സമയം തെറ്റിയ വാച്ച് ആര്ക്ക് വേണം?
അലങ്കാപ്പട്ടികയില് , ഓഹരിവിപണിയില്
പുതിയ കാനേഷുമാരിയില്
സ്ഥാനം നഷ്ടപ്പെട്ട്, പടിവാതില് കൊട്ടിയടക്കാന് വിധിക്കപ്പെട്ട്
വാച്ച്-
വാറ് പൊട്ടിയ അതിനി-യാര്ക്കു വേണം?
നിന്റെ സമയമടുത്തെന്നു പറയാന്
എന്റെ കൈയില് വാച്ചില്ലല്ലോ?
ചില്ലു തകര്ന്ന വാച്ചില് , സൂചി പിന്നോട്ടു നടക്കുന്നു
അതിന്റെ ചൂണ്ടാണി വിരല് എന്നെ ഉന്നം വെക്കുന്നു.
സമയം രേഖപ്പെടുത്തിയ കാലുകള് കടന്നു
നീലിച്ചക്ലാവോടെ ആമനടത്തം
സമയമെത്രയായി എന്നു എന്നെ മിറച്ചിട്ടൊരു അന്ധന് .
വാച്ച്
ഒരു കുടുക്ക്, ഒരു ആരാച്ചാര്, ഒരു തൂങ്ങിയാട്ടം
കുറച്ചുകൂടി വ്യക്തമാക്കിയാല് - നാഴികമണി
ഒന്നുമില്ലാത്തവര്ക്കാണ്
അര്ദ്ധരാത്രിയില് സ്വാതന്ത്ര്യം കിട്ടിയത്
മനസ്സിലായില്ലേ വാച്ച് എങ്ങനെ കഴുത്തു മുറുക്കുന്നുവെന്ന്?
പനി പിടിച്ച വാച്ചില്
സൂര്യന് പടിഞ്ഞാറ് ഉദിക്കുന്നു
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല