അമേരിക്കയിലെ ഹ്യൂസ്റ്റണ്‍ കേരളാ റൈറ്റേഴ്‌സ് ഫോറം ഏര്‍പ്പെടുത്തിയ 2024ലെ സാഹിത്യത്തിനുളള സമഗ്രസംഭാവന പുരസ്‌കാരം, അബ്ദുള്‍ പുന്നയൂര്‍ക്കുളത്തിന് സമര്‍പ്പിച്ചു.

എറണാകുളം പ്രസ്സ്‌ക്ലബില്‍ വെച്ച് നടന്ന ചടങ്ങില്‍ റൈറ്റേഴ്‌സ് ഫോറത്തിന്റെ ഔദ്യോഗിക പ്രതിനിധി ശ്രീ. മാത്യ നെല്ലിക്കുന്നില്‍ നിന്ന് അബ്ദുള്‍ പുന്നയൂര്‍ക്കുളം പുരസ്‌കാരം ഏറ്റുവാങ്ങി.

നാടകകൃത്ത് ടി. മോഹന്‍ ബാബു ആമുഖഭാഷണം നടത്തി. ഹക്കീം വെളിയത്ത്, പ്രദീപ് നാരായണന്‍, റഷീദ് കെ. മൊയ്തു, രാജന്‍ പുഷ്പാഞ്ജലി, സജീഷ് പെരുമുടിശ്ശേരി എന്നിവര്‍ ആശംസകള്‍ നേര്‍ന്നു.

തുടര്‍ന്ന് കേരളാ റൈറ്റേഴ്‌സ് ഫോറത്തിന്റെ വാര്‍ഷിക പ്രസിദ്ധീകരണമായ ‘ശരത്കാല സന്ധ്യയുടെ മണിമുഴക്കങ്ങള്‍’എന്ന പുസ്തകം എം.വി. ജോസിന് നല്കിക്കൊണ്ട് മാത്യ നെല്ലിക്കുന്ന് പ്രകാശനം നിര്‍വഹിച്ചു.