സ്റ്റോക്ക്‌ഹോം, ഒക്‌ടോബർ 14 രാഷ്ട്രങ്ങൾ തമ്മിലുള്ള സമൃദ്ധിയിൽ ഇത്ര വലിയ വ്യത്യാസങ്ങൾ ഉള്ളത് എന്തുകൊണ്ടാണെന്നതിനെക്കുറിച്ചു  പുതിയ ഉൾക്കാഴ്ചകൾ നൽകിയതിന് മൂന്ന് യുഎസ് സാമ്പത്തിക ശാസ്ത്രജ്ഞന്മാര്‍ക്ക്  റോയൽ സ്വീഡിഷ് അക്കാദമി ഓഫ് സയൻസസ് തിങ്കളാഴ്ച സാമ്പത്തിക ശാസ്ത്രത്തിനുള്ള നൊബേൽ സമ്മാനം നൽകി. മസാച്യുസെറ്റ്‌സ് ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ (എംഐടി) നിന്നുള്ള ഡാരോൺ അസെമോഗ്ലു, സൈമൺ ജോൺസൺ, യുഎസിലെ ചിക്കാഗോ യൂണിവേഴ്‌സിറ്റിയിലെ ജെയിംസ് എ റോബിൻസൺ എന്നിവർക്ക് സ്ഥാപനങ്ങൾ എങ്ങനെ രൂപപ്പെടുന്നുവെന്നും അഭിവൃദ്ധിയെ എങ്ങനെ ബാധിക്കുന്നു എന്നതിനെക്കുറിച്ചുള്ള പഠനങ്ങൾക്ക് ബഹുമതി ലഭിച്ചു.

അസെമോഗ്ലു, ജോൺസൺ, റോബിൻസൺ എന്നിവർ ഒരു രാജ്യത്തിൻ്റെ അഭിവൃദ്ധിക്കായി സാമൂഹിക സ്ഥാപനങ്ങളുടെ പ്രാധാന്യം വ്യകതമാക്കുന്നു "മോശമായ നിയമവാഴ്ചയുള്ള സമൂഹങ്ങളും ജനങ്ങളെ ചൂഷണം ചെയ്യുന്ന സ്ഥാപനങ്ങളും വളർച്ചയോ മെച്ചപ്പെട്ട മാറ്റമോ സൃഷ്ടിക്കുന്നില്ല എന്ന്  മനസ്സിലാക്കാൻ ജേതാക്കളുടെ ഗവേഷണം നമ്മെ  സഹായിക്കുന്നു," അക്കാദമി പറഞ്ഞു."രാജ്യങ്ങൾ തമ്മിലുള്ള വരുമാനത്തിലെ വലിയ വ്യത്യാസങ്ങൾ കുറയ്ക്കുക എന്നത് നമ്മുടെ കാലത്തെ ഏറ്റവും വലിയ വെല്ലുവിളിയാണ്. ഇത് നേടിയെടുക്കുന്നതിന് സാമൂഹ്യ സ്ഥാപനങ്ങളുടെ പ്രാധാന്യം പുരസ്‌കാര ജേതാക്കൾ തെളിയിച്ചിട്ടുണ്ട്," സാമ്പത്തിക ശാസ്ത്രത്തിനുള്ള പുരസ്‌കാര സമിതിയുടെ ചെയർ ജേക്കബ് സ്വെൻസൺ പറഞ്ഞു.

യൂറോപ്യന്മാർ ലോകത്തിൻ്റെ വലിയ ഭാഗങ്ങളിൽ കോളനിവത്കരിച്ചപ്പോൾ, ആ സമൂഹങ്ങളിലെ സ്ഥാപനങ്ങൾ മാറി - എന്നാൽ എല്ലായിടത്തും ഒരേ രീതിയിലല്ല. രാജ്യങ്ങളുടെ അഭിവൃദ്ധിയിലെ വ്യത്യാസങ്ങളുടെ കാരണം  കോളനിവൽക്കരണ കാലത്ത് അവതരിപ്പിക്കപ്പെട്ട സാമൂഹിക സ്ഥാപനങ്ങളാണെന്ന് നൊബേൽ സമ്മാന ജേതാക്കൾ തെളിയിച്ചിട്ടുണ്ട്.

ചില കോളനികളിൽ, തദ്ദേശവാസികളെ ചൂഷണം ചെയ്യുകയും പ്രകൃതിവിഭവങ്ങൾ ചൂഷണം ചെയ്യുകയും ചെയ്തു .. മറ്റിടങ്ങളില്‍ യൂറോപ്യൻ കുടിയേറ്റക്കാര്‍  ദീർഘകാല നേട്ടത്തിനായി എല്ലാവരെയും ഉൾക്കൊള്ളുന്ന രാഷ്ട്രീയ സാമ്പത്തിക സംവിധാനങ്ങൾ നിർമ്മിച്ചു.

"ഒരുകാലത്ത് സമ്പന്നമായിരുന്ന മുൻ കോളനികൾ ഇപ്പോൾ ദരിദ്രമായതിൻ്റെ ഒരു പ്രധാന കാരണം ഇതാണ്, തിരിച്ചും," അക്കാദമിയുടെ പ്രസ്താവനയിൽ പറയുന്നു.

വരേണ്യവർഗം നിയന്ത്രണത്തിൽ തുടരുമെന്ന് രാഷ്ട്രീയ വ്യവസ്ഥ ഉറപ്പുനൽകുന്നിടത്തോളം, ഭാവിയിലെ സാമ്പത്തിക പരിഷ്കാരങ്ങളെക്കുറിച്ചുള്ള അവരുടെ വാഗ്ദാനങ്ങൾ ആരും വിശ്വസിക്കില്ലെന്നും ഗവേഷകർ പറഞ്ഞു. ഇക്കാരണത്താൽ ഒരു പുരോഗതിയും സംഭവിക്കുന്നില്ലെന്നാണ് പുരസ്കാര ജേതാക്കൾ പറയുന്നത്.

വിശ്വസനീയമായ വാഗ്ദാനങ്ങൾ നൽകാനുള്ള ഈ കഴിവില്ലായ്മ ചിലപ്പോൾ ജനാധിപത്യവൽക്കരണത്തിലെത്തും .

“വിപ്ലവത്തിൻ്റെ ഭീഷണിയുണ്ടാകുമ്പോൾ, അധികാരത്തിലിരിക്കുന്ന ആളുകൾ ഒരു പ്രതിസന്ധിയെ അഭിമുഖീകരിക്കുന്നു. അവർ അധികാരത്തിൽ തുടരാനും സാമ്പത്തിക പരിഷ്‌കാരങ്ങൾ വാഗ്ദാനം ചെയ്ത് ജനങ്ങളെ സമാധാനിപ്പിക്കാനും ശ്രമിക്കും, എന്നാൽ സ്ഥിതിഗതികൾ ശാന്തമാകുന്നതോടെ പഴയ സംവിധാനത്തിലേക്ക് തങ്ങൾ മടങ്ങിവരില്ലെന്ന് ജനങ്ങൾ വിശ്വസിക്കാൻ സാധ്യതയില്ല,” അക്കാദമി വിശദീകരിച്ചു. ആത്യന്തികമായി, ഒരേയൊരു പോംവഴി അധികാരം കൈമാറ്റം ചെയ്യുകയും ജനാധിപത്യം സ്ഥാപിക്കുകയും ചെയ്യുകയാണ് ,