കണ്ണൂര്‍: തിളച്ച വെള്ളം ദേഹത്തു വീണ്പൊള്ളലേറ്റ് ചികിത്സയിലായിരുന്ന നാല് വയസുകാരി മരിച്ചു. പാനൂര്‍ തൂവത്തുകുന്നിലെ അബ്ദുല്ല- സുമയത്ത് ദമ്ബതികളുടെ മകള്‍ സെയ്ഫ ആയിഷയാണ് മരിച്ചത്.കഴിഞ്ഞ 13നാണ് സംഭവം.

കുട്ടിയുടെ കാലില്‍ തിളച്ച വെള്ളം അബദ്ധത്തില്‍ വീഴുകയായിരുന്നു. സ്വകാര്യ ആശുപത്രിയില്‍ ചികിത്സയിലിരിക്കെയാണ് മരണം. എല്‍കെജി വിദ്യാര്‍ഥിനിയാണ്. പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. കൊളവല്ലൂര്‍ പോലീസ് അസ്വഭാവിക മരണത്തിനു കേസെടുത്തു.