MediaAppUSA

നമ്മെ നമുക്ക് സ്വതന്ത്രരാക്കാം! (കാവ്യോത്സവം: അനിത പണിക്കര്‍)

Published on 07 July, 2016
നമ്മെ നമുക്ക് സ്വതന്ത്രരാക്കാം! (കാവ്യോത്സവം: അനിത പണിക്കര്‍)
കെട്ടിയിട്ടൊരു പട്ടം പോലോ ജീവിതം?
ഒരു പട്ടച്ചരടിന്‍ നീളത്തില്‍,
അതിന്റെ ചുറ്റളവില്‍,
ആശകളും നിരാശകളും,
ഗുണിച്ചു ഹരിച്ചു പൂജ്യത്തിലെത്തിച്ച്,
ഒടുക്കുന്നു നമ്മള്‍, നമ്മളിലെ നമ്മളെ..

ആ ചരടൊന്നറത്തു നോക്കൂ..
ഭ്രാന്തനാം കാറ്റിനൊപ്പം പറന്നു നോക്കൂ..
മരവിപ്പിക്കും മഞ്ഞില്‍ വീണുരുണ്ട്,
മഴവെള്ളപ്പാച്ചിലില്‍ കുത്തി ഒലിച്ച്,
സൂര്യകിരണങ്ങളെ പ്രാപിച്ച്,
വീണ്ടും ഉണര്‍ന്നു നോക്കൂ..

തിരിച്ചറിയുന്നുവോ നിങ്ങളിലെ നിങ്ങളെ?
നമുക്ക് ചരടുകളില്ലാപ്പട്ടമാകാം
അനന്ത വിഹായസ്സില്‍ ചുറ്റിപ്പറക്കാം
നക്ഷത്രങ്ങളെ എത്തിപ്പിടിക്കാം
ജീവിതമൊരു ആഘോഷമാക്കാം
നമ്മെ നമ്മുക്ക് സ്വതന്ത്രരാക്കാം!!


അനിത പണിക്കര്‍

ഫിലാഡെല്‍ഫിയായില്‍ താമസം. IT മേഖലയില്‍ ജോലി.
എന്റെ എഴുത്തിലൂടെ എന്നെ നിങ്ങള്‍ അറിയൂ. നിങ്ങള്‍ തരുന്ന പ്രചോദനങ്ങളിലൂടെയും, നിങ്ങള്‍ കുറിക്കുന്ന വിമര്‍ശനങ്ങളില്‍ നിന്നും, കൂടുതല്‍ അറിയാനും എഴുതാനുമുള്ള ആത്മവിശ്വാസം എനിക്ക് ജഗദീശ്വരന്‍ നല്‍കട്ടെ!
നമ്മെ നമുക്ക് സ്വതന്ത്രരാക്കാം! (കാവ്യോത്സവം: അനിത പണിക്കര്‍)
മനോജ് തോമസ് . അഞ്ചേരി 2016-07-08 03:39:29
വളരെ നല്ല  ആശയം  സോദരി ...  തിരിച്ചറിയുന്നുവോ  
നിങ്ങളിലെ  നിങ്ങളെ ?. നമ്മൾ  ആരാണ്  എന്ന്  വിവികേ 
പൂർവ്വം  അറിയാനുള്ള  ശ്രമം. ഉത്തരം  കണ്ടെത്താൻ
ശ്രമിക്കുക .   അഭിനന്ദനങ്ങൾ.   
---------------------------------------------------------------------------
നിൻ ദേഹി ,, നിൻ ദേഹി ,, നിൻ ദേഹി ,, നിൻ ദേഹി 
നിൻ ദേഹി നിൻ ദേഹം വിട്ടു പിരിയുബോൾ .....
പകലന്തിയോളം നിനക്ക് കൂട്ടയ നിന്ന ..
നിൻ നിഴൽ പോലും അന്ന് അന്നൃയമാകും !!!. ...
നീ അന്ന് പട്ടം പറപ്പിച്ച പാടവും ...
നീ അന്ന് പന്ത് കളിച്ച കളങ്ങളും ...
വിട്ടേ മതിയാകു ...വിട്ടേ മതിയാകു ..
എൻ പ്രിയ സോദരാ.. എൻ പ്രിയ സോദരി ..
നീ അന്ന് കെട്ടി പടുത്ത സൗദങ്ങലും ...
നീ ഇന്നു കെട്ടി പിടിക്കുന്നതോകെയും 
നിന്റെ മോഹങ്ങളും ,, മോഹഭoഗങ്ങളും 
വിട്ടേ മതിയാകു ... വിട്ടേ മതിയാകു ..
എൻ പ്രിയ സോദരാ.. എൻ പ്രിയ സൊദരി ..
നിൻ ദേഹി ,, നിൻ ദേഹി ,, നിൻ ദേഹി ,, നിൻ ദേഹി ,,
നിൻ ദേഹി നിൻ ദേഹം വിട്ടു പിരിയുബോൾ .....
പകലന്തിയോളം നിനക്ക് കൂട്ടയ നിന്ന ..
നിൻ നിഴൽ പോലും അന്ന് അന്നൃയമാകും!!!.
വിദ്യാധരൻ 2016-07-08 06:28:02
സ്വാതന്ത്യ്രത്തിൽ 
അസ്വാതന്ത്യമു ണ്ടോർക്ക കവയിത്രി!
താരുണ്യവും യുവത്വവും 
സ്വാതന്ത്ര്യേയിച്ഛയെ കൂട്ടുന്നു,  
പക്ഷിയോ പട്ടമോ ആയി -
സ്വച്ഛന്ദം പാറിപറക്കാൻ കൊതിക്കുന്നു 
വേടന്റെ അമ്പുകൊണ്ടെയ്‌തു വീഴാനും,  
ബലമായി തട്ടിയെടുത്തു 
കൂട്ടിലടക്കാനും, 
ചരടുപൊട്ടി അപരിമിതമാം 
അംബരത്തിൽ അപ്രത്യക്ഷമാകനും മതി 
പറക്കുക കൂട്ടമായി പറക്കുന്ന 
പറവകളെപ്പോൽ
പോകുക മുന്നിൽ പറക്കുന്ന 
സുശിക്ഷിത നേതാവിനെ 
അനുധാവനം ചെയ്യുക  
പാറിപറക്കൂ 'അനന്തം അജ്ഞാതമീ 
ആകാശ മണ്ഡലത്തിൽ .

(അവിശ്വാസം വിശ്വാസത്തിന്റെ ഭാഗം എന്നപോൽ 
അസ്വാതന്ത്ര്യം സ്വാതന്ത്യ്രത്തിന്റെ ഭാഗമാണ് 
-പരിപൂർണ്ണ സ്വാതന്ത്യം എന്നു ഒന്നുണ്ടോ ?)
SREEKUMAR PURUSHOTHAMAN 2016-07-08 10:25:07
നല്ല എഴുത്ത് .. അനിത .. കൂടുതൽ എഴുതാൻ ആശംസകൾ ....
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക