ടെക്സസ്: നവംബർ 3-ന് നടക്കുന്ന പൊതുതെരഞ്ഞെടുപ്പിന് മുന്നോടിയായി ഒക്ടോബർ 19 തിങ്കളാഴ്ച ആരംഭിച്ച മുൻകൂർ വോട്ടെടുപ്പിൽ വിവിധ പ്രധാന കൗണ്ടികളിൽ മികച്ച ജനപങ്കാളിത്തം റിപ്പോർട്ട് ചെയ്തു.

ഡാലസ്, ടാറന്റ്, കോളിൻ കൗണ്ടികളിലെ നിരവധി വോട്ടെടുപ്പ് കേന്ദ്രങ്ങളിൽ വോട്ടർമാരുടെ നീണ്ട നിരകൾ രൂപപ്പെട്ടു. ചില കേന്ദ്രങ്ങളിൽ 30 മുതൽ 45 മിനിറ്റിലധികം വരെ കാത്തിരിക്കേണ്ടിവന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.

ഹാരിസ് കൗണ്ടിയിൽ വൈകിട്ട് ആറുമണിവരെയുള്ള പ്രാഥമിക കണക്കനുസരിച്ച് 1,04,201 പേർ വോട്ട് രേഖപ്പെടുത്തി. ഇടക്കാല തെരഞ്ഞെടുപ്പിലെ ആദ്യദിന മുൻകൂർ വോട്ടെടുപ്പിന്റെ മുൻ റെക്കോർഡ് ഇതോടെ മറികടന്നതായി പ്രാദേശിക റിപ്പോർട്ടുകൾ വ്യക്തമാക്കി. ബെക്സാർ കൗണ്ടിയിൽ രാവിലെ അവസാനിക്കുമ്പോഴേക്കും 12,500-ലധികം പേർ വോട്ട് രേഖപ്പെടുത്തിയതായും റിപ്പോർട്ടുണ്ട്.

ആദ്യദിനത്തിലെ ജനപങ്കാളിത്തം ശ്രദ്ധേയമാണെങ്കിലും, ഇതിന്റെ അടിസ്ഥാനത്തിൽ ഏതെങ്കിലും രാഷ്ട്രീയ പാർട്ടിക്ക് മേൽക്കൈയുണ്ടെന്ന് വിലയിരുത്താനാവില്ല. പുറത്തുവരുന്ന കണക്കുകൾ വോട്ടുചെയ്തവരുടെ എണ്ണമാണ് വ്യക്തമാക്കുന്നത്; അവർ ആർക്കാണ് വോട്ട് നൽകിയതെന്ന് വെളിപ്പെടുത്തുന്നില്ല. സംസ്ഥാനതലത്തിലുള്ള സ്ഥിരമായ വോട്ടെടുപ്പ് പ്രവണത വിലയിരുത്താനും കൂടുതൽ ദിവസങ്ങളിലെ കണക്കുകൾ ആവശ്യമാണ്.

മുൻകൂർ വോട്ടെടുപ്പ് ഒക്ടോബർ 30 വരെ തുടരും. നവംബർ 3 ചൊവ്വാഴ്ചയാണ് തെരഞ്ഞെടുപ്പ് ദിനം. ഡാളസ് കൗന്ടയുമായി സ്റ്റേറ്റിൽ മത്സരിക്കുന്ന സ്ഥാനാർത്ഥികളുടെ പേരും പാർട്ടിയും ഇതോടെ കൊടുത്തിരിക്കുന്നെത് സഹായകം ആകുമെന്ന് കരുതുന്നു. ഗാർലാൻഡ് സിറ്റിയിൽ മത്സരിച്ച മലയാളി എന്ന നിലയിൽ ഏവരെയും ഒട്ടു ചെയ്യുവാൻ ആഹ്വാനം ചെയ്യുന്നു.

വാർത്ത: പി. സി. മാത്യു ഗാർലാൻഡ്, ഡാളസ്