MediaAppUSA

ഇതൊരു കൊറോണക്കാലം (ദീപ ബിബീഷ് നായർ)

Published on 24 March, 2020
ഇതൊരു കൊറോണക്കാലം (ദീപ ബിബീഷ് നായർ)
മനുഷ്യജീവിതത്തെ മരണത്തിൻ്റെ മുൾമുനയിൽ നിർത്താൻ വീണ്ടുമൊരു കറുത്ത കാലമായിട്ടാണോ ഈ 'കൊറോണ'യുടെ വരവ്. ചൈനയുടെ വുഹാൻ തെരുവുകളിൽ പടർന്ന മഹാവ്യാധി എത്ര പെട്ടെന്നാണ് ഈ ഭൂലോകത്തെ പിടിച്ചു കുലുക്കിയത്. ലോകരാജ്യങ്ങളെയൊക്കെ ഒരു നീരാളിയെപ്പോലെ അവൻ വരിഞ്ഞുമുറുക്കുകയാണ്. മണിക്കൂറുകളോളം ജീവനോടെയിരിക്കാൻ കഴിവുള്ള ഈ വൈറസ് വളരെ അപകടകാരിയാണെന്ന് നാം ഇതിനകം തന്നെ തിരിച്ചറിഞ്ഞു കഴിഞ്ഞു.

അസുഖം പകരാതെയിരിക്കാനായി നമ്മുടെ രാജ്യം നടത്തുന്ന ശ്രമം അനിർവചനീയമാണ്. ഭാവിയിൽ എന്നും തമ്മിൽക്കാണാനായി ഇന്ന് നമുക്ക് അകലം പാലിക്കേണ്ടത് അനിവാര്യമായി മാറിയിരിക്കുന്നു. ആളുകളെ കാർന്ന് തിന്നുന്ന ഈ വൈറസ് ഇനിയും മരണസംഖ്യ ഉയർത്താതിരിക്കാൻ നമുക്ക് കൂടുതൽ ശ്രദ്ധിക്കാം.

ജീവിതത്തിലെ സുഖവും ദു:ഖവും സന്തോഷവും സങ്കടവുമൊക്കെ ഒരു പരിധിവരെ നമ്മുടെ തന്നെ പ്രവൃത്തിയുടെ ഫലമാണ്. നമ്മുടെ ജീവിതത്തിലെ ഒരു പ്രധാന മാർഗരേഖയാകട്ടെ ഇനി വരുന്ന 21 ദിവസങ്ങൾ കൊണ്ട് നമ്മൾ വരക്കാൻ പോകുന്നത്. അതെ അനുസരണ ആപത്തിനെ തടയുമെങ്കിൽ നമുക്ക് അനുസരണയുള്ള കുട്ടികളായിരിക്കാം ഇനിയുള്ള ദിവസങ്ങളിൽ......

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക