അമ്മയില്ലാത്തൊരു വീട്ടിലേക്കിന്നു ഞാന്
ആരെക്കാണാനിനി പോകണം ചിന്തിപ്പേന് !
റാണിയില്ലാത്തൊരുതേനീച്ചക്കൂടാണെന്
ചേണറ്റമാതൃദീപം പൊലിഞ്ഞഗേഹം !
വിശ്വത്തെയാകെ ത്രസിപ്പിക്കും പഞ്ചിരി
വാത്സല്യംവാര്ന്നൊലിച്ചീടും പരിഭവാല്
മെല്ലിച്ച കൈവിരല്ചേര്ത്തുതലോടലും
ഇല്ലിനി, യില്ലാപ്പരിതപ്തവേശകേ !
ഇന്നുമെന് ജീവിത വീഥിയിന് സാന്ത്വനം
എന് മാതൃചിത്തത്തിന് പ്രാര്ത്ഥനാ മന്ത്രണം !
വിശൈ്വകസൗന്ദര്യം ദൂരെയൊളിക്കുമാ
വിശ്വവിതാനത്തിന് സൗഭഗമാണമ്മ !
ഓമനപ്പൈതലിന് ചോരിവായ്ചോര്ത്തവേ
അമ്മിഞ്ഞപ്പാലേകും പൈതലിന്സായൂജ്യം !
ലോകാലോകങ്ങളിലാകെത്തിരഞ്ഞാലും
ആര്ക്കുമേലഭ്യമാവാത്തൊരനുഭൂതി !
കന്മഷമില്ലാത്ത കാêണ്യവാരിധി
ജന്മജന്മാന്തരാമൃതകമാണമ്മ !
നിസ്തുലസ്നേഹത്താല് നിസ്തുഷാര്ത്ഥനയാല്
സാത്വികത്വത്തില്വളര്ത്തും തന് തനൂജര്
സത്യധര്മ്മാദി സദ്ഗുണധന്യരാം
ജാതരവര്വിശ്വസൗഷ്ടവ സമ്പാദ്യം!
നന്മതുളുമ്പിടും മാതാക്കളേ, മക്കള്
നന്ദിയോടര്പ്പിപ്പൂ, ആശംസാഹാരങ്ങള് !