MediaAppUSA

എന്റെ ചെറുതുകളുടെ തമ്പുരാട്ടി! (കവിത: മാലിനി)

Published on 03 July, 2019
എന്റെ ചെറുതുകളുടെ തമ്പുരാട്ടി! (കവിത: മാലിനി)
ചെറുതുകളിലൊരു വലുതുണ്ട്
വലുതുകളൊക്കെയും ചെറുതുകള്‍ചേര്‍ന്നാ
ചെറുതുകളെയൊക്കെ വലുതായിക്കാണാന്‍
ചെറിയ നീ ഉള്ളില്‍ വലുതായിരിക്കണം.

കാസരോഗിയെ കാണുമ്പോഴോര്‍ക്കണം
ഓരോ ശ്വാസതാളവും എത്ര വലുതെന്ന്
 നെല്‍മണിയോരോന്നും നെല്ലറ നിറക്കുമ്പോള്‍
ചെറുതെത്ര വലുതെന്നറിയണം നീ.

എന്നെന്നെ പഠിപ്പിച്ച ചെറുതുകളുടെ തമ്പുരാട്ടി!

നീണ്ട കാല്‍നടയാത്രകളില്‍
നെട്ടോട്ടമോടും പ്രാരാബ്ധ ദിനങ്ങളില്‍
നസ്‌റത്തിലെ തച്ചനെ ഞാന്‍ കേട്ടതും
കര്‍ണ്ണന്റെ കണ്ണീരറിഞ്ഞതും നീ പറഞ്ഞ്.

അക്ഷരങ്ങളെ ഞാന്‍ കൂട്ടിവായിച്ചപ്പോഴാ
അക്ഷരതെറ്റുള്ളയെന്റെ കഥകള്‍ക്കു
കാതോര്‍ത്തൊരു പുഞ്ചിരിയാലെന്നെ
പിന്നെയും പിന്നെയും കഥകള്‍ പറയിച്ചതും

എന്റെ കഥകളുടെ തമ്പുരാട്ടി!

കനമേറും ഭാരം വരുംനാളിലതിനെ
പൊളിച്ചടുക്കി ചെറുതാക്കണം.
ആയുധമുള്ള വൈരിയെക്കണ്ടലാ
ദിശമാറിയോടാനും നീ മടിക്കേണ്ട.

ഒരുവേള ഓര്‍ത്താല്‍ കരയുന്ന കാര്യം
പലവേളയോര്‍ത്തു കരയണ്ട നീ.
ഒരുവേള ഓര്‍ത്താല്‍ ചിരിക്കുന്ന കാര്യം
പലവേളയോര്‍ത്തു ചിരിക്കണം നീ.

എന്നും പറഞ്ഞു പ്രായോഗികതയുടെ തമ്പുരാട്ടി!

ഒത്തിരിയൊത്തിരി ആശകള്‍, അരുതുകള്‍
ഒത്തിരിയൊത്തിരി  ചെറുതുകള്‍, വലുതുകള്‍
എന്നാലുണ്ടാകണം അതിനിടയിലൊരു തുലനം
ആ സമനിലയാകണം ജീവിതം.

ഇന്നുകഴിഞ്ഞേ നാളെയുള്ളെന്നും
അതുകൊണ്ടന്നത്തെ അപ്പത്തിന് പ്രാര്‍ത്ഥിക്കണന്നും
ഇന്നുകഴിഞ്ഞാലൊരു നാളെയുണ്ടെന്നും
നീതന്നെ പൊരുതണം നാളെയ്ക്കായെന്നും പറഞ്ഞപ്പോള്‍

‘തമ്മില്‍ ചേരില്ലല്ലോ’ എന്നതിനെന്നെ ശാസിച്ചത്
വിശ്വാസത്തിന്റെ തമ്പുരാട്ടി!

ശ്വസിച്ചതില്‍ പാതിയെനിക്കുതന്നു
കഴിച്ചതില്‍ പാതിയുമെനിക്കുതന്നു
നാല്‍പ്പതാം വയസ്സില്‍ നിന്റെ
മാതൃപാത്രത്തിലെന്നെ സൂക്ഷിച്ച്

ഈ സുന്ദര ഭൂവിലെനിക്കൊരു
ചെറിയ  വലിയ ജീവിതം
തന്നതിനെന്നുമെന്നുമീ പുഞ്ചിരി!
നിറമിഴികളില്‍ നന്ദിയൊളിപ്പിച്ച
നമുക്കിടയിലെ സ്വകാര്യ പുഞ്ചിരി!

എന്റെ അമ്മക്ക്
എന്റെ ചെറുതുകളുടെ തമ്പുരാട്ടിക്ക്!
amerikkan mollakka 2019-07-03 20:29:39
മാലിനി കൊച്ചുതമ്പുരാട്ടി അസ്സലാമു അലൈക്കും...
ചെറിയ കാര്യങ്ങളുടെ വലിയ അർത്ഥതലങ്ങൾ .
അമ്മയാണ് ദൈവം.നബി തിരുമേനി പറഞ്ഞത് 
സ്വർഗം അമ്മയുടെ കാൽക്കലെന്നാണ്. നല്ല 
കബിത , നിങ്ങളുടെ കഥകളും നല്ലത്.അടുത്ത  തവണ 
ഇ മലയാളിയുടെ അവാർഡ് വാങ്ങണം. 
Sudhir Panikkaveetil 2019-07-04 17:42:20
Goddess of small things ! Sentiments to a mother has been depicted beautifully, poetically. Congratulations.  

( I had sent this comment earlier... I do not know what happened_)
അമേരിക്കൻ മുക്രി 2019-07-04 18:10:58
ല്ല മൊല്ലാക്ക, ങ്ങള് പിന്നീം പല പേരില് മൊഞ്ചത്തികളുടെ പിന്നാലെ കൂടീർക്കണ്? നിസ്കാരം മറക്കണ്ട.
മൊല്ലാക്ക 2019-07-04 18:17:54
ഒന്ന് മുക്രി ഇടാന്ന് ബാച്ചാൽ ഓരോ അലാക്കുകൾ  ഒളിഞ്ഞു നോക്കണോ ? 
josecheripuram 2019-07-04 19:43:36
Her writing are beautiful as she is,I'am reluctant to comment on a female author.Because I write comments on my name.Not fake names.Why don't you have the guts to write on your names.Guys come out of hiding.Whom you'r afraid of.Your wife.Church.Or me.You could say anything to me I don't care.What yo think I successfully completed 45 years of married life.So be brave.
j 2019-07-05 00:41:25
It took 45 years for you to be brave . That is too bad.  With in a month time my wife said  she had never seen a brave man like me .   
josecheripuram 2019-07-05 11:57:49
Talk about it after 44 tears.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക