ദാഹം(കവിത : ഡോ: നന്ദകുമാര്‍ ചാണയില്‍)
Published on 29 June, 2019
(ന്യൂയോര്‍ക്കില്‍ നിന്നും പ്രസിദ്ധീകരിക്കുന്ന ജയ്ഹിന്ദ് വാര്‍ത്ത നടത്തിയ സാഹിത്യമത്സരത്തില്‍ ഒന്നാം സമ്മാനം നേടിയ കവിത)
അപാരമഗാധം, പാരാവാരം നീ ജ്ഞാനസിന്ധോ!
ദാഹി ഞാന്‍, തരുമോ നീ ഒരു ചെറുതുള്ളി എനിക്ക്?
ദാഹരഹിതനാട്ടെ, പാലാഴിയും ഒരു പാഴ്ക്കടല്‍!
ഗര്‍ത്തങ്ങളജ്ഞാത,മവയളക്കുവാന്‍ ത്രാണി-
യില്ലെങ്കിലും ഗര്‍വ്വാല്‍ സമസ്തവും സ്വന്തം
കാല്‍ക്കീഴിലാക്കാന്‍ പാമരനുണ്ടേറെ ഗര്‍വ്വം.
അല്‍പന്‍ തേടുന്നൂ, നിശാമദ്ധ്യേ, ചത്ര'ായ,
കൂപമണ്ഡൂകമുണ്ടറിവൂ ഇതരജലാശയസങ്കേതവും
ബാഹ്യപ്രപഞ്ചവും?
ശാസ്ര്തിയും ശാസ്ര്തജ്ഞനും പരക്കം പായുന്നു
എന്തെന്നറിയാതെ,എന്തിനെ,ന്നെവിടേയ്‌ക്കെന്നും !
കവിയുമോടുന്നു നെട്ടോട്ടം, കപിപോല്‍ വ്രുത്തത്തില്‍
വ്രുത്തമൊപ്പിച്ചിടാനും വ്രുത്തിക്കുമായ്!
ആദിയുമില്ല, അന്തവുമില്ല, ഗോളചചക്രമിതുതിരിയവേ,
ചെയ്തുതീര്‍ക്കാനേറെയുണ്ടേ, ക്ഷണികമാമീ
നീര്‍ക്കുമിളയ്ക്കും.
അമൃതുപോല്‍, നഞ്ചുപോല്‍, അല്‍പമേ വേണ്ടൂ
അമ്രുതമാംജ്ഞാനത്തിന്‍ കണം കിട്ടുമോ-
യീ വേഴാമ്പലിന്‍ ദാഹം തീര്‍ത്തിടാന്‍?
***************
Facebook Comments
Comments
Sudhir Panikkaveetil 2019-07-02 10:53:04
ജ്ഞാനത്തിനായി ദാഹിച്ചുനിൽക്കുന്നു കവി. അതിമോഹമില്ല.
അമൃതിന്റെ കണംപോലെ , നഞ്ചുപോലെ വളരെക്കുറിച്ച്
മതി കാരണം പരന്നുകിടക്കുന്ന സമുദ്രത്തിന്റെ
ഓരോ തുള്ളിയിലും ലവണരസമുണ്ടാകുമല്ലോ. ആർജിക്കാൻ
ആഗ്രഹിക്കുന്ന അറിവ് അതിനായി വേഴാമ്പലിനെപോലെ
കവി തപസ്സു ചെയ്യുന്നു. കൂടുതൽ കൂടുതൽ
നിർവചിക്കാൻ പൊരുളുള്ള ഒരു കവിത.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala