ഓണം...പൊന്നോണം... (കവിത: അന്‍വര്‍ ഷാ ഉമയനല്ലൂര്‍)
Published on 09 August, 2016
സപ്തവര്‍ണ്ണങ്ങളാലവനിതന്‍ കനവുകള്‍
നൃത്തമാടിക്കുമെന്‍ ശാലീന ചിങ്ങമേ,
സ്മരണീയ സുകൃതമലയാള പൊന്നോണമേ
യമൃതേകിടാനരികിലണയുന്ന പുണ്യമേ,
മഞ്ജുശലഭങ്ങളീ, മമ സൗമ്യകൈരളി
ക്കതിരറ്റയാനന്ദമേകുമീ വേളയില്‍
പാരിലിന്നെളിമതന്‍ നയനങ്ങളെന്നപോ
ലുയരുന്നു തെളിമതന്‍ തുമ്പമലരുകള്‍
വിസ്മയംപൂണ്ടെന്നെ നോക്കുന്നു നാമ്പുകള്‍
സുസ്മിതംതൂകി നില്‍ക്കുന്നേറെ നോവുകള്‍
നിന്നോര്‍മ്മകള്‍ക്കുമേല്‍ കൂടൊരുക്കീടുന്നു
ചിത്രവര്‍ണ്ണച്ചിറകുളളയെന്‍ ചിന്തകള്‍.
രമ്യഭാവങ്ങളാലരുണനീ പടവുകള്‍
നന്മയുള്ളോര്‍ക്കായലങ്കരിച്ചേകവേ,
ഒച്ചയുണ്ടാക്കാതിളംകാറ്റു വന്നിതെന്‍
കൊച്ചോമനതന്‍ മിഴിപൊത്തിനില്‍ക്കയാല്‍
ലതികകള്‍തോറും നിറയുന്ന പുഞ്ചിരി
ചെഞ്ചുണ്ടിലേയ്ക്കു പകര്‍ത്തുന്നമാതിരി
തളിരിളം കൈകളാലരുമതന്‍ ചൊടികളി
ലതിലോല സ്‌മേരമൊന്നെഴുതുന്നു കൈരളി
ശ്രുതിമധുരമായ് പാടിടുന്നാത്മ നിര്‍വൃതി
ശ്രീലകമായിതെന്‍ മാതൃമനോഗതി
ശ്രാവണമാസമേ, നിന്‍ ഹൃദ്യപൂവിളി
ശ്രവണ സുഖമേകിടുന്നേറെയിന്നെന്‍സ്തുതി.
വര്‍ഷങ്ങളെണ്ണിമാറ്റീടവേ, കാലമെന്‍
പുലരിക്കു പുതുവര്‍ണ്ണമേകുമീ വേളയില്‍
പിടിതരാതകലേയ്ക്കു പോയയുത്സാഹമെന്‍
കാല്പാടുകള്‍നോക്കിയെത്തുന്നു ഝടിതിയില്‍
നിസ്തുല സ്‌നേഹംപരക്കുമീയവനിയില്‍
സ്വസ്ഥതയൊന്നായ് നുകരുന്നു സോദരര്‍
വിസ്തൃത ഭൂവിതിലില്ലസ്തമയമൊ
ന്നെന്നുണര്‍ത്തീടുന്നതിമോദ രാവുകള്‍
ബന്ധംപുതുക്കീനീങ്ങുന്നു പരസ്പരം
കയ്പ്പുനീരേകിയിരുന്നരാപ്പകലുകള്‍
കല്‍മഷമാകേയകറ്റി, നവോന്മേഷ
നിമിഷങ്ങളേകുന്നുപൊന്നോണ നാളുകള്‍.
സുകൃതമീ മലയാളഭൂമിതന്‍ നല്പുതു
വര്‍ഷോത്സവം ഹര്‍ഷമായിടാന്‍ സാദരം
തുളസികളെന്നാര്‍ദ്ര ചിന്തപോല്‍ സന്തതം
പ്രാര്‍ത്ഥനാ നിരതമാക്കീടുന്നു സന്ധ്യകള്‍
അര്‍പ്പിപ്പു കൈരളീദേവിതന്‍ മുമ്പിലായ്
നാളീകേരങ്ങളീ കല്പവൃക്ഷങ്ങളും
കളിചിരി, കുസൃതിക,ളതിമോദ പുലരൊളി
യെങ്ങും പരക്കുകയാണെന്നുലകിതില്‍
ഈ ഹര്‍ഷമീ,വര്‍ഷമിതുപോലെ തുടരുകി
ലതിലേറെയില്ലൊന്നുമെന്നറിഞ്ഞീടുകില്‍
സ്തുത്യര്‍ഹ സേവകരാകനാം നന്മതന്‍
നിത്യവസന്തം വരുത്തുവാനവനിയില്‍.
