'അതിരുകളുടേയും നിയമങ്ങളുടെയും അജ്ഞാത ചക്രങ്ങളിൽ കുടുങ്ങിപോയവരുടെ' കരച്ചിൽ കേൾക്കാൻ തുടങ്ങിയിരിക്കുന്നു. ജൂഡിയായിലെ രാജാവ് ഹെരോദോവ് കുഞ്ഞുങ്ങളെ കൊല്ലാൻ ഉത്തരവ് പുറപ്പടിച്ചതുപോലെ, ട്രമ്പിന്റ ഉത്തരവെന്ന പടവാൾ വീശാൻ അധിക താമസമില്ല. കാതോർത്തിരിക്കുക സംഹാര ദൂതൻ കടന്നുപോകാൻ സമയമായി. അമേരിക്കയിലെ യേശുവിന്റെ പിൻഗാമികൾ എന്നവകാശപ്പെടുന്ന കപടഭക്തർ ഒരുക്കി കൊടുത്ത തട്ടകത്തിൽ കയറി നിന്നുകൊണ്ട് അയാൾ തന്റെ വജ്രായുധം വീശുമ്പോൾ. "ഞാൻ അതിഥി ആയിരുന്നു നിങ്ങൾ എന്നെ കയ്യ് കൊണ്ടു" എന്ന യേശുവിന്റെ വാക്കുകൾ നിങ്ങൾ മറന്നു കളയുക. അവർ പുതിയ ഒരു യേശുവിനെ കണ്ടെത്തിയിരിക്കുന്നു. ദൈവത്താൽ തിരഞ്ഞെടുക്കപെട്ടവൻ. കാരാഗ്രഹങ്ങൾ തുറക്കപ്പെടുകയും തടവുകാർ പുറത്തുവരാനും തുടങ്ങിയിരിക്കുന്നു. ഇലോൺ മാസ്ക് കയ്യ് ഉയർത്തി നാസി സല്യൂട്ട് കൊടുത്തപ്പോൾ, തിരഞ്ഞെടുക്കപ്പെട്ടവന്റ് വദനത്തിൽ പുഞ്ചിരി. ആഹാരത്തിനായി, ജീവിക്കാനായി ഓടുന്നവന്റെ കണ്ണുകളിൽ ഭയത്തിന്റെയും ആധിയുടെയും മിന്നലാട്ടം. അതെ അതിരുകളിൽ നിന്ന് കരച്ചിൽ കേൾക്കാൻ സമയമായി. ട്രമ്പിന്റ പുതിയആകാശത്തിന്റെ കീഴിൽ ഈ ഭൂമിയിൽ ജീവിക്കാൻ വെമ്പുന്ന കപടഭക്തരെ നിങ്ങൾ ആനന്ദിക്കുക. പട്ടിണിയുടെയും നാടുകടത്തിലിന്റെയും നരകത്തിലേക്ക് പ്രവേശിക്കാൻ വെമ്പുന്ന ജനങ്ങളെ നിങ്ങളോടൊപ്പം കരയാനെ ഞങ്ങൾക്ക് കഴിയു. കാലോചിതമായ കവിത.

"ജീവിതം മന്ത്രിക്കുന്നു "നിങ്ങളിൽച്ചിലെരെന്റെ പൂവനത്തണൽതോറും സ്വപ്‍നം കണ്ടിരിക്കുമ്പോൾ; ചിലെരെൻ മണൽക്കാട്ടിൻ മദ്ധ്യത്തിലൊരുതുള്ളി ജലമെങ്കിലും കിട്ടാതാർത്തരായി പിരിയുന്നു പൂന്തോപ്പിലിരിക്കുന്നോരെൻ നാമം പുകഴ്ത്തുന്നു താന്തരായി മരുഭൂവിൽ നിൽക്കുവോർ ശപിക്കുന്നു " ഇദ്ദേഹത്തിന്റെ കവിത വായിച്ചപ്പോൾ ചങ്ങമ്പുഴയുടെ ജീവിതം എന്ന കവിതയുടെ ഏതാനം വരികളാണ് മനസിലേക്ക് വന്നത്. ആർദ്രത നഷ്ടപ്പെട്ട ഒരു സമൂഹം നമ്മളുടെ ചുറ്റും രൂപം കൊള്ളുന്നു. സുഖസൗകര്യങ്ങളുടെ പൂവനത്തോപ്പിൽ സ്വപ്നം കണ്ടിരുന്നുകൊണ്ട് തമ്പേറടിച്ചും കയ്യടിച്ചും പാട്ടുപാടി , നിരീശ്വരൻ പറഞ്ഞതുപോലെ, ട്രമ്പിന്റെ നാമം പാടി പുകഴ്ത്തുമ്പോൾ മണൽക്കാട്ടിൽ അതിരുകൾ കാണാതെ ജലപാനം ചെയ്യാതെ എന്തു ചെയ്യണം എന്നറിയാതെ കരയുന്നവരുടെ ശാപം ആരുടെമേലും പതിക്കാതിരിക്കട്ടെ. "ദുഃഖചിന്തേ മതി മതി, യേവം ഞെക്കിടായ്ക നീയെൻ മൃദുചിത്തം "(സ്പന്ദിക്കുന്ന അസ്ഥിമാടം -ചങ്ങമ്പുഴ ) വിദ്യാധരൻ