"എന്താ പിള്ളേച്ചാ കയ്യില് ഒരു പൊതിയൊക്കെ?'"
"എടോ, ഇത് അല്പം അരിയും മലരും പിന്നെ കുറച്ചു കടുകുമാ."
"അതെന്തിനാ പിള്ളേച്ചാ കുചേലനെപ്പോലെ വല്ല കൃഷ്ണനെയും കാണാന് പോകാണോ?"
"അതൊന്നുമല്ലെടോ."
"പിന്നെന്താ?"
"അപ്പോള് ഇയ്യാള് ഈ നാട്ടിലൊന്നുമല്ലേ ജീവിക്കുന്നത്?"
"എന്താന്നു വച്ചാല് തെളിച്ചുപറ പിള്ളേച്ചാ."
"എടോ, നിങ്ങളൊക്കെ കുറച്ചു കുന്തിരിക്കം കൂടി വാങ്ങി വച്ചോളൂ."
"ഓ, അപ്പോള് അതാണ് കാര്യം. ആ ചെറുക്കന് ഏതാണ്ടു വിളിച്ചു പറഞ്ഞതാണോ വലിയ കാര്യം?"
"അത് വലിയ കാര്യമായി നിങ്ങള്ക്ക് തോന്നുന്നില്ല അല്ലേ? അതില് വലിയ അതിശയമില്ല. കാരണം അവരുടെ പൂര്വികര് കൂട്ടക്കൊല നടത്തി കൊന്നൊടുക്കിയതു മുക്കാലും ഹിന്ദുക്കളെയാണെടോ. അപ്പോള് നിങ്ങള്ക്കതിന്റെ തീവ്രത മനസ്സിലാകില്ല."
"അതൊക്കെ പഴയ കഥയല്ലേ പിള്ളേച്ചാ. അന്നത്തെപ്പോലെയാണോ ഇന്ന്? നമുക്കിവിടെ ഒരു ജനാധിപത്യ വ്യവസ്ഥിതിയും ശക്തമായ ഭരണകൂടവുമില്ലേ?"
"പണ്ടും അതൊക്കെ ഉണ്ടായിരുന്നെടോ. കാഷ്മീരില് കൂട്ടക്കൊല ചെയ്യപ്പെട്ട പണ്ഡിറ്റുകളൊക്കെ ഹിന്ദുക്കളായിരുന്നെടോ. അന്നും ഇവിടെ ഒരു ജനാധിപത്യ സര്ക്കാരുണ്ടായിരുന്നു. എന്നിട്ടെന്തു ചെയ്തു? മലബാര് കലാപത്തിലും കൂട്ടക്കൊല ചെയ്യപ്പെട്ടത് ഹിന്ദുക്കളായിരുന്നെടോ. കൂടെ കുറച്ചു ക്രിസ്ത്യാനികളെയും കൊന്നു. അത് കൊണ്ടാണ് പറയുന്നത് പേടിക്കണം എന്ന്."
"പക്ഷെ അങ്ങനെയൊരു സാഹചര്യം കേരളത്തില് ഒരിക്കലും ഉണ്ടാകില്ല പിള്ളേച്ചാ. ഇവിടത്തെ ജനങ്ങള് മതേതരത്വത്തില് വിശ്വസിക്കുന്നവരാണ്."
"അത് ശരിയാണ്. ഭൂരിഭാഗം വരുന്ന മുസ്ലിങ്ങളും ഹിന്ദുക്കളും ക്രിസ്ത്യാനികളും മതേതരത്വത്തില് വിശ്വസിക്കുന്നവരാണ്. പക്ഷെ വളരെ ചെറിയൊരു ശതമാനം അങ്ങനെ വിശ്വസിക്കുന്നില്ല എന്നതിന്റെ തെളിവല്ലേ ഇപ്പോള് കണ്ട തീവ്രവാദ റാലി."
