പുതുമുഖങ്ങളെ പ്രധാന കഥാപാത്രങ്ങളാക്കി നവാഗതനായ ജിന്‍സ് ജോസഫ് തിരക്കഥയെഴുതി സംവിധാനം ചെയുന്ന ഷോര്‍ട്ട് ഫിലിമാണ് 'ലോള്‍' (LOL - Laugh Out Love). ചിത്രത്തിന്റെ ഫസ്റ്റ് ലുക്ക് പോസ്റ്റര്‍ അണിയറ പ്രവര്‍ത്തകര്‍ കഴിഞ്ഞ ദിവസം സോഷ്യല്‍ മീഡിയ വഴി പുറത്തിറക്കിയത് ചുരുങ്ങിയ സമയം കൊണ്ട് തന്നെ ജനശ്രദ്ധ നേടിയിരുന്നു.

ജോസ്ബിന്‍ പോള്‍, ഹരിശങ്കര്‍, ആതിര സുനില്‍, അജിത്ത് അജി, രൂപ രാഖി, സന്ധ്യ അരവിന്ദ്, അരവിന്ദാക്ഷന്‍, ഓസ്റ്റിന്‍ ആര്‍ ജി, നോയല്‍ തോമസ് എന്നിവരാണ് ഈ റൊമാന്റിക് കോമഡി ചിത്രത്തിലെ പ്രധാന വേഷങ്ങള്‍ കൈകാര്യം ചെയ്തിരിക്കുന്നത്. ഗോള്‍ഡ് സിനിമാസിന്റെ ബാനറില്‍ മിലന്‍ തോമസും, ജിസ്മി ജോസഫും നിര്‍മ്മിക്കുന്ന ചിത്രത്തിന്റെ ചിത്രസംയോജനം സംവിധായകന്‍ ജിന്‍സ് തന്നെയാണ് നിര്‍വ്വഹിച്ചിരിക്കുന്നത്.

അഭിഷേക് സി.ആര്‍ ക്യാമറ കൈകാര്യം ചെയ്ത ചിത്രത്തിന്റെ സംഗീതവും പശ്ചാത്തല സംഗീതവുമൊരുക്കിയത് ജിഷ്ണു തിലകാണ്. ശബ്ദമിശ്രണം: രാജേഷ് എ.പി. കളറിസ്റ്റ്: വൈഷ്ണവ് ഡി. മുഖ്യ സംവിധാന സഹായി: സലില്‍ റുക്കിയ അഷറഫ്. മുഖ്യഛായാഗ്രഹണ  സഹായി: അഖില്‍ എസ്. ഷോര്‍ട്ട് ഫിലിം ഉടന്‍തന്നെ റിലീസ് ചെയ്യും. പി ആര്‍ ഒ: കാസബ്‌ളാങ്കാ ഫിലിം ഫാക്ടറി.