വെർച്വൽ അറസ്റ്റ് തട്ടിപ്പികാരെ തുരത്തിയോടിച്ച് നടി മാലാ പാർവതി. കൊ​റി​യ​റി​ൽ എം​ഡി​എം​എ ക​ട​ത്തി​യതിന് വെർച്വൽ അറസ്റ്റ് ചെയ്യുകയാണെന്ന് ചൂണ്ടിക്കാട്ടി മും​ബൈ ക്രൈം​ബ്രാ​ഞ്ച് ഉ​ദ്യോ​ഗ​സ്ഥ​ൻ എ​ന്ന വ്യാ​ജേ​നയാണ് മാലാ പാർവതിക്ക് വീഡിയോ കോൾ ലഭിച്ചത്. തട്ടിപ്പുകാരൻ കാണിച്ച ഐ​ഡി കാ​ർ​ഡി​ൽ അ​ശോ​ക സ്തം​ഭം കാ​ണാ​തി​രു​ന്ന​തി​നെ തു​ട​ർ​ന്ന് സം​ശ​യം തോ​ന്നി​യ​താ​ണ് ത​ട്ടി​പ്പി​ൽ നി​ന്ന് ര​ക്ഷ​പ്പെ​ടാ​ൻ തനിക്കു സഹായകമായതെന്ന് മാലാ പാർവതി പറഞ്ഞു. പോ​ലീ​സി​ൽ പ​രാ​തി​ന​ൽ​കു​മെ​ന്ന് മാലാ പാർവതി അ​റി​യി​ച്ച​തോ​ടെ ത​ട്ടി​പ്പു​കാ​ർ കോൾ കട്ടാക്കി മുങ്ങുകയായിരുന്നു.

മ​ധു​ര​യി​ൽ ത​മി​ഴ് സി​നി​മ​യു​ടെ ഷൂ​ട്ടിങ്ങി​ലാ​യി​രു​ന്നു താനെന്നും രാത്രി പ​ത്തിനാണ് കോ​ൾ വ​ന്നതെന്നും നടി പറഞ്ഞു. ഡി​എ​ച്ചി​ൽ നി​ന്ന് ഒ​രു പാ​ഴ്‍​സ​ൽ ത​ട​ഞ്ഞു​വച്ചിട്ടുണ്ടെന്നായിരുന്നു ആദ്യം പറഞ്ഞത്. ​മുമ്പ് യു​കെ​യി​ൽ നി​ന്ന് ഒ​രു പാ​ഴ്‍​സ​ൽ വ​ന്ന​പ്പോ​ൾ ക​സ്റ്റം​സ് ത​ട​ഞ്ഞു​വയ്ക്കുകയും നിർദേശപ്രകാരം താൻ പണം അടയ്ക്കുകയും ചെയ്തിട്ടുള്ളതിനാൽ ആദ്യം സ​ത്യ​മാ​യി​രി​ക്കു​മെ​ന്നാണ് താ​ൻ വി​ചാ​രി​ച്ചെ​ന്ന് മാലാ പാർവതി പ​റ​ഞ്ഞു.

