ആരാധകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് തമിഴകത്തിൻറെ സൂര്യ നായകനായ 'കങ്കുവ'. സിരുത്തൈ ശിവയാണ് ചിത്രം സംവിധാനം ചെയ്യുന്നത്.

ചിത്രവുമായി ബന്ധപ്പെട്ട് ഇതുവരെ പുറത്തിറങ്ങിയ ഓരോ പുതിയ വിവരവും പ്രേക്ഷകർക്ക് ഏറെ പ്രതീക്ഷ നല്‍കുന്ന തരത്തിലുള്ളതാണ്. 'കങ്കുവ'യുമായി ബന്ധപ്പെട്ട പുതിയ വിവരമാണ് ആരാധകർക്കിടയിലെ ഇപ്പോഴത്തെ ചർച്ച. വമ്ബൻ റിലീസായാണ് 'കങ്കുവ' തിയേറ്ററുകളില്‍ എത്തുക. കേരളത്തിലടക്കം നാല് മണിക്ക് ആദ്യ ഷോ ഉണ്ടാകുമെന്നാണ് റിപ്പോർട്ട്. അതേ സമയം 500 തിയേറ്ററുകളില്‍ കേരളത്തില്‍ 'കങ്കുവ' പ്രദർശിപ്പിക്കും.

ആന്ധ്രാപ്രദേശ്, തെലുഗാന, കർണാടക എന്നിവടങ്ങളിലും ഷോ പുലർച്ചെയുണ്ടാകും എന്നാണ് റിപ്പോർട്ടുകള്‍ സൂചിപ്പിക്കുന്നത്. നവംബർ 14നാണ് ചിത്രത്തിൻറെ റിലീസ്. ഒരു നടനെന്ന നിലയില്‍ 'കങ്കുവ' സിനിമ വലിയ അനുഗ്രഹമാണെന്ന് സൂര്യ വ്യക്തമാക്കിയിരുന്നു. തങ്ങള്‍ കങ്കുവ ഏതാണ്ട് 150 ദിവസത്തില്‍ അധികമെടുത്താണ് ചിത്രീകരിച്ചതെന്നും രാജ്യമൊട്ടാകെ പ്രേക്ഷകർക്ക് എന്തായാലും ഇഷ്‍ടപ്പെടും എന്നാണ് വിശ്വസിക്കുന്നത് എന്നും താരം വ്യക്തമാക്കിയിരുന്നു.

'കങ്കുവ' സിനിമയിലെ ഗാനം നേരത്തെ പുറത്തുവിട്ടത് ശ്രദ്ധയാകർഷിച്ചിരുന്നു. 'കങ്കുവ' ഒന്നിനൊപ്പം രണ്ടാം ഭാഗത്തിൻറെയും കഥ പൂർത്തിയായിട്ടുണ്ട് എന്നും നിർമാതാവ് വ്യക്തമാക്കിയിരുന്നു. ചിത്രത്തിൻറെ രണ്ടാം ഭാഗത്തിൻറെ ചിത്രീകരണം 2026ല്‍ തീർക്കാനാണ് തങ്ങള്‍ ഉദ്ദേശിക്കുന്നതെന്ന് കെ ജ്ഞാനവേല്‍ പറഞ്ഞതായും റിപ്പോർട്ടുണ്ട്.