കൊച്ചി, സെപ്തംബർ 18) ഓണാഘോഷങ്ങളും അവധിക്കാലവും  അവസാനിച്ച സാഹചര്യത്തിൽ മലയാള സിനിമാ മേഖലയിലെ സ്ത്രീകളുടെ ദയനീയാവസ്ഥ പുറത്തുകൊണ്ടുവന്ന ഹേമ കമ്മിറ്റി റിപ്പോർട്ട് അന്വേഷിക്കാൻ രൂപീകരിച്ച പ്രത്യേക അന്വേഷണ സംഘം (എസ്ഐടി) ബുധനാഴ്ച വൈകുന്നേരം യോഗം ചേരും. 

നാല് വനിതാ ഐഎഎസ് ഉദ്യോഗസ്ഥരടങ്ങിയ  എസ്ഐടിക്ക്   ഹേമ കമ്മിറ്റി റിപ്പോർട്ടിൻ്റെ എഡിറ്റ് ചെയ്യാത്ത പതിപ്പ് കിട്ടിയിട്ടുണ്ട് .. നിരവധി ഖണ്ഡികകൾ ഒഴിവാക്കിയാണ്  റിപ്പോർട്ട് ഓഗസ്റ്റ് 19 ന് പുറത്തിറങ്ങിയത് .ഹേമ കമ്മിറ്റി റിപ്പോർട്ടിൻ്റെ എഡിറ്റ് ചെയ്യാത്ത പതിപ്പ് ലഭിച്ചതിന് ശേഷമുള്ള നടപടികളെക്കുറിച്ച് എസ്ഐടി അടുത്ത മാസം ആദ്യം ഹൈക്കോടതിയിൽ റിപ്പോർട്ട് നൽകേണ്ടതിനാൽ വരും ദിവസങ്ങൾ നിർണായകമാണ്.

അതീവജാഗ്രതയോടെ, വിവിധ ടീമുകളായി തിരിച്ച അന്വേഷണസംഘത്തിന്, ഫോട്ടോകോപ്പികൾ എടുക്കരുതെന്ന നിര്‍ദ്ദേശത്തോടെ   റിപ്പോർട്ട് ഭാഗികമായി മാത്രം നൽകിയിട്ടുണ്ട്.ഒരു ടീമിനും മുഴുവൻ റിപ്പോർട്ടും ലഭിക്കാത്ത വിധമാണ് സജ്ജീകരണം  , 

റിപ്പോർട്ടിലെ ഭാഗങ്ങൾ വിശദമായി പഠിക്കാനും അതിന്റെ അടിസ്ഥാനത്തിൽ പ്രാഥമിക നിഗമനത്തിലെത്താനും ടീമിന് സമയം നൽകിയിട്ടുണ്ട്.

കേരള ഹൈക്കോടതിയുടെ പ്രത്യേക ബെഞ്ച് നിരീക്ഷിക്കുന്നതിനാൽ എസ്ഐടിയും കരുതലോടെയാണ് നീങ്ങുന്നത്. 2019 ഡിസംബർ 31 ന് റിപ്പോർട്ട് സമർപ്പിച്ചതിന് ശേഷം എന്തിനാണ് അതിൽ അട ഇരുന്നതെന്ന് കോടതി പിണറായി വിജയൻ സർക്കാരിനോട് ചോദിച്ചിരുന്നു 

ഹേമ കമ്മറ്റി റിപ്പോർട്ട് പുറത്ത് വന്നതിന് പിന്നാലെ മലയാള സിനിമാലോകം ഞെട്ടലിലാണ്. ചില മുൻകാല നടിമാർ തങ്ങളുടെ മോശം അനുഭവങ്ങൾ വെളിപ്പെടുത്തിയതോടെ പോലീസ് നടപടിയെടുക്കാന്‍ നിര്‍ബന്ധിതരായി . തങ്ങളെ എങ്ങനെ ചൂഷണം ചെയ്തുവെന്ന് ചില മുൻകാല നടിമാർ മാധ്യമങ്ങളോട് വെളിപ്പെടുത്തിയതിന് പിന്നാലെ വിവിധ സിനിമാ പ്രവർത്തകർക്കെതിരെ പോലീസ് ഇതുവരെ 11 എഫ്ഐആറുകൾ രജിസ്റ്റർ ചെയ്തിട്ടുണ്ട്.

നടനും സി.പി.ഐ.എം നിയമസഭാംഗവുമായ മുകേഷ് മാധവൻ, നിവിൻ പോളി, സിദ്ദിഖ്, ജയസൂര്യ, ഇടവേള ബാബു, മണിയൻപിള്ള രാജു, സംവിധായകരായ രഞ്ജിത്ത്, പ്രകാശ്, പ്രൊഡക്ഷൻ എക്‌സിക്യൂട്ടീവുമാരായ വിച്ചു, നോബിൾ എന്നിവരും ഇപ്പോൾ പ്രതിക്കൂട്ടിലുണ്ട്.

മുകേഷും രഞ്ജിത്തും രാജുവും മറ്റു ചിലരും കോടതിയിൽ നിന്ന് മുന്‍‌കൂര്‍ ജാമ്യം  നേടിയിട്ടുണ്ട്.

അതിനിടെ, ഓണാഘോഷത്തിന് ശേഷം ആദ്യമായാണ് എസ്ഐടി യോഗം ചേരുന്നത്. എല്ലാ കണ്ണുകളും അവരിലേക്കും അവർ കൈക്കൊളുന്ന നടപടികളിലേക്കും  ആണ്. റിപ്പോർട്ടിൽ വെളിപ്പെടുത്തിയ കുറ്റകൃത്യങ്ങളിൽ ആവശ്യമായ നടപടിയെടുക്കണമെന്നും ഇരയ്‌ക്കോ അതിജീവിച്ച വ്യക്തിക്കോ പ്രോസിക്യൂട്ട് ചെയ്യാൻ താൽപ്പര്യമില്ലെങ്കിൽ അവർക്ക് അത് ഉപേക്ഷിക്കാമെന്നും കോടതി എസ്ഐടിയോട് പറഞ്ഞിരുന്നു