ഡാളസ്: വേള്‍ഡ് പീസ് മിഷന്‍ ചെയര്‍മാനും, ലോകപ്രശസ്ത കുടുംബ പ്രേഷിതനും ഫാമിലി കൗണ്‍സിലറും സംഗീതസംവിധായകനുമായ ഡോ.സണ്ണിസ്റ്റീഫന്‍,
ദൈവവചനത്തിന്റെയും ദൈവാനുഭവങ്ങളുടെയും അനുഗ്രഹ സന്ദേശങ്ങളുമായി ഈ വര്‍ഷം ഓഗസ്റ്റ് ആദ്യവാരം മുതല്‍ ഒക്ടോബര്‍ 15 വരെ അമേരിക്കയിലും തുടര്‍ന്ന് കാനഡയിലും വചന സന്ദേശങ്ങള്‍ നല്‍കുന്നു.

പ്രായോഗിക ജീവിതപാഠങ്ങള്‍ രസകരമായും, ലളിതമായും പറഞ്ഞുതന്ന് വചനം പങ്കുവയ്ക്കുന്ന ഇദ്ദേഹത്തിന്റെ വ്യാഖ്യാന രീതി വ്യത്യസ്തവും ശ്രദ്ധേയവുമാണ്.

ലോകസമാധാന സന്ദേശങ്ങളുമായി 54 രാജ്യങ്ങളില്‍ 43 വര്‍ഷമായി സഞ്ചരിക്കുന്ന ഈ അനുഗ്രഹീത സമാധാന പ്രേഷിതന്‍ അനേകം ജീവിതങ്ങളെ അനുഭവങ്ങളും അറിവുകളും പങ്കുവെച്ചും കൗണ്‍സിലിങ്ങിലൂടെയും സമാധാന ജീവിതത്തിലേക്ക് മടക്കി കൊണ്ടുവന്നിട്ടുണ്ട് .