കാലിഫോര്‍ണിയയില്‍  നിന്ന് എഴുത്തുകാരിയും  റിട്ടയേര്‍ഡ്  കോളേജ്  അധ്യാപികയുമായ   ശ്രീമതി  ശ്രീദേവി കൃഷ്ണന്‍  ഇ മലയാളിയിലൂടെ തന്റെ രചനകള്‍ വായനക്കാരുമായി പങ്കു വയ്ക്കുന്നു . ശ്രീമതി  ശ്രീദേവി  പൊളിറ്റിക്കല്‍ സയന്‍സില്‍  കേരള യൂണിവേഴ്‌സിറ്റി യില്‍  നിന്ന്  റാങ്കോടെ  എം  എ  പാസ്സായതിനു  ശേഷം  മദ്രാസ്  യൂണിവേഴ്‌സിറ്റി  യില്‍  നിന്നും  ഇംഗ്ലീഷ് ലിറ്ററേച്ചറില്‍  ഒരു  മാസ്‌റ്റേഴ്‌സ്  ബിരുദവും  കൂടി  നേടി .“കാസറ്റ്  ആന്‍ഡ്  പൊളിറ്റിക്‌സ്  ഇന്‍ കേരള”  എന്ന  വിഷയത്തില്‍  മദ്രാസ്  യൂണിവേഴ്‌സിറ്റി  യില്‍  റീസെര്‍ച് സ്‌കോള റും ആയിരുന്നു . ആന്ധ്രാ , മുംബൈ , ചെന്നൈ  എന്നിവിടങ്ങളില്‍  കോളേജ്  അദ്ധ്യാപിക യായി സേവനം  അനുഷ്ഠിച്ചിട്ടുണ്ട് .
 
റീഡേഴ്‌സ്  ഡൈജസ്റ്റ് , ഫെമിന , വനിത, ഹിന്ദു , ഇന്ത്യന്‍  എക്‌സ്പ്രസ്സ്  തുടങ്ങി  ഇന്ത്യയിലെ  മുഖ്യധാരാ  മാധ്യമങ്ങളില്‍  ഇംഗ്ലീഷിലും  മലയാളത്തിലും കോളങ്ങ ളും,  ചെറുകഥ,    നോവല്‍, ലേഖനങ്ങള്‍  എന്നിവ  തുടര്‍ച്ചയായി ശ്രീദേവി എഴുതിയിരുന്നു. റീഡേഴ്‌സ്  ഡൈജസ്റ്റ്  നടത്തിയ  വാലന്‍ന്റൈന്‍  സ്‌പെഷ്യല്‍  രചനാ മത്സരത്തില്‍ അവാര്‍ഡ് നേടിയിട്ടുണ്ട് .  പ്രസിദ്ധീകരിച്ചിട്ടുള്ള ഇംഗ്ലീഷ് പുസ്തകങ്ങള്‍ താഴെ പറയുന്നവയാണ് .  ഈ പുസ്തകങ്ങള്‍ ആമസോണില്‍ ലഭ്യവുമാണ് .

“The Truth of the hereafter & other stories “
" You may be right, I may be crazy' & other stories”
”Musings of a sensitive Indian woman"

" Silicon Castles "

സിലിക്കണ്‍ കാസില്‍സ് എന്ന സിലിക്കണ്‍ വാലി യിലെ ഒരു ഇടത്തരം എഞ്ചിനീയ റു ടെ ജീവിതപശ്ചാത്തലം ആസ്പദമാക്കി എഴുതിയ നോവല്‍ " വണ്‍ വേ  ടിക്കറ്റ് " എന്ന പേരില്‍ ഇംഗ്ലീഷ് സിനിമയായിട്ടുണ്ട്.

“ലോസ്റ്റ്  ജിപ്‌സീസ്” ആണ് അവര്‍ഡ് നേടിയ മറ്റൊരു ഡോക്യുമെന്ററി മൂവി .

നല്ലൊരു ക്രൊഷ്യ തയ്യല്‍ വിദഗ്ധ കൂടിയാണ് ശ്രീദേവി . ലോകത്തിലെ ഏറ്റവും വലിയ ബ്ലാങ്കെറ്റ് നെയ്ത് ഗിന്നസ് ബുക്കില്‍ ഇടം നേടിയ തയ്യല്‍ക്കാരികളുടെ കൂട്ടത്തില്‍ ശ്രീദേവിയും പങ്കാളിയായിരുന്നു .

നാല്‍പ്പത്തി ആറു വര്‍ഷത്തെ ദാമ്പത്യത്തിനു ശേഷം ഭര്‍ത്താവ് കാപ്റ്റന്‍ കൃഷ്ണന്‍   യാത്ര പറഞ്ഞു.  പിന്നീട് അക്ഷരങ്ങളും മക്കളും  സ്‌നേഹിതരും ചേര്‍ന്ന താണ് തന്റെ ലോകം എന്ന് ശ്രീദേവി പറയുന്നു . ഇപ്പോള്‍ മകനോടൊപ്പം കാലിഫോര്‍ണിയ സാന്‍ഹോസെയില്‍ വിശ്രമ ജീവിതം.  മകന്‍ ചീനു കൃഷ്ണന്‍ സാന്‍ ഹൊസെയില്‍ എഞ്ചിനീയര്‍ ആണ് . മകള്‍ ഷെറില കൃഷ്ണന്‍ ന്യൂ യോര്‍ക്കില്‍ ഡോക്ടറും .

കാത്തിരിക്കുക ശ്രീദേവി കൃഷ്ണന്റെ രചനകള്‍ ഇ മലയാളിയുടെ താളുകളില്‍ ഇനി മുതല്‍ വായിക്കുക....