ബെയ്‌റൂട്ട്: ചൊവ്വാഴ്ച ലെബനനിലുടനീളം ഒരേ സമയം നൂറുകണക്കിന് പേജറുകൾ  പൊട്ടിത്തെറിച്ചു. എട്ട് പേർ കൊല്ലപ്പെടുകയും 2,700 ലധികം പേർക്ക് പരിക്കേൽക്കുകയും ചെയ്തതായി ആരോഗ്യ ഉദ്യോഗസ്ഥർ  പറഞ്ഞു. ഇതിൽ 200 പേർ ഗുരുതരാവസ്ഥയിലാണ്.

ഹിസ്ബുള്ളയ്‌ക്കെതിരായ സൈനിക പ്രചാരണം ശക്തമാക്കുന്നത് പരിഗണിക്കുന്നതായി ഇസ്രായേൽ നേതാക്കൾ മുന്നറിയിപ്പ് നൽകിയതിന് തൊട്ടുപിന്നാലെയാണ് ആക്രമണം. പേജർ ഉപയോഗിച്ചു സന്ദേശങ്ങൾ നൽകിയാണ് ഹിസ്‌ബൊള്ള ആക്രമണം സംഘടിപ്പിക്കുന്നതെന്ന് ഇസ്രായേൽ കരുതുന്നു. പേജർ മുഖേന ആയതിനാൽ ഈ സന്ദേശങ്ങൾ മുൻകൂട്ടി കണ്ടെത്താനാവുന്നില്ല.

തങ്ങളുടെ അംഗങ്ങളുടെ പേജറുകൾ പൊട്ടിത്തെറിച്ചതായും ആക്രമണത്തിന് പിന്നിൽ ഇസ്രായേലാണെന്നും ഹിസ്ബുള്ള പറഞ്ഞു. ഇസ്രായേൽ സൈന്യം പ്രതികരിക്കാൻ വിസമ്മതിച്ചു.

സ്‌ഫോടനങ്ങളുടെ പെരുപ്പം ബെയ്‌റൂട്ടിൽ നിരവധി ആളുകളെ ആശയക്കുഴപ്പത്തിലും ഞെട്ടലിലും ആക്കി. ആളുകളുടെ പോക്കറ്റിൽ നിന്ന് പുക ഉയരുന്നത് കണ്ടതായി ദൃക്‌സാക്ഷികൾ റിപ്പോർട്ട് ചെയ്‌തു. തുടർന്ന് ഒരു ചെറിയ സ്‌ഫോടനം പടക്കങ്ങളോ വെടിയൊച്ചകളോ പോലെ മുഴങ്ങി. ലെബനീസ് ടെലിവിഷനിൽ സംപ്രേക്ഷണം ചെയ്ത അമച്വർ ഫൂട്ടേജുകൾ ആശുപത്രികളിലെ  അരാജക  രംഗങ്ങൾ കാണിച്ചു.    നഗരത്തിലുടനീളം സൈറണുകൾ മുഴങ്ങി.

ഇരകളിൽ പലരുടെയും മുഖത്തും പ്രത്യേകിച്ച് കണ്ണുകളിലും കൈകളിലും വയറിലും മുറിവുകളുണ്ടെന്ന് ആരോഗ്യമന്ത്രി ഡോ. ഫിറാസ് അബിയാദ് പറഞ്ഞു. കൊല്ലപ്പെട്ടവരിൽ ഒരാൾ 8 വയസ്സുള്ള പെൺകുട്ടിയാണെന്നും അദ്ദേഹം പറഞ്ഞു. ഹിസ്‌ബൊള്ളയുടെ ഒരു പ്രമുഖ നേതാവും കൊല്ലപ്പെട്ടു

ലെബനൻ പ്രധാനമന്ത്രി നജീബ് മിക്കാറ്റി, ആക്രമണത്തെ  ഇസ്രായേലിന്റെ കുറ്റകരമായ  ആക്രമണം എന്ന് വിശേഷിപ്പിക്കുകയും ഇത് ലെബനൻ പരമാധികാരത്തിൻ്റെ ഗുരുതരമായ ലംഘനം ആണെന്ന് വിശേഷിപ്പിക്കുകയും ചെയ്‌തു .

കഴിഞ്ഞ ഒക്ടോബറിൽ ഹിസ്ബുള്ള തങ്ങളുടെ സഖ്യകക്ഷിയായ ഹമാസിനോട് ഐക്യദാർഢ്യം പ്രകടിപ്പിച്ച് ഇസ്രായേൽ പ്രദേശത്തേക്ക് വെടിയുതിർക്കാൻ തുടങ്ങിയതിന് ശേഷം,   ഇസ്രയേലും ഹിസ്ബുള്ളയും തമ്മിലുള്ള സംഘർഷത്തിൻ്റെ ഏറ്റവും  പുതിയ മേഖലയായി ഇത്.