ന്യൂയോർക് :കനത്ത ഹിമപാതത്തേയും  കൊടുങ്കാറ്റിനേയും തുടർന്ന് ന്യൂയോർക്കിന്റെ ഭൂരിഭാഗം പ്രദേശങ്ങളിലും അടിയന്തരാവസ്ഥ പ്രഖ്യാപിച്ചു.

വെള്ളിയാഴ്ച മുതൽ പലയിടത്തും മഞ്ഞുവീഴ്ച തുടങ്ങി. തെക്കൻ എറി കൗണ്ടിയിലും ചൗടാക്വ കൗണ്ടിയിലും ഉൾപ്പെടെ  നിരവധി അടി മഞ്ഞ് പ്രതീക്ഷിക്കുന്നു.  

വടക്കോട്ട് ബഫലോയിൽ നിന്നുള്ളവർക്ക് ശനിയാഴ്ച   ചെറിയ തോതിൽ മഞ്ഞുവീഴ്ച പ്രതീക്ഷിക്കാം. വെള്ളി, ശനി ദിവസങ്ങളിൽ കാറ്റ് 30 മൈൽ വേഗതയിൽ വീശുമെന്ന് പ്രതീക്ഷിക്കുന്നു, ഇത് വൈറ്റ്ഔട്ട് അവസ്ഥ സൃഷ്ടിക്കുന്നു.

ബ്രാൻ്റ്,  ഈഡൻ,  ഇവാൻസ്, ഹാംബർഗ്, ഓർച്ചാർഡ് പാർക്കിൻ്റെ ചില ഭാഗങ്ങൾ എന്നിവയുൾപ്പെടെ സതേൺ എറി കൗണ്ടിയിലെ ഒന്നിലധികം പട്ടണങ്ങളിൽ “തീവ്രമായ ആഘാതം” പ്രതീക്ഷിക്കുന്നതായി എറി കൗണ്ടി എക്‌സിക്യൂട്ടീവ് മാർക്ക് പോളോൺകാർസ് വെള്ളിയാഴ്ച വാർത്താ സമ്മേളനത്തിൽ പറഞ്ഞു. നോർത്തേൺ എറി കൗണ്ടിയിൽ പരമാവധി ആറ് ഇഞ്ച് ലഭിക്കുമെന്നാണ് പ്രതീക്ഷിക്കുന്നത്.