"എന്നാലും അത് ഭയങ്കരമായിപ്പോയി. കൂടി വന്നാല് എട്ടോ പത്തോ വയസ് മാത്രം പ്രായമുള്ള ഒരു കുട്ടിയെ പരിശീലിപ്പിച്ചു തോളത്തു വച്ച് കൂട്ടക്കൊലക്കുള്ള ആഹ്വാനമായി മുദ്രാവാക്യങ്ങള് വിളിപ്പിക്കുക! അതും കേരളത്തില്!"
"എടോ, ഇയ്യാള് ശ്രദ്ധിച്ചോ ആ മുദ്രാവാക്യങ്ങള്?"
"അരിയും മലരും വാങ്ങിച്ച് വീട്ടില് കാത്തു വച്ചോളൂ.
ഒന്ന് കൂടെ മറന്നതാ ഒന്ന് കൂടെ മറന്നതാ
കുന്തിരിക്കം വാങ്ങിച്ച് വീട്ടില് കാത്തു വച്ചോളൂ
വരുന്നുണ്ടെടാ വരുന്നുണ്ടെടാ നിന്റെയൊക്കെ കാലന്മാര്
മര്യാദയ്ക്കു ജീവിച്ചോ നമ്മുടെ നാട്ടില് ജീവിക്കാം
മര്യാദയ്ക്കു മര്യാദയ്ക്കു മര്യാദയ്ക്കു ജീവിച്ചോ
മര്യാദയ്ക്കു ജീവിച്ചില്ലേല് നമുക്കറിയാം ആസാദി
മര്യാദയ്ക്കു മര്യാദയ്ക്കു മര്യാദയ്ക്കു ജീവിച്ചോ"
"എടോ, 'ഈ നാട്ടിലെ ഹിന്ദുക്കളും ക്രിസ്ത്യാനികളും അവരുടെ ശവസംസ്കാരത്തിനുള്ള വകയൊക്കെ കരുതി വച്ചോളൂ. നിന്നെയൊക്കെ കൂട്ടക്കൊല ചെയ്യാന് ഞങ്ങളായ കാലന്മാര് വരുന്നുണ്ട്. അതുകൊണ്ടു മര്യാദയ്ക്കു ജീവിച്ചോളൂ'"എന്നു പരസ്യ ഭീഴണിയുമായി കുറെ മുസ്ലിം തീവ്രവാദികള് കൊലവിളി നടത്തി ജാഥ നയിക്കാന് ധൈര്യമുണ്ടായെങ്കില് നാം ഭയപ്പെടണമെടോ. ഇത്രയും പരസ്യമായിത്തന്നെ പറഞ്ഞിട്ടും ഒരു ഭരണ കര്ത്താവോ ജനപ്രതിനിധിയോ ഇതിനെതിരേ ചെറുവിരലെങ്കിലും അനക്കിയോടോ?"
"ഇല്ല. അതിനു ചങ്കുറപ്പുള്ള ഏതു നേതാവാണ് ഇന്ന് രാഷ്ട്രീയത്തിലുള്ളത്?"
"അതു കൊണ്ടാണെടോ ഞാന് പറഞ്ഞത് നമ്മള് ഭയപ്പെടണമെന്ന്."
"ഇപ്പോള് കേസെടുക്കുമെന്ന് പറഞ്ഞ പൊലീസിനെയൊന്നും കണ്ടില്ലല്ലോ. പി.സി. ജോര്ജിന്റെ കാര്യത്തില് അങ്ങനെയല്ലായിരുന്നല്ലോ."
"ഒരു കാര്യം നമ്മള് മനസ്സിലാക്കണം. നല്ല വിദ്യാലയങ്ങളില് പഠിച്ചു മിടുക്കരായി നാടിന്റെ ഭാവി വാഗ്ദാനങ്ങളാകേണ്ട ഈ കുരുന്നുകളെ മതപഠന ക്ളാസ്സുകളില് മാത്രമിരുത്തി തലയില് തീവ്രവാദം കുത്തിനിറയ്ക്കുന്ന മദ്രസകളില് പഠിപ്പിച്ചു കലാപത്തിനാഹ്വാനം ചെയ്യുന്ന വിഷവിത്തുകളാക്കി വാര്ത്തെടുക്കാന് പഠിപ്പിക്കുന്ന അധ്യാപകര്ക്ക് സര്ക്കാരാണ് ശമ്പളം കൊടുക്കുന്നത്. അത് ഈ നാട്ടിലെ ഹിന്ദുവും ക്രിസ്ത്യാനിയും കൊടുക്കുന്ന നികുതിപ്പണമാണ്.''
"ഇത്രയും പ്രകോപനപരമായി ഇവര് മുദ്രാവാക്യം വിളിച്ചു പരസ്യമായി കൂട്ടക്കൊലക്കാഹ്വാനം ചെയ്തിട്ടും എന്തുകൊണ്ടാണ് പിള്ളേച്ചാ ഒരു രാഷ്ട്രീയ നേതാവും 'ഇവനെയൊക്കെ അറസ്റ്റ് ചെയ്തു ജയിലിലടക്കണ'മെന്നു പറയാന് ധൈര്യപ്പെടാതിരിക്കുന്നത്?"
"എടോ ഇന്നത്തെ രാഷ്ട്രീയ നേതാക്കന്മാരുടെയെല്ലാം ആണത്തം അധികാര വാഞ്ഛ കൊണ്ടു വരിയുടയ്ക്കപ്പെട്ടതാണ്. ഷണ്ഡന്മാരായ നേതാക്കന്മാര്ക്ക് മതപ്രീണനമേ അറിയൂ. അത് തീവ്രവാദമായാലും അവര് കണ്ണടയ്ക്കും."
"പിന്നെ സമാധാനത്തോടെ ജീവിക്കാന് ആഗ്രഹിക്കുന്ന സാധാരണക്കാരായവര്ക്കെന്താണ് വഴി?"
നമ്മുടെ നാട്ടില് പറ്റുന്നത്, ചില സമുദായങ്ങള് ചില രാഷ്ട്രീയ പാര്ട്ടികള്ക്ക് സ്ഥിരമായി ഭ്രഷ്ട് കല്പിച്ചിരിക്കയാണ്. ഈ ചിന്താഗതി മാറണം. ഹിന്ദുക്കള്ക്ക് പറ്റിയ കുഴപ്പം അവര്ക്കു നല്ലൊരു നേതാവില്ലെന്നതാണ്. മന്നത്തു പത്മനാഭനെ പോലെയുള്ള അനിഷേധ്യ നേതാക്കള് ഇന്നില്ല. ആരെങ്കിലും മുന്നോട്ടു വന്നാല് തന്നെ അവനിട്ടു നല്ല പണി കൊടുത്തു നശിപ്പിക്കാന് നൂറു പേരുണ്ടാകും. ക്രിസ്ത്യാനികളുടെ കാര്യം അതിലും കഷ്ടമാണ്. അവര്ക്കു നല്ല പ്രാതിനിധ്യം നല്കുന്ന കേരളാ കോണ്ഗ്രസ് എന്ന രാഷ്ട്രീയ പ്രസ്ഥാനം പിളര്ന്നു പിളര്ന്ന് ഇനിയും ഗ്രൂപ്പുണ്ടാക്കാന് ഇംഗ്ലീഷ് അക്ഷരമാലയില് കൂടുതല് അക്ഷരങ്ങള് ഉണ്ടാകാന് സായിപ്പിന്റെ കാരുണ്യം തേടുകയാണവര്. ക്രിസ്ത്യാനികള് നൂറു വിഭാഗങ്ങളല്ലേ! ഒന്നിനെ മറ്റൊന്നിനു കാണരുത്. തമ്മില് തമ്മില് വഴക്കും കേസും ഭ്രഷ്ടും കല്പിച്ച് ആകെയുള്ള ഒരു ദൈവത്തെ പല കഷണങ്ങളാക്കി പകുത്തു കാശാക്കാന് നോക്കുന്ന തെരക്കിലാണവര്. പിന്നെ ആകെയുള്ള പ്രതീക്ഷ ഇനി കേന്ദ്ര സര്ക്കാരില് മാത്രമാണുള്ളത്. അവര് ചെയ്യുന്ന എല്ലാത്തിനെയും അനുകൂലിക്കുന്നില്ലെങ്കില് പോലും ഇനി ഇവിടെ ജീവിക്കണമെങ്കില് അതേ മാര്ഗമുള്ളൂ."
"അതും ഒരു വര്ഗീയ പാര്ട്ടിയല്ലേ പിള്ളേച്ചാ?"
"എല്ലാ പാര്ട്ടികളും വര്ഗീയ പ്രീണനമാണ് നടത്തുന്നത്. അവര് അത് തുറന്നു പറയുന്നു എന്ന് മാത്രമേയുള്ളൂ. പിന്നെ ഒന്നാലോചിച്ചാല് ഏതായാലും ഹിന്ദുക്കള് ഈ രാജ്യത്ത് എന്നും ഭൂരിപക്ഷം ആയിരുന്നല്ലോ. എന്നിട്ടും എല്ലാവരും ഇവിടെ സമാധാനമായി ജീവിച്ചില്ലേ? ഇപ്പോള് അവര് പ്രശ്നമുണ്ടാക്കുന്നെങ്കില് അവരെ അതിലേക്കു തള്ളി വിടുന്നത് ഈ ബാലന്റെ വായില് നിന്നും വിഷം ചീറ്റാന് പരിശീലിപ്പിച്ചവരുടെ പ്രവൃത്തിയല്ലേ എന്ന് ചിന്തിക്കണം.'
''ശക്തമായ നടപടിയെടുക്കാന് തൃക്കാക്കര എന്ന പര്ദ്ദ കൊണ്ടു മുഖം മറച്ചിരിക്കുന്ന സര്ക്കാരിനും പ്രതിപക്ഷത്തിനും ഇപ്പോള് സാധ്യമല്ല പിള്ളേച്ചാ. എന്നാല് തിമിരം ബാധിച്ചിട്ടില്ലാത്ത കേന്ദ്ര മന്ത്രിസഭ ഇക്കാര്യം ഗുരുതരമായി കാണുകയും നടപടിയെടുക്കുകയും വേണം. കേരളത്തിലെ മുഴുവന് ഹിന്ദുക്കളും ക്രിസ്ത്യാനികളും ഭൂരിഭാഗം വരുന്ന മുസ്ലിങ്ങളും നിങ്ങളുടെ കൂടെയുണ്ടാകും. ഇത് കേരളത്തിന്റെ മാത്രം പ്രശ്നമല്ല. ഭാരതത്തിന്റെ അഖണ്ഡതയ്ക്കും ഐക്യദാര്ഢ്യത്തിനും വേണ്ടിയുള്ള സി പി ആര് മാത്രമായിരിക്കും. ആ നടപടിക്ക് അമാന്തിച്ചുകൂടാ!''
''കേരളത്തിലെ അനങ്ങാപ്പാറകളെപ്പോലെ നിരുത്തരവാദികളല്ല കേന്ദ്രം ഭരിക്കുന്നവര്. അവര് നടപടി എടുക്കട്ടെ. കേരളത്തിലെ ഹിന്ദുക്കളും ക്രിസ്ത്യാനികളും രാജ്യത്തിന്റെ മതേതരത്വത്തില് വിശ്വസിക്കുന്ന മുസ്ലിങ്ങളും അവര്ക്ക് ഇക്കാര്യത്തില് നിരുപാധിക പിന്തുണ നല്കുക.''
"എന്തായാലും നമുക്കും ഇവിടെ ജീവിക്കണം. അതുകൊണ്ടു തീവ്രവാദത്തെ വളര്ത്താന് ആഹ്വനം ചെയ്യുന്നവര് ഒന്ന് മനസ്സിലാക്കണം. ആ കുട്ടി പറഞ്ഞതുപോലെ, "മര്യാദയ്ക്ക് ജീവിച്ചാല് നമ്മുടെ നാട്ടില് ജീവിക്കാം.' അല്ലെങ്കില് ജീവിതകാലം മുഴുവന് ഉണ്ട തിന്നു ജീവിക്കാം.''
Read more: https://emalayalee.com/writer/170