ബോക്സോഫീസില്‍ ഗംഭീര വിജയം നേടിയതിനു പിന്നാലെ ‘വാഴ’ എന്ന ചിത്രത്തിന്റെ രണ്ടാം ഭാഗം ഒരുങ്ങുന്നു.

ബോക്സ് ഓഫീസില്‍ വലിയ രീതിയില്‍ ശ്രദ്ധിക്കപ്പെട്ട ‘ജയ ജയ ജയ ജയഹേ’, ‘ഗുരുവായൂർ അമ്ബലനടയില്‍’ എന്നീ ചിത്രങ്ങള്‍ സംവിധാനം ചെയ്ത വിപിൻദാസ് തിരക്കഥയൊരുക്കിയ ചിത്രമായിരുന്നു ‘വാഴ- ബയോ പിക് ഓഫ് ബില്യണ്‍ ബോയ്സ് ‘.

ചിത്രം ബോക്സ് ഓഫീസില്‍ വൻ വിജയമായതിനെത്തുടർന്ന് എറണാകുളം ഗോകുലം പാർക്കില്‍ വച്ച്‌ നടന്ന വിജയാഘോഷ വേദിയിലാണ് ചിത്രത്തിന്റെ രണ്ടാം ഭാഗം ഒരുക്കുന്നു എന്ന പ്രഖ്യാപനം ഉണ്ടായത്. ആദ്യ ഭാഗത്തിന് തിരക്കഥയൊരുക്കിയ വിപിൻദാസ് തിരക്കഥയൊരുക്കുന്ന ചിത്രത്തിന്റെ സംവിധാനം നിർവഹിക്കുന്നത് സാവിൻ തന്നെയാണ്. വാഴയിലെ താരങ്ങളായ അലൻ ബിൻ സിറാജ്, ഹാഷിർ, അജിൻ റോയ്, വിനായക് എന്നിവർ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കും.