നൃത്തമാടിക്കുമെന്‍ ശാലീന ചിങ്ങമേ,
സ്മരണീയ സുകൃതമലയാള പൊന്നോണമേ
യമൃതേകിടാനരികിലണയുന്ന പുണ്യമേ,
മഞ്ജുശലഭങ്ങളീ, മമ സൗമ്യകൈരളി
ക്കതിരറ്റയാനന്ദമേകുമീ വേളയില്‍
പാരിലിന്നെളിമതന്‍ നയനങ്ങളെന്നപോ
ലുയരുന്നു തെളിമതന്‍ തുമ്പമലരുകള്‍
വിസ്മയംപൂണ്ടെന്നെ നോക്കുന്നു നാമ്പുകള്‍
സുസ്മിതംതൂകി നില്‍ക്കുന്നേറെ നോവുകള്‍
നിന്നോര്‍മ്മകള്‍ക്കുമേല്‍ കൂടൊരുക്കീടുന്നു
ചിത്രവര്‍ണ്ണച്ചിറകുളളയെന്‍ ചിന്തകള്‍.
രമ്യഭാവങ്ങളാലരുണനീ പടവുകള്‍
നന്മയുള്ളോര്‍ക്കായലങ്കരിച്ചേകവേ,
ഒച്ചയുണ്ടാക്കാതിളംകാറ്റു വന്നിതെന്‍
കൊച്ചോമനതന്‍ മിഴിപൊത്തിനില്‍ക്കയാല്‍
ലതികകള്‍തോറും നിറയുന്ന പുഞ്ചിരി
ചെഞ്ചുണ്ടിലേയ്ക്കു പകര്‍ത്തുന്നമാതിരി
തളിരിളം കൈകളാലരുമതന്‍ ചൊടികളി
ലതിലോല സ്‌മേരമൊന്നെഴുതുന്നു കൈരളി
ശ്രുതിമധുരമായ് പാടിടുന്നാത്മ നിര്‍വൃതി
ശ്രീലകമായിതെന്‍ മാതൃമനോഗതി
ശ്രാവണമാസമേ, നിന്‍ ഹൃദ്യപൂവിളി
ശ്രവണ സുഖമേകിടുന്നേറെയിന്നെന്‍സ്തുതി.
വര്‍ഷങ്ങളെണ്ണിമാറ്റീടവേ, കാലമെന്‍
പുലരിക്കു പുതുവര്‍ണ്ണമേകുമീ വേളയില്‍
പിടിതരാതകലേയ്ക്കു പോയയുത്സാഹമെന്‍
കാല്പാടുകള്‍നോക്കിയെത്തുന്നു ഝടിതിയില്‍
നിസ്തുല സ്‌നേഹംപരക്കുമീയവനിയില്‍
സ്വസ്ഥതയൊന്നായ് നുകരുന്നു സോദരര്‍
വിസ്തൃത ഭൂവിതിലില്ലസ്തമയമൊ
ന്നെന്നുണര്‍ത്തീടുന്നതിമോദ രാവുകള്‍
ബന്ധംപുതുക്കീനീങ്ങുന്നു പരസ്പരം
കയ്പ്പുനീരേകിയിരുന്നരാപ്പകലുകള്‍
കല്‍മഷമാകേയകറ്റി, നവോന്മേഷ
നിമിഷങ്ങളേകുന്നുപൊന്നോണ നാളുകള്‍.
സുകൃതമീ മലയാളഭൂമിതന്‍ നല്പുതു
വര്‍ഷോത്സവം ഹര്‍ഷമായിടാന്‍ സാദരം
തുളസികളെന്നാര്‍ദ്ര ചിന്തപോല്‍ സന്തതം
പ്രാര്‍ത്ഥനാ നിരതമാക്കീടുന്നു സന്ധ്യകള്‍
അര്‍പ്പിപ്പു കൈരളീദേവിതന്‍ മുമ്പിലായ്
നാളീകേരങ്ങളീ കല്പവൃക്ഷങ്ങളും
കളിചിരി, കുസൃതിക,ളതിമോദ പുലരൊളി
യെങ്ങും പരക്കുകയാണെന്നുലകിതില്‍
ഈ ഹര്‍ഷമീ,വര്‍ഷമിതുപോലെ തുടരുകി
ലതിലേറെയില്ലൊന്നുമെന്നറിഞ്ഞീടുകില്‍
സ്തുത്യര്‍ഹ സേവകരാകനാം നന്മതന്‍
നിത്യവസന്തം വരുത്തുവാനവനിയില്‍.
Facebook Comments
Comments
വിദ്യാധരൻ 2016-08-09 09:37:23
പൊന്നോണമിന്നും മനസ്സിന്റ കോണിൽ
നല്ലോണമങ്ങനെ വിളങ്ങി തിളങ്ങുന്നു
പൊയ്‌പ്പോയ നല്ലതാം നാളുകളിന്നത്തെ
കയ്യ്പ്പേറും ദിനങ്ങളെ ആസ്വാദ്യമാക്കുന്നു
തൊടികളും പോയി പൂക്കളും പോയി
പാറിപറക്കും പറവകളും പോയി
ഗ്രാമങ്ങളൊക്കെ തേഞ്ഞുമാഞ്ഞു
ഗ്രാമീണരെ കണ്ടാൽ അറിയാതെയായി .
ഇന്നത്തെ ഓണം ചുങ്ങി ചുരുങ്ങി
വിദൂരദർശിനിക്കുള്ളിലൊതുങ്ങി
എങ്കിലും നിൻ സങ്കല്പപുഷ്ടമാം കവിത
കൊണ്ടുപോകുന്നെന്നെ ഭൂതകാലത്തിലേക്ക്
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala