ക്യാപിറ്റോളിൽ 2021 ജനുവരി ആറിനു മുൻ പ്രസിഡന്റ് ഡൊണാൾഡ് ട്രംപിന്റെ അനുയായികൾ നടത്തിയ ആക്രമണത്തെ കുറിച്ച് അന്വേഷിക്കുന്ന പ്രത്യേക കമ്മിറ്റി യു എസ് കോൺഗ്രസിന്റെ അഞ്ചു റിപ്പബ്ലിക്കൻ അംഗങ്ങളോട് ഹാജരാവാൻ ആവശ്യപ്പെട്ടു. അധോസഭയായ ഹൗസ് ഓഫ് റെപ്രെസെന്ററ്റീവ്സിന്റെ കമ്മിറ്റി വിളിച്ചിട്ടുള്ളത് കെവിൻ മക്കാർത്തി (കലിഫോണിയ), സ്കോട്ട് പെറി (പെൻസിൽവേനിയ), ജിം ജോർഡൻ (ഒഹായോ), ആൻഡി ബിഗ്ഗ്സ് (അരിസോണ), മോ ബ്രൂക്ക്സ് (അലബാമ) എന്നീ ഹൗസ് അംഗങ്ങളെയാണ്.
കമ്മിറ്റി നിയമവിരുദ്ധമാണെന്ന നിലപാട് സ്വീകരിച്ചിട്ടുള്ളവരാണ് ഇവരെല്ലാം. ജോ ബൈഡൻ വിജയം കവർന്നെടുത്താണെന്ന ട്രംപിന്റെ ആരോപണം ഉയർത്തിപ്പിടിച്ചാണ് അനുയായികൾ ആക്രമണം നടത്തിയത്.
ഹാജരായില്ലെങ്കിൽ കോൺഗ്രസിനെതിരെ നിഷേധാത്മക നിലപാട് സ്വീകരിച്ചു എന്ന കുറ്റം അവരുടെ മേൽ വരും.