വിഖ്യാത സംഗീത സംവിധായകനും പ്രൊഡ്യൂസറും ഗാനരചയീതാവുമായ ക്വന്‍സി ജോണ്‍സ് അന്തരിച്ചു. 91 വയസായിരുന്നു 

ലോസ് ആഞ്ചല്‍സിലെ സ്വവസതിയില്‍ വച്ചായിരുന്നു അദ്ദേഹത്തിന്റെ അന്ത്യം. പോപ് ചക്രവര്‍ത്തി മൈക്കിള്‍ ജാക്‌സന്റെ എക്കാലത്തേയും വലിയ ഹിറ്റ് ആല്‍ബമായ ത്രില്ലര്‍ നിര്‍മ്മിച്ചത് ക്വിന്‍സി ആയിരുന്നു. മൈക്കിള്‍ ജാക്‌സനൊപ്പം ബാഡ്, ഓഫി ദി വാള്‍ എന്നീ ആല്‍ബങ്ങളും നിര്‍മ്മിച്ചിട്ടുണ്ട്. മൈക്കിള്‍ ജാക്‌സന്റെ കരിയറിലെ നിര്‍ണായക സ്വാധീനായിരുന്നു കിന്‍സി.

ജാക്‌സന് പുറമേയും മറ്റ് പല പ്രമുഖര്‍ക്കൊപ്പവും ക്വിന്‍സി ജോണ്‍സ് പ്രവര്‍ത്തിച്ചിട്ടുണ്ട്. 78 വര്‍ഷം നീണ്ട ദീര്‍ഘമായ കരിയറില്‍ ക്വിന്‍സിയെ തേടി 28 ഗ്രാമികളെത്തിയിട്ടുണ്ട്. ക്വിന്‍സിയുടെ മരണം സ്ഥിരീകരിച്ചു കൊണ്ട് അദ്ദേഹത്തിന്റെ പബ്ലിസിസ്റ്റ് രംഗത്തെത്തിയിട്ടുണ്ട്. ക്വിന്‍സിയുടെ വിയോഗം കുടുംബത്തിന് തീരാ നഷ്ടമാണ്. അദ്ദേഹത്തിന് പകരക്കാരനില്ലെന്നുമാണ് കുറിപ്പില്‍ പറയുന്നത്.