MediaAppUSA

പ്രണയം (സീന ജോസഫ്)

സീന ജോസഫ് Published on 12 February, 2020
പ്രണയം (സീന ജോസഫ്)
എങ്ങനെയാണ് നിന്റെ കണ്ണുകള്‍ 
എന്റെ ആത്മാവിലേക്കുള്ള വഴിയറിഞ്ഞത്?

എന്തിനുവേണ്ടിയാണ് നിന്റെ വാക്കുകള്‍
പിച്ചകപ്പൂക്കളായ് എന്നിലേക്കുതിര്‍ന്നു വീണത്?

എങ്ങനെയാണ് ആ നവസുഗന്ധം യുഗങ്ങളോളം
എന്റെ നെഞ്ചില്‍ നിറഞ്ഞു കവിഞ്ഞൊഴുകിയത്?

എന്തുകൊണ്ടാണ് നിന്റെ മൗനത്തിനുപോലും
കവിതകളെഴുതുവാന്‍ കഴിയുന്നത്?

എങ്ങനെയാണ് ആ കവിതകളൊക്കെയും
നാം പണ്ടേ പ്രണയിച്ചവര്‍ എന്നു പാടുന്നത്?

എന്തുകൊണ്ടാണ് ഉദയസൂര്യനെക്കാണുമ്പോള്‍
ഞാനാകെത്തുടുത്തൊരു സൂര്യകാന്തിയാകുന്നത്?

എന്തിനുവേണ്ടിയാണ് എന്റെ ഏകജാലകം
നിന്റെ വഴിയിലേക്കെപ്പോഴും തുറന്നു കിടക്കുന്നത്?
josecheripuram 2020-02-13 17:29:24
"Enthu kottanu nee "So beautiful but Unhappy".
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക