MediaAppUSA

മാങ്ങ - മാം, ഗോ - പ്രകാശൻ കരിവെള്ളൂർ

Published on 09 May, 2022
മാങ്ങ - മാം, ഗോ - പ്രകാശൻ കരിവെള്ളൂർ

അമ്മയോട് 
മാം, ഗോ എന്നിങ്ങനെ 
ഹിന്ദിയും ഇംഗ്ളീഷും 
പറയുമ്പോലായി
ഇപ്പോൾ ,
മാമ്പഴക്കാലത്തിന്റെ 
വികസനം.

കണ്ണിച്ചവർപ്പിനുപ്പു വേണ്ട,
കുപ്പായം കൂട്ടിക്കടിച്ചിടേണ്ട,
മാങ്ങയണ്ടിക്ക് കൂട്ടു പോണ്ട,
ചെന പൊള്ളി ചുണ്ടത്ത് 
പുണ്ണു വേണ്ട !

മാർക്കറ്റിലെപ്പോഴും 
സുലഭമല്ലോ 
ഹോർമോണിൽ ചാലിച്ച 
മാമ്പഴങ്ങൾ .

വേനലിൽ കൂട്ടായ 
കുളിർമധുരമേ ,
നീയുമിനിയോർമ്മയുടെ 
ചില്ലുകൂട്ടിൽ ...

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക