നാടോടി കഥകളില്‍ നിറയുന്ന നിഗൂഢതകള്‍ സമര്‍ത്ഥമായ ഒരു സമയ സഞ്ചാരത്തിലൂടെ അവതരിപ്പിക്കുന്ന ARM നവംബര്‍ 8 മുതല്‍ Dinsey+ Hotstar-ല്‍ സ്ട്രീമിംഗ് ആരംഭിക്കുന്നു. ഈ ആക്ഷന്‍ എന്റര്‍ടൈനര്‍ സുജിത്ത് നമ്പ്യാര്‍ രചിച്ച്, ജിതിന്‍ ലാല്‍ സംവിധാനം നിര്‍വഹിച്ചിരിക്കുന്നു. മാജിക് ഫ്രെയിംസ്-ന്റെ ബാനറില്‍ ലിസ്റ്റന്‍ സ്റ്റീഫനും സക്കറിയ തോമസും ചേര്‍ന്നാണ് ഈ ചിത്രം നിര്‍മ്മിച്ചിരിക്കുന്നത്.

ടൊവിനോ തോമസ്, കൃതി ഷെട്ടി, സുരഭി ലക്ഷ്മി, ഐശ്വര്യ രാജേഷ്, ബേസില്‍ ജോസഫ്, സഞ്ജു ശിവറാം, ഹരീഷ് ഉത്തമന്‍, രോഹിണി, ജഗദീഷ്, അജു വര്‍ഗീസ്, സുധീഷ്, ബിജു കുട്ടന്‍ എന്നിവര്‍  ഈ ആക്ഷന്‍  ഡ്രാമയില്‍ പ്രധാന കഥാപാത്രങ്ങളെ അവതരിപ്പിക്കുന്നു.

ചീയോതിക്കാവിലെ മൂന്ന് തലമുറകളുടെ കഥയാണ് ARM, അഥവാ 'അജയന്റെ രണ്ടാം മോഷണം'. ആകാശത്തുനിന്നും പൊട്ടിവീണ ഒരു നക്ഷത്രക്കല്ലും അതില്‍ നിന്നുണ്ടായ ഒരു ക്ഷേത്രവിളക്കും അതിന് പിന്നിലെ രഹസ്യങ്ങളുമാണ് ഈ സിനിമ പറയുന്നത്. കുഞ്ഞിക്കേളു എന്ന യോദ്ധാവ്, കള്ളന്‍ മണിയന്‍, അജയന്‍ എന്നിവരാണ് കഥയിലെ പ്രധാന കഥാപാത്രങ്ങള്‍. കുഞ്ഞിക്കേളുവില്‍ നിന്നുമുള്ള യാത്ര മണിയനിലേക്കും പിന്നെ അജയനിലേക്കുമുള്ള മനോഹരമായ ഒരു രസച്ചരടിലാണ് കഥ കോര്‍ത്തിണക്കിയിരിക്കുന്നത്. ഈ മൂന്ന് തലമുറകളിലെ കഥാപാത്രങ്ങളെ ടോവിനോ തോമസ് പകര്‍ത്തുന്ന പ്രകടനം ശ്രദ്ധേയമാണ്.

ജോമോന്‍ ടി ജോണ്‍ ഛായാഗ്രഹണവും ഷമീര്‍ മുഹമ്മദ് എഡിറ്റിംഗും നിര്‍വഹിച്ചിരിക്കുന്ന ഈ ചിത്രത്തിന്റെ സംഗീത സംവിധാനം ദിബു നൈനാന്‍ തോമസാണ്.

മലയാളം, തമിഴ്, തെലുങ്ക്, കന്നഡ, ഹിന്ദി എന്നീ അഞ്ച് ഭാഷകളിലാണ് ARM സ്ട്രീമിംഗ് ചെയ്യുന്നത്.

ഈ ഫാന്റസി ത്രില്ലര്‍ മാജിക് കാണാതെ പോകരുത്.  നവംബര്‍ 08 മുതലാണ് ARM - അജയന്റെ രണ്ടാം മോഷണം ഡിസ്‌നി+ ഹോട്ട്സ്റ്റാറില്‍ സ്ട്രീമിംഗ് ആരംഭിക്കുന്നത്.

About Dinsey+ Hotstar:
Dinsey+ Hotstar (erstwhile Hotstar) is India's leading streaming platform that has changed the way Indians watch their entertainment - from their favourite TV shows and movies to sporting extravaganzas. With the widest range of content in India, Dinsey+ Hotstar offers more than 100,000 hours of TV Shows and Movies in 8 languages and coverage of every major global sporting event.