മേജർ ധ്യാന് ചന്ദ് ഖേൽ രത്‌ന അവാർഡുകൾ സമ്മാനിച്ച് രാഷ്ട്രപതി ദ്രൗപതി മുർമു. ജനുവരി 17 ന് രാഷ്ട്രപതി ഭവനിൽ നടന്ന ചടങ്ങിൽ ഡബിൾ ഒളിമ്പിക്‌സ് മെഡൽ ജേതാവ് മനു ഭാകറും , ലോക ചെസ്സ് ചാമ്പ്യൻ ഡി. ഗുകേഷും അവാർഡ് ഏറ്റുവാങ്ങി. കഴിഞ്ഞ വർഷം സിംഗപ്പൂരിൽ നടന്ന ലോക ചെസ്സ് ചാമ്പ്യൻഷിപ്പ് മത്സരത്തിൽ ചൈനയിൽ നിന്നുള്ള ഡിംഗ് ലിറനെ പരാജയപ്പെടുത്തിയാണ് ഡി ഗുകേഷ് ലോക ചെസ്സ് ചാമ്പ്യൻ കിരീടം ചൂടിയത് . 2024 പാരിസ് ഒളിംപിക്സിലെ എയർ പിസ്റ്റൾ വ്യക്തിഗത ഇനത്തിലും ,എയർ പിസ്റ്റൾ മിക്‌സഡ് ടീം ഇനത്തിലും വെങ്കലം നേടിയ ആദ്യ ഇന്ത്യൻ അത്‌ലറ്റാണ് മനു ഭാകർ.

കായിക മന്ത്രി മൻസുഖ് മാണ്ഡവ്യ, മന്ത്രി കിരൺ റിജിജു , കായിക സെക്രട്ടറി സുജാത ചതുർവേദി തുടങ്ങിയ പ്രമുഖർ ചടങ്ങിൽ പങ്കെടുത്തു. ഇന്ത്യൻ പുരുഷ ഹോക്കി ടീം ക്യാപ്റ്റൻ ഹർമൻപ്രീത് സിംഗ്, പാരീസ് പാരാലിമ്പിക്‌സിൽ ഹൈജമ്പിൽ സ്വർണം നേടിയ പ്രവീൺ കുമാർ എന്നിവർക്കും രാജ്യം ഖേൽരത്‌ന നൽകി ആദരിച്ചു.

english summary :
Manu Bhaker and D. Gukesh received the Khel Ratna Award from the President.