Lawson Travels

വസന്തം നഷ്ടപ്പെട്ടവള്‍ (കവിത: സീന ജോസഫ്)

Published on 14 November, 2019
വസന്തം നഷ്ടപ്പെട്ടവള്‍ (കവിത: സീന ജോസഫ്)
നിന്റെ നെഞ്ചില്‍ ആഴത്തില്‍ വേരോടാന്‍ കൊതിച്ച
ഒരു സിക്കമൂര്‍ വൃക്ഷമായിരുന്നു അവള്‍
നിന്റെ ഉണ്മയിലേക്ക് ഉയര്‍ന്നു പൊങ്ങാനാണ്
അവളുടെ ശിഖരങ്ങള്‍ ഉത്സാഹം കൊണ്ടത്
നിന്റെ ആത്മാവിന്റെ ആകാശങ്ങള്‍ മോഹിച്ചാണ്
അവളുടെ ഇലച്ചാര്‍ത്തുകള്‍ ചാമരം വീശിയത്

എന്നിരുന്നാലും അവളുടെ വസന്തങ്ങള്‍
നിനക്കു വര്‍ണ്ണവിസ്മയങ്ങളായിരുന്നില്ല.
നിന്റെയുള്ളിലവ മായാസുഗന്ധം നിറച്ചുമില്ല.
എന്നിട്ടും അവള്‍ തഴച്ചുവളര്‍ന്നതു നിനക്കുവേണ്ടി.

നിന്റെ അലസനയനങ്ങളില്‍, ചില നേരങ്ങളില്‍
ചില കൗതുകക്കുരുവികള്‍ ചേക്കേറുന്നത്
അവള്‍ കാണാതെയിരുന്നില്ല!
നിന്റെ ഉച്ഛ്വാസനിശ്വാസങ്ങളില്‍
പലപ്പോഴും ശീതക്കാറ്റു നിറഞ്ഞു.
അതിലവള്‍ ഇലകൊഴിയും ശിശിരമായി,
ഉള്ളില്‍ ജീവനുണ്ടെന്നു മറന്നവളായി.

എങ്കിലും തളര്‍ന്നിരിക്കുവാന്‍ നീ
ഒരു തണലുതേടുമ്പോഴൊക്കെയും
അവള്‍ നിന്റെ അരികിലുണ്ടായിരുന്നു,
എപ്പോഴും നിന്റെ ഉള്ളിലുണ്ടായിരുന്നു!
ഇനിയും വര്‍ണ്ണവസന്തങ്ങളില്‍
നീ ഭ്രമിക്കുമെന്നറിഞ്ഞു കൊണ്ടുതന്നെ.
തനിക്കൊരുപാടു ശിശിരങ്ങള്‍
കടന്നു പോകാനുണ്ടെന്നുമറിഞ്ഞു തന്നെ!
കാമദേവൻ 2019-11-14 22:12:26
ഞാനില്ലാതെ പ്രപഞ്ചമില്ല 
എല്ലാത്തിന്റെയും 
പ്രഭവസ്ഥാനം ഞാനാണ് 
നിന്നിലെ ആഗ്രഹഗങ്ങളും 
പ്രണയവും 
ശിശിരത്തെ വസന്തമാക്കാനുള്ള 
നിന്റെ ശ്രമങ്ങളും 
ഒടുവിൽ മറ്റൊരുവന്റെ 
നെഞ്ചിലെ ചൂടേറ്റ് 
ഇണചേർന്ന് 
തളർന്നുറങ്ങാനുള്ള 
നിന്റെമോഹങ്ങളും 
ഞാൻ തൊടുക്കുന്ന 
ശരങ്ങൾ ഏൽക്കുമ്പോൾ 
നിന്നിൽ നുരയ്ക്കുന്ന 
കാമത്തിന്റ 
വിവിധ ഭാവങ്ങളാണ് 
ഞാനാണ് സാക്ഷാൽ 
കാമദേവൻ 
പഞ്ചശരവാഹിയായ 
കാമദേവൻ 

വിദ്യാധരൻ 2019-11-14 18:50:06
അവന്റെ നെഞ്ചിൽ 
വേരറ്റുപോയ പല സിക്കമൂർ 
വൃക്ഷങ്ങളുടെയൂം ഉണങ്ങിയ  
കുറ്റികൾ ഉണ്ട് .അതിന്റെ ഇടയിലേക്ക് 
നിന്റെ വേരുകൾ പായിച്ച് 
മറ്റൊരു കുറ്റിയാകാൻ  
നീ ശ്രമിക്കുന്നതെന്തിന്?
നീ അവനിൽ കാണുന്ന ഉൺമ അത് 
നിന്റെ മനസ്സ് സൃഷിട്ടിക്കുന്ന 
മതിഭ്രമം മാത്രമാണ് 
നിന്റെ വസന്തന്തളേയും 
അതിന്റെ സുഗന്ധങ്ങളെയും 
മനസ്സിലാക്കാൻ കഴിയാത്ത അവന്റെ 
നെഞ്ചിലെ ശ്‌മശാനത്തിൽ,
നീ എന്തിന് തഴച്ചു വളരുവാൻ വെമ്പുന്നു?
ഒരു പക്ഷെ അവന്റെ കണ്ണുകളിൽ 
നീ കണ്ട കൗതക കുരുവികൾ 
അവന്റെ നെഞ്ചിൽ കരിഞ്ഞുപോയ 
സിക്കമൂർ വൃക്ഷങ്ങളിൽ 
പണ്ടെങ്ങോ ചേക്കേറിയ കുരുവികൾ 
ആയിരുന്നിരിക്കാം!
നിനക്ക് തളർന്നിരിക്കുവാൻ 
ഒരു ഇടം മാത്രമല്ലേ വേണ്ടു ?
അതവനറിയാം സിക്കമൂർ വൃക്ഷമേ !
സ്വാർത്ഥമായ ഈ ലോകത്ത് 
നാം വെറും പ്രവാസികൾ മാത്രം ! 
വസന്തവും ,  ശിശിരവും വന്നുപോകും 
അപ്പോളെല്ലാം ഏതെങ്കിലും ഒരു 
നെഞ്ചിന്റെ തണലിൽ നീ അഭയം തേടു 
വീണ്ടും നീ നിന്റ സ്വാർത്ഥമായ  യാത്ര തുടരൂ 

Mollakka fan 2019-11-14 22:40:44
അമേരിക്കൻ മൊല്ലാക്ക എവിടെ പോയി ? തണുപ്പ് കാരണം വിറകു കൊള്ളി  കത്തിക്കാൻ  അടിപ്പിൽ കേറ്റി വച്ചിരിക്കുകയായിരിക്കും ? ഏതെങ്കിലും ഒരടുപ്പിൽ കേറ്റി വയ്ക്കുക അല്ലാതെ അതെടുത്തോണ്ട് അങ്ങോട്ടും ഇങ്ങോട്ടും ഓടിയാൽ സംഗതി 'മരവിച്ചു വടിപോലെ നിൽക്കും 


അമേരിക്കൻ മുക്രി 2019-11-14 23:40:20
ജ്ജ് അറിഞ്ഞില്ലേ ഫാനേ? രാത്രീല് രാത്രീല് മൊല്ലാക്കവേഷം കെട്ടി നടക്കണ ഇബനെ നാട്ടാര് പിടിച്ച് കല്യാണം കയിപ്പിച്ചീന്ന്. എത്? സുന്നത്ത് കല്യാണം! ഇനി തുണിയും ചുറ്റി കുറച്ച് നാള് ബീവിമാരെ അടുപ്പിക്കാണ്ട് കിടപ്പന്നെ.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക