തമ്പി ആന്റണി തെക്കേക്ക് മലയാളം-ഇംഗ്ലീഷ് എഴുത്തുകാരൻ, നടൻ, നിർമ്മാതാവ്, ബിസിനസ്മാൻ... തൊട്ടതെല്ലാം പൊന്നാക്കിയ പ്രതിഭാവിലാസം (യു.എസ്. പ്രൊഫൈൽ)

Published on 02 May, 2022
തമ്പി ആന്റണി തെക്കേക്ക് മലയാളം-ഇംഗ്ലീഷ് എഴുത്തുകാരൻ, നടൻ, നിർമ്മാതാവ്, ബിസിനസ്മാൻ... തൊട്ടതെല്ലാം പൊന്നാക്കിയ പ്രതിഭാവിലാസം  (യു.എസ്. പ്രൊഫൈൽ)

READ MAGAZINE FORMAT: https://profiles.emalayalee.com/us-profiles/thampi-antony/#page=1

READ PDF

https://emalayalee.b-cdn.net/getPDFNews.php?pdf=261847_Thampi%20Antony.pdf

എഴുത്തുകാരൻ, സിനിമാ നടൻ, സിനിമാ നിർമ്മാതാവ്, ബിസിനസ്മാൻ തുടങ്ങി വൈവിധ്യമാർന്ന മേഖലകളിൽ വിജയം നേടിയ മലയാളികളിൽ തമ്പി ആന്റണിയുടെ പേര് മുന്നിൽ നിൽക്കുന്നു. ഒരു പതിറ്റാണ്ടിനുള്ളിൽ മലയാളം കണ്ട ഏറ്റവും മികച്ച എഴുത്തുകാരിൽ ഒരാളാണ് തമ്പി ആന്റണി. എഴുത്തുകാരൻ എന്നറിയപ്പെടുന്നതിൽ കൂടുതൽ അഭിമാനം കൊള്ളുന്ന വ്യക്തി.

ആന്റണി തെക്കേക്ക് എന്നറിയപ്പെടുന്ന തമ്പി ആന്റണി വർഷങ്ങളായി അമേരിക്കയിൽ സ്ഥിരതാമസമെങ്കിലും പ്രധാനമായും എഴുതുന്നത് മലയാളത്തിൽ തന്നെ. എങ്കിലും ആറ്  ഇംഗ്ലീഷ് പുസ്തകങ്ങളും പ്രസിദ്ധീകരിച്ചിട്ടുണ്ട്.

എഴുത്തുകൾ കൂടുതലും അമേരിക്കയെപ്പറ്റി തന്നെ. ഇവിടത്തെ ജീവിതം ഇത്രയധികം ചിത്രീകരിക്കുന്ന എഴുത്തുകാർ വിരളം. ഇവിടെ വന്നു കഴിഞ്ഞാൽ നാട്ടിലേക്ക് നോക്കിയിരിക്കുകയും ഗൃഹാതുരത്വത്തിൽ ആണ്ടു  പോകുകയുമാണ് മിക്ക എഴുത്തുകാരും ചെയ്യുന്നത്. അതിനാൽ അവരുടെ വിഷയമൊക്കെ നാടുമായി ബന്ധപ്പെട്ടതായിരിക്കും. അതിനൊരു അപവാദമാണ് തമ്പി ആന്റണി.

കാല്‍നൂറ്റാണ്ടിലേറെയായി മലയാള സിനിമാലോകത്തെ നിറസാന്നിധ്യമായ തമ്പി ആന്‍ണി  സിനിമകളിലൂടെയും പുസ്തകങ്ങളിലൂടെയും  ലോകമെമ്പാടുമുള്ള മലയാളികളുടെ ആഴമേറിയ സ്‌നേഹം പിടിച്ചുപറ്റി. മലയാളവും ഹോളീവുഡും ഉൾപ്പെടെ നാല്പതോളം  സിനിമകളിൽ  അഭിനയിച്ചിട്ടുണ്ട് . ഇംഗ്ലീഷ് ഉൾപ്പെടെ ഏഴു ചിത്രങ്ങളിൽ നായകനുമായി...

READ MAGAZINE FORMAT

READ PDF

ജോസഫ്‌ എബ്രഹാം 2022-05-02 23:34:01
ശ്രീ തമ്പി ആന്റണിയെ ഞാന്‍ നേരില്‍ കണ്ടിട്ടില്ല ഒന്നു രണ്ടു പ്രാവശ്യം ഫോണില്‍ സംസാരിച്ചിട്ടുണ്ട് , ഇടയ്ക്കൊക്കെ വാട്സപ്പില്‍ ചില മെസ്സേജുകള്‍ വരാറുണ്ട്. എന്‍റെ ഏതെങ്കിലും കഥ ഇഷ്ട്ടമയാല്‍ അഭിനന്ദിച്ചു കൊണ്ട് മെസ്സേജു ഇടാറുണ്ട്. ഞാനിതുപറയുന്നത് അല്‍പ്പം തലക്കനം വേണമെങ്കില്‍ കാണിക്കാനുള്ള തലപ്പൊക്കം അദേഹത്തിനു ഉണ്ടെങ്കിലും, വിനയത്തോടും ബഹുമാനത്തോടും വലിപ്പചെറുപ്പം നോക്കാതെ, എല്ലാവരോടും അദ്ദേഹം പെരുമാറുന്നു എന്നകാര്യം സൂചിപ്പിക്കാനാണ്. ശ്രീ തമ്പി ആന്റണിക്ക് എല്ലാവിധ ആശംസകളും നേരുന്നു.
Rajasree Suresh 2022-05-03 10:43:52
👍👍🙏 - Rajasree Suresh (rajusahaja1971@gmail.com)
അമേരിക്കന്‍ മലയാളീ 2022-05-07 23:10:55
കണ്ണിക്കണ്ട്തിനും കണ്ണിമാങ്ങായ്ക്കും പോലും കമന്‍റുകള്‍ എഴുതുന്ന അമേരിക്കന്‍ മലയാളികള്‍, തമ്പി ആന്റണി എന്ന വിജയം വരിച്ച മലയാളിയെക്കുറിച്ച് 'കമാന്നു' പോലും മിണ്ടാതെ അവഗണിക്കുന്നതു തികഞ്ഞ അസൂയ തന്നെയാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക