കാന്താര 2 വിന്റെ റിലീസ് ഡേറ്റ് പ്രഖ്യാപിച്ചിരിക്കുകയാണ് നടനും , സംവിധായകനുമായ ഋഷഭ് ഷെട്ടി.2025 ഒക്‌ടോബർ 2-ന് 'കാന്താര: ചാപ്റ്റർ 1' റിലീസ് ചെയ്യും.

പ്രീക്വലായിട്ടാണ് ഋഷഭ് ഷെട്ടി കാന്താരയുടെ തുടര്‍ച്ച ഒരുക്കുന്നത്. ജയറാമും ഋഷഭ് ഷെട്ടിയുടെ കാന്താരയുടെ ഭാഗമാകുന്നുണ്ട് എന്ന റിപ്പോര്‍ട്ടും വലിയ ചര്‍ച്ചയായിരുന്നു. മോഹൻലാലും കാന്താരയുടെ തുടര്‍ച്ചയില്‍ ഉണ്ടാകുമെന്ന് വാര്‍ത്തകള്‍ ഉണ്ടായെങ്കിലും സ്ഥിരീകരണമില്ല.

വമ്ബൻ ബഡ്ജറ്റില്‍ ഒരുങ്ങുകയാണ് 'കാന്താര: ചാപ്റ്റർ 1'. കൂടാതെ പ്രീ-പ്രൊഡക്ഷൻ ജോലികള്‍ക്ക് കൂടുതല്‍ സമയമെടുക്കും. ഇക്കാരണങ്ങളാല്‍ തന്നെ സിനിമ റിലീസ് ചെയ്യാൻ മാസങ്ങളെടുക്കും.

കാന്താര 2 മൂന്നാം ഷെഡ്യൂള്‍ കർണാടകയിലെ കുന്ദാപുരത്ത് പുരോഗമിക്കുന്നുണ്ട്. തുടർച്ചയായി 60 ദിവസം നീണ്ടുനില്‍ക്കുന്ന വലിയ ഷെഡ്യൂളാണ്.