തുടർന്ന് ക​സ്റ്റ​മ​ർ കെ​യ​ർ ഫോ​ൺ ക​ണ​ക്ടാ​വുകയും വി​ക്രം സിം​ഗെ​ന്ന പരിചയപ്പെടുത്തിയയാൾ ത​ന്നോ​ട് സം​സാ​രി​ക്കുകയും ചെയ്തു. വി​ശ്വ​സ​നീ​യ​മാ​യി​ട്ടാ​ണ് ത​ന്നോ​ട് സം​സാ​രി​ച്ച​ത്. നി​ങ്ങ​ളു​ടെ ആ​ധാ​ർ കാ​ർ​ഡ് ദു​രു​പ​യോ​ഗ​പ്പെ​ടു​ത്തി​യെ​ന്ന് പ​റ​ഞ്ഞു അ​യാ​ൾ. താ​യ്‍​വാ​നി​ലേ​ക്ക് ഇ​ങ്ങ​നെ ഒ​രു കൊ​റി​യ​ർ ത​ൻറെ പേ​രി​ൽ പോ​യി​ട്ടു​ണ്ട് എ​ന്നും വ്യ​ക്ത​മാ​ക്കി. ഇ​ത് വ​ലി​യ ഒ​രു ത​ട്ടി​പ്പാ​ണെ​ന്നും പ​റ​ഞ്ഞു അ​വ​ർ. വേ​ണ​മെ​ങ്കി​ൽ പ​രാ​തി പ​റ​യു​ന്ന​ത് ന​ല്ല​താ​യി​രി​ക്കും. ഇ​ത് അ​ന്വേ​ഷി​ക്കു​ന്ന ഒ​രു സം​ഘ​മു​ണ്ടെ​ന്നും പ​റ​ഞ്ഞു അ​വ​ർ.

അ​ങ്ങ​നെ പോ​ലീ​സി​ലേ​ക്ക് ഫോ​ൺ ക​ണ​ക്ടാ​ക്കി. പ്ര​കാ​ശ് കു​മാ​ർ ഗു​ണ്ടു​വെന്നു പറഞ്ഞയാളാ​ണ് അ​പ്പോ​ൾ ത​ന്നോ​ട് സം​സാ​രി​ച്ച​ത്. ആ​ധാ​ർ കാ​ർ​ഡ് ആ​ർ​ക്കെ​ങ്കി​ലും ന​ൽ​കി​യി​രു​ന്നോ​വെ​ന്ന് ചോ​ദി​ച്ചു അ​യാ​ൾ. താ​ൻ ആ​ധാ​ർ കാ​ർ​ഡാ​ണ് ഐ​ഡി​യാ​യി സി​നി​മാ ആ​വ​ശ്യ​ങ്ങ​ൾ​ക്ക​ട​ക്കം ഉ​പ​യോ​ഗി​ക്കു​ന്ന​ത് മറുപടി നൽകി. അ​ങ്ങ​നെ ആ​ധാ​ർ കാ​ർ​ഡ് ആ​ർ​ക്കും ഒ​രി​ക്ക​ലും ന​ൽ​ക​രു​തെ​ന്ന് അ​യാ​ൾ ത​ന്നോ​ട് നി​ർ​ദേ​ശി​ച്ചു.

മും​ബൈ ക്രൈം​ബ്രാ​ഞ്ചാ​ണെ​ന്ന് താ​ൻ ഉ​റ​പ്പി​ക്കു​ന്ന​തെ​ങ്ങ​നെ​യെ​ന്ന് ചോ​ദി​ച്ചി​രു​ന്നു ഞാ​ൻ. അ​പ്പോ​ഴാണ് അയാൾ ഐ​ഡി ത​നി​ക്ക് അ​യ​ച്ചുനൽകിയത്. നിങ്ങൾ ഇ​പ്പോ​ൾ മും​ബൈ​യി​ലേ​ക്കു വ​രൂ എന്നും അയാൾ ആവശ്യപ്പെട്ടു. സി​നി​മാ തി​ര​ക്കി​ലാണെന്നും ഇ​പ്പോ​ൾ വ​രാ​നാ​കില്ലെന്നും താൻ മറുപടി നൽകിയതോടെ കു​റ​ച്ച് സ​മ​യം ത​ങ്ങ​ളോ​ട് സ​ഹ​ക​രി​ക്ക​ണ​മെ​ന്ന് പ​റ​യു​ക​യാ​യി​രു​ന്നു അ​യാ​ൾ. ലൈ​വി​ൽ നി​ൽ​ക്ക​ണം. നി​ങ്ങ​ളു​ടെ സു​ര​ക്ഷ​യ്‍​ക്കാ​ണ് ഇ​ത് ചെ​യ്യു​ന്ന​ത്. ഇ​ത് മ​റ്റു​ള്ള​വ​രോ​ട് പ​റ​യു​ന്ന​ത് അ​പക​ടമാ​ണ്. ഇ​ങ്ങ​നെ പു​റ​ത്തുപ​റ​ഞ്ഞ​തി​നാ​ൽ ഒ​രാ​ൾ കൊ​ല്ല​പ്പെട്ടിട്ടുണ്ടെന്നും ഇ​ത് ഭ​യ​ങ്ക​ര ഒ​രു റാ​ക്ക​റ്റാ​ണെന്നും 12 സം​സ്ഥാ​ന​ങ്ങ​ളി​ൽ ത​ൻറെ പേ​രി​ൽ ത​ട്ടി​പ്പു​കാ​ർ വി​വി​ധ ബാ​ങ്ക് അ​ക്കൗ​ണ്ടു​ക​ൾ നി​യ​മ​വി​രു​ദ്ധ​മാ​യി തു​ട​ങ്ങി​യി​ട്ടു​ണ്ട് എ​ന്നും അ​യാ​ൾ വ്യ​ക്ത​മാ​ക്കി.

