറുതെ പുഞ്ചിരിച്ചു ..
എനിക്കായി മാത്രം ...

മറവിയുടെ അകത്തളത്തിൽ  
തളച്ചിട്ട  ശലഭകോശം 
ചിത്രവർണ
ശലഭമായ് പറന്നുയർന്നപ്പോൾ 
ഞാൻ എന്നിലേക്ക്‌ മടങ്ങി..

പുഴയിലൂടെ വഴിതെറ്റി തുഴയില്ലാതെ -
യൊഴുകുന്ന ചെറുവഞ്ചിപോലെ ..
മഴവെള്ളപ്പാച്ചിലിൽ 
എവിടെയോ നഷ്ടമായി മറഞ്ഞിരുന്ന 
എന്നാത്‌മാവിനെ ഞാൻ  കണ്ടെത്തി.

ജീവിച്ചിരിക്കെ മരിച്ചതായ്
തുടരില്ലിനി ഞാൻ  
 

തുറന്ന ഹൃദയത്തിൽ ഒളിച്ചു വച്ച ചിറകുകൾ
വിടർത്തി 

അതെ വീണ്ടും ...
ഞാൻ എന്നിലേക്കു തന്നെ മടങ്ങി.