പെണ്‍ സിങ്കങ്ങള്‍ (കവിത: ഫൈസല്‍ മാറഞ്ചേരി )

ചില വാക്കുകള്‍ ഉണ്ട്

ഗോബാക്ക് പോലെ

ഏതു സ്വച്ഛാധിപതിയെയും നിശ്ശബ്ദനാക്കുന്നത്

ചില ചൂണ്ടു വിരലും നോട്ടങ്ങളുണ്ട് ഏതു സേനയുടെയും മുട്ട്

വിറപ്പിക്കുന്നത്

ചില സഹനങ്ങള്‍ ഉണ്ട് ഏത് അക്രമത്തെയും സൗമ്യമായി ഏറ്റെടുക്കുന്നത്

അവരില്‍ ഐഷയുണ്ട് സൂര്യയുണ്ട് ആയിഷയുണ്ട്

മതത്തേക്കാള്‍ മനുഷ്യത്വം പാഠ പുസ്തകതാളില്‍ കണ്ടവര്‍

ചില മാതാക്കളുണ്ട് ചില പെണ്‍പുലികള്‍ക്കു ജന്മം കൊടുത്തു സുകൃതം ചെയ്തവര്‍

തന്റെ തൊണ്ടയിടാറാതെ

തന്റെ വയറിനെ മഹത്വപ്പെടുത്തുന്നവര്‍

നിന്നെ തിരഞ്ഞവര്‍ വന്നു എന്നതില്‍ അഭിമാനം കൊണ്ടവര്‍

ഇവരിലൂടെ മാത്രമേ ഇനി ഇന്ത്യക്ക് അതിജീവനമുള്ളു

കളങ്കം മനസ്സില്‍ തീണ്ടാത്തവര്‍ അധികാരത്തിന്റെ അപ്പക്കഷ്ണങ്ങള്‍ സ്വപ്നം കാണാത്തവര്‍

ഒരിറ്റു ചോരയോ കണ്ണീരോ വീഴ്ത്താതെ ഒരു സമരവും വിജയിച്ചിട്ടില്ല

അവരിലും മതഭ്രാന്ത് അടിച്ചേല്‍പ്പിക്കുന്നവര്‍ അധികാരത്തിന്റെ ശീതളച്ഛായ നുകരുന്നവര്‍