കോ​ടി​ക്ക​ണ​ക്കി​ന് രൂ​പ ത​ൻറെ പേ​രി​ൽ ത​ട്ടി​പ്പു​കാ​ർ കൈ​മാ​റ്റം ചെ​യ്‍​തി​ട്ടു​ണ്ട് എ​ന്നും അ​യാ​ൾ പ​റ​ഞ്ഞു. വാ​ട്‍​സാ​പ്പി​ലാ​ണ് സം​സാ​രി​ച്ചു​കൊ​ണ്ടി​രു​ന്ന​ത്. അ​റ​സ്റ്റി​ലാ​യ ആ​ളു​ടെ ഫോ​ട്ടോ അ​യ​ച്ചു​ത​ന്നി​രു​ന്നു. നി​യ​മ​വി​രു​ദ്ധ​മാ​യി പ​ണം വ​ന്നി​ട്ടുണ്ടോ എ​ന്ന് അ​വ​ർ ചോ​ദി​ച്ചു. നി​ങ്ങ​ളു​ടെ ബാ​ങ്കു​ക​ൾ ഏ​തൊ​ക്കെ എ​ന്നും ചോ​ദി​ച്ചു അ​വ​ർ. 72 മ​ണി​ക്കൂ​ർ താ​ൻ നി​രീ​ക്ഷ​ണ​ത്തി​ലാ​ണെ​ന്ന് അ​വ​ർ പ​റ​ഞ്ഞെ​ന്നും മാ​ലാ പാ​ർ​വ​തി കൂ​ട്ടി​ച്ചേ​ർ​ത്തു. ഫോ​ൺ അ​വ​ർ ഹോ​ൾ​ഡ് ചെ​യ്യു​ക​യാ​യി​രു​ന്നു.

ഇതിനിടെ അയച്ചുനൽകിയ ഐഡി കാർഡിലെ വിവരം വച്ച് ​ഗൂ​ഗിളിൽ തിരഞ്ഞതോടെ കബളിപ്പിക്കാനുള്ള നീക്കമാണെന്ന് തിരിച്ചറിഞ്ഞു. തട്ടിപ്പാണെന്ന് തന്റെ മാനേജരും പറയുകയുണ്ടായി. തുടർന്ന് താൻ എ​ക്സി​ക്യൂ​ട്ടീ​വ് പ്രൊ​ഡ്യൂ​സ​ർ​ക്ക് ഫോ​ൺ കൊ​ടു​ത്തു. ഇതോടെ തട്ടിപ്പ് സംഘം ഫോൺകോൾ കട്ടാക്കുകയായിരുന്നുവെന്നും മാലാ പാർവതി. കേരളത്തിലടക്കം നിരവധി പ്രമുഖർക്ക് വെർച്വൽ അറസ്റ്റ് തട്ടിപ്പിൽ പണം നഷ്ടമായത് കഴിഞ്ഞ ദിവസങ്ങളിലാണ്.