ചിങ്ങം പിറന്നു പൊന്നോണവും വന്നു
മാലോകർക്കെല്ലാം ആഹ്ളാദമായി
ഓണക്കോടിക്കായി പൂനിലാവ്
ഓണപ്പാട്ടിനായി മണ്ണാത്തിപ്പുള്ളുകൾ
പത്തുനാൾ നീളുന്ന ഉത്സവകാലം
മലയാളനാടിന്റെ പുണ്യകാലം
തെരുതെരെ പെയ്യുന്ന പൂമഴയും
മൂളി പറക്കുന്ന വണ്ടുകളും
കൈക്കൊട്ടി പാട്ടിന്റെ ഈണങ്ങളും
ഓണവിൽ ഞാണൊലി ശബ്ദങ്ങളും
മുഗ്ധസൗന്ദര്യം അലയടിക്കും
ചാരുദൃശ്യങ്ങളും പൊൻവെയിലും
പത്തരമാറ്റിന്റെ പവനുരുക്കി
പൂവുകൾ ചൂടുന്ന ഹാരങ്ങളും
നാടോടി പാട്ടിന്റെ താളങ്ങളും
എങ്ങും സമൃദ്ധിതൻ മേളങ്ങളും
മാവേലി നാടിനെ സ്വർഗ്ഗമാക്കും
ഓണം പൊന്നോണം വരട്ടെയെന്നും
********