Image

നിന്റെ കഥയാകുവാൻ..( കവിത : പുഷ്പമ്മ ചാണ്ടി )

Published on 11 October, 2021
നിന്റെ കഥയാകുവാൻ..( കവിത : പുഷ്പമ്മ ചാണ്ടി )
മൗനമങ്ങനെ നിർത്താതെ പെയ്യുന്നു
ഹൃദയമിപ്പൊഴും മരുഭൂമിപോലുരുകുന്നു..
ഉള്ളിലെരിയുന്ന കനൽദീപമണയുന്നു
ചുറ്റും പടരുന്ന ധൂപമോ
പൊതിയുന്നു..

എന്നിട്ടുമെന്തേയീ
മോഹപ്പെരുമഴ.. 
കഥയായ് പിറക്കുവാൻ..
നിന്നെക്കുറിച്ചുളള  കഥയാകുവാൻ..

വരികൾക്കിടയിലൂടെന്നെ ഞാൻ തേടുന്ന,
നിന്റെ കഥയാകുവാൻ..
അതിലെ നായിക ഞാനല്ലയെന്നിട്ടും 
കഥയതു മുഴുമിക്കാൻ..
.
വാക്കുകൾക്കിടയിലെ വിടവുപോലെ 
വരികളുടെയിടയിലും 
നമ്മളുടെയിടയിലും 
വിടവുകളേറുന്നു...
ഇടയിലൊരക്ഷരം തിരുകിവച്ചാ 
വിടവു നികത്താൻ ഞാൻ ശ്രമിക്കെ
ശൂന്യതയുടെ 
പൊരുളില്ലായ്മയറിയുന്നു
ഞാൻമാത്രമറിയുന്ന
കഥയാണിന്നും നീ
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക