പ്യൂര്‍ട്ടോ റിക്കോ : വാരാന്ത്യത്തില്‍ മാഡിസണ്‍ സ്‌ക്വയര്‍ ഗാര്‍ഡനില്‍ നടന്ന റാലിയില്‍ പ്യൂര്‍ട്ടോറിക്കക്കാരെക്കുറിച്ച് നടത്തിയ അശ്ലീല പരാമര്‍ശങ്ങള്‍ക്ക്  വ്യക്തിപരമായി മാപ്പ് പറയണമെന്ന് മുന്‍ പ്രസിഡന്റ് ഡൊണാള്‍ഡ് ട്രമ്പിനോട് സാന്‍ ഹുവാൻ  ആര്‍ച്ച് ബിഷപ്പ്   ആവശ്യപ്പെടുന്നു.

'ഞാനും   നല്ല തമാശ ആസ്വദിക്കുന്നു,'   കത്തില്‍ പറയുന്നു. ''എന്നിരുന്നാലും, നര്‍മ്മത്തിന് അതിന്റേതായ പരിമിതികളുണ്ട്. അത് ആളുകളുടെ അന്തസ്സിനെയും പവിത്രതയെയും അവഹേളിക്കുകയോ അപകീര്‍ത്തിപ്പെടുത്തുകയോ ചെയ്യരുത്. ഹിഞ്ച്ക്ലിഫിന്റെ പരാമര്‍ശങ്ങള്‍ മോശമായ ചിരി മാത്രമല്ല വെറുപ്പും ഉളവാക്കുന്നു. 'എല്ലാവര്‍ക്കും സ്വാതന്ത്ര്യവും നീതിയും' എന്നതില്‍ സ്ഥാപിതമായ ഒരു സമൂഹത്തില്‍ ഇത്തരത്തിലുള്ള പരാമര്‍ശങ്ങള്‍ക്ക് സ്ഥാനമില്ല- അദ്ദേഹം കൂട്ടിച്ചേര്‍ത്തു. ''മിസ്റ്റര്‍ ട്രമ്പ്, നിങ്ങളുടെ വ്യക്തിപരമായ അല്ലെങ്കില്‍ രാഷ്ട്രീയ വീക്ഷണങ്ങളെ ഏതെങ്കിലും വിധത്തില്‍ പ്രതിഫലിപ്പിക്കുന്ന ഈ അഭിപ്രായങ്ങള്‍ നിരസിക്കാന്‍ ഞാന്‍ നിങ്ങളോട് ആവശ്യപ്പെടുന്നു.''

ഇംഗ്ലീഷിലും സ്പാനിഷിലും കത്ത്  ഫേസ്ബുക്കിൽ പോസ്റ്റ് ചെയ്തിട്ടുണ്ട്.

മാഡിസണ്‍ സ്‌ക്വയര്‍ ഗാര്‍ഡനില്‍ ട്രമ്പിന്റെ ഞായറാഴ്ച രാത്രി റാലിക്കിടെ,  പ്രസംഗകരില്‍ ഒരാളായ ഹാസ്യനടന്‍ ടോണി ഹിഞ്ച്ക്ലിഫ്,  പ്യൂര്‍ട്ടോ റിക്കോയെ ഗാർബേജ്  എന്ന് പരാമര്‍ശിച്ചു. മുന്‍ പ്രസിഡന്റിന്റെ സഖ്യകക്ഷികള്‍ ഉള്‍പ്പെടെയുള്ള പ്യൂര്‍ട്ടോ റിക്കക്കാര്‍, ഡെമോക്രാറ്റുകള്‍, റിപ്പബ്ലിക്കന്‍മാര്‍ എന്നിവരില്‍ നിന്ന് അദ്ദേഹത്തിന്റെ അഭിപ്രായങ്ങള്‍ക്ക് കടുത്ത എതിര്‍പ്പുകള്‍ നേരിട്ടിരുന്നു.