തിരുവനന്തപുരം: മാധ്യമപ്രവർത്തകൻ എം ആർ സജേഷ് (46) അന്തരിച്ചു. ഇന്ത്യാ വിഷൻ, കൈരളി ടി വി, റിപ്പോർട്ടർ ചാനല്‍, ഇ ടി വി ഭാരത് തുടങ്ങിയ മാധ്യമസ്ഥാപനങ്ങളില്‍ പ്രവർത്തിച്ചിട്ടുണ്ട്.
വയനാട് സുല്‍ത്താൻ ബത്തേരി കുപ്പാടി പുത്തൻ വിള എം രവീന്ദ്രൻ പിള്ളയുടെയും സി എച്ച്‌ വസന്തകുമാരിയുടെയും മകനാണ്. ഭാര്യ - ഷൈമി ഇ. പി. (മീഡിയ കോർഡിനേറ്റർ, നോളേജ് ഇക്കോണമി മിഷൻ), മകള്‍- ഋതു ശങ്കരി.

സംസ്കാരം സുല്‍ത്താൻ ബത്തേരിയിലെ വീട്ടുവളപ്പില്‍.

മൃതദേഹം തിരുവനന്തപുരം കിംസ് ആശുപത്രിയില്‍ നിന്നും വൈകിട്ടോടെ പ്രസ് ക്ലബ്ബില്‍ പൊതുദർശനത്തിന് വയ്ക്കും. പൊതുദർശനത്തിനുശേഷം സ്വദേശമായ വയനാട്ടിലേക്ക് കൊണ്ടുപോകും.

മന്ത്രി വി.ശിവൻകുട്ടി അനുശോചനം രേഖപ്പെടുത്തി