ആവേശം നിറഞ്ഞ ഗെയിം ഷോ 'എങ്കിലേ  എന്നോട് പറ' യില്‍ ഈ വരുന്ന ശനി ( 30/ 11/ 2024 ) , ഞായര്‍ ( 01/ 12/ 2024 ) ദിവസങ്ങളില്‍ പ്രശസ്തചലച്ചിത്രതാരങ്ങളും ജനപ്രിയടീലിവിഷന്‍താരങ്ങളും മത്സരാത്ഥികളായി എത്തുന്നു.
നവംബര്‍ 30, ശനിയാഴ്ച മലയാളസിനിമയിലെ ഹാസ്യതമ്പുരാക്കന്മാരായ ധര്‍മ്മജനും പ്രജോദ് കലാഭവനുമൊപ്പം തെന്നിന്ത്യന്‍ താരസുന്ദരി ശിവദയും മത്സരിക്കാനെത്തുന്നു. കോമഡിയും സസ്പെന്‍സും നിറഞ്ഞ  ഈ എപ്പിസോഡ് പ്രേക്ഷകര്‍ക്ക് ഒരു പുത്തന്‍ അനുഭവമായിരിക്കും.

ഡിസംബര്‍ 1, ഞായറാഴ്ച ഏഷ്യാനെറ്റിലെ സൂപ്പര്‍ഹിറ്റ് പരമ്പരയിലെ താരങ്ങള്‍ കൊമ്പുകോര്‍ക്കുന്നു. നലീഫ് - ഐശ്വര്യ, ജിത്തു - ദര്‍ശന, കല്യാണ്‍ - വര്‍ഷ ജോഡികളാണ് മത്സരിക്കാന്‍ എത്തുന്നത്. കളിയും ചിരിയും ഉദ്യോഗനിമിഷങ്ങളും സമ്മാനിച്ചുകൊണ്ട് പ്രേക്ഷകര്‍ക്ക് എന്നും മനസ്സില്‍ താലോലിക്കാനുള്ള ഒരു എപ്പിസോഡായി ഇതു മാറും.

ചലച്ചിത്രതാരങ്ങളും ബിഗ് ബോസ് മത്സരാര്ഥികളുമായ ശ്വേത മേനോനും സാബുമാണ്  ഈ ഷോയുടെ അവതാരകര്‍.
'എങ്കിലേ  എന്നോട് പറ' ഏഷ്യാനെറ്റില്‍ എല്ലാ ശനി, ഞായര്‍ ദിവസങ്ങളിലും രാത്രി 9 മണിക്ക്  സംപ്രേക്ഷണം ചെയ്യുന